ଶ୍ରୀନଗର: ଜମ୍ମୁ-କାଶ୍ମୀର ପୁଲୱାମାର କାକାପୋରାରେ ସୁରକ୍ଷାକର୍ମୀ-ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଛି । ସମ୍ପୃକ୍ତ ଅଞ୍ଚଳରେ ୩ ଜଣ ଆତଙ୍କବାଦୀ ଥିବା ସୂଚନା ମିଳିବା ପରେ ଅଞ୍ଚଳକୁ କର୍ଡନ କରି ନେଇଛନ୍ତି ସୁରକ୍ଷାକର୍ମୀ । ଗୁଳି ବିନିମୟ ବେଳେ ଜଣେ ଆତଙ୍କବାଦୀ ନିହତ ହୋଇଥିବା ଜଣାପଡ଼ିଛି । ଏବେ ୨ ଆତଙ୍କବାଦୀ ଛପି ରହିଥିବା ବେଳେ ଗୁଳି ବିନିମୟ ଚାଲିଛି ।
ସକାଳ ସମୟ ହୋଇଥିବାରୁ ଲୋକଙ୍କୁ ଘରର କବାଟ, ଝରକା ବନ୍ଦ ରଖିବାକୁ କୁହାଯାଇଛି । ସୁରକ୍ଷା ଦୃଷ୍ଟିରୁ ପୁଲୱାମାରେ ଇଣ୍ଟରନେଟ୍ ସେବାକୁ ବନ୍ଦ କରି ଦିଆଯାଇଛି । କାକପୋରାର ସମବୋରା ଗାଁରେ କିଛି ଆତଙ୍କବାଦୀ ଥିବା ନେଇ ସୁରକ୍ଷାକର୍ମୀ ସୂଚନା ପାଇଥିଲେ । ଗୁଇନ୍ଦା ସୂଚନା ଆଧାରରେ ଅଞ୍ଚଳରେ ସର୍ଚ୍ଚ ଅପରେସନ୍ ବେଳେ ଧରାପଡ଼ିଯିବା ଭୟରେ ଆତଙ୍କବାଦୀ ଗୁଳି ଚାଳନା କରିଥିଲେ ।
ସେନା ପକ୍ଷରୁ ଆତ୍ମସମର୍ପଣ ପାଇଁ ଆଦଙ୍କବାଦୀଙ୍କୁ କୁହାଯାଇଥିଲା । କିନ୍ତୁ ସେମାନେ ଗୁଳି ଚାଳନା ଜାରି ରଖିଥିଲେ । ଯାହାପରେ ସେନାର ଗୁଳିରେ ଜଣେ ଆତଙ୍କବାଦୀରେ ମୃତ୍ୟୁ ହୋଇଥିବା ସୂଚନା ମିଳିଛି ।
Comments are closed.