ମାଲକାନଗିରି : ମାଲକାନଗିରି ଜିଲ୍ଲାରେ ଶନିବାର ଦିନ ସ୍ଥାନୀୟ ପୋଲିସ ଏକ ପିଆଜ ବୋଝେଇ ଟ୍ରକରୁ ପାଖାପାଖି ୮ କ୍ୱିଣ୍ଟାଲ୍ ଗଞ୍ଜେଇ ଜବତ କରିଛି ।
ମିଳିଥିବା ସୂଚନାନୁଯାୟୀ ଖଇରପୁଟ ପୋଲିସ ଥାନାର ଏକ ଟିମ୍ କୌଣସି ସୁତ୍ରରୁ ଖବର ପାଇ ପୋଡା ଘାଟ ନିକଟରେ ଏକ ଟ୍ରକ୍ ଉପରେ ଚଢାଉ କରିଥିଲେ । ଏହି ଚଢାଉ ବେଳେ ଉକ୍ତ ଟ୍ରକରେ ଥିବା ପିଆଜ ବସ୍ତା ମଧ୍ୟରେ ଗଞ୍ଜେଇ ରଖାଯାଇଥିବା ଦେଖିବାକୁ ମିଳିଥିଲା । ଏହି ଘଟଣା ପରେ ପୋଲିସ ଉକ୍ତ ଟ୍ରକକୁ ଜବତ କରିବା ସହ ୨ ଜଣଙ୍କୁ ଗିରଫ କରିଛି ।
ଆହୁରି ମଧ୍ୟ ମାଲକାନଗିରି ଜିଲ୍ଲାର ଚିତ୍ରକୋଣ୍ଡାରୁ ଛତିଶଗଡ଼କୁ ଏହି ଗଞ୍ଜେଇ ଗୁଡିକ ଚୋରା ଚାଲାଣ କରାଯାଉଥବା ନେଇ ପ୍ରାଥମିକ ତଦନ୍ତରୁ ଜଣାପଡିଛି ।