ରାୟଗଡା : ଇଣ୍ଟରନେସନାଲ୍ ହ୍ୟୁମାନ୍ ରାଇଟ୍ କମିଶନ ଓ କିଛି ସ୍ୱେଚ୍ଛାସେବୀ ସଙ୍ଗଠନର ମିଳିତ ଉଦ୍ୟମରେ ତେଲେଙ୍ଗାନାରେ ଫସିଥିବା ୧୫ ଜଣ ଓଡ଼ିଆ ଦାଦନ ଶ୍ରମିକଙ୍କୁ ଉଦ୍ଧାର କରାଯାଇଛି।
ସମସ୍ତ ୧୫ ଜଣ ଓଡ଼ିଆ ଦାଦନ ଶ୍ରମିକଙ୍କ ଘର ବଲାଙ୍ଗିର ଜିଲ୍ଲାରେ ବୋଲି ଜଣାପଡ଼ିଛି । ଏଥିସହିତ ସେମାନଙ୍କ ମଧ୍ୟରେ ୭ ଜଣ ମହିଳା ରହିଥିବା ନେଇ ସୂଚନା ମିଳିଛି ।
ଶ୍ରମିକମାନେ ତେଲେଙ୍ଗାନାର ପେଡାପାଲ୍ଲି ଜିଲ୍ଲାର କାର୍ଲାଚିଲ୍ଲାରେ ଏକ ଇଟାଭାଟିରେ କାମ କରୁଥିଲେ।
ମିଳିଥିବା ସୂଚନାନୁଯାୟୀ ଇଟାଭାଟି ମାଲିକ ସେମାନଙ୍କୁ ତାଙ୍କ ପ୍ରାପ୍ୟ ଠିକ୍ ଭାବେ ଦେଉନଥିଲେ ଏବଂ ମାଲିକଙ୍କୁ ନିଜ ପ୍ରାପ୍ୟ ମାଗିଲେ ଶ୍ରମିକମାନଙ୍କୁ ନିର୍ଯ୍ୟାତନା ଦିଆଯାଉଥିବା ନେଇ ସୁତ୍ରରୁ ପ୍ରକାଶ ।
ଏସମ୍ପର୍କରେ କେହି ଦାଦନ ଶ୍ରମିକ ଇଣ୍ଟରନେସନାଲ୍ ହ୍ୟୁମାନ୍ ରାଇଟ୍ କମିଶନଙ୍କୁ ସୂଚନା ଦେଇଥିଲେ । ଏହାକୁ ଭିତ୍ତି କରି ଆଇଏଚଆରସି ଶ୍ରମିକମାନଙ୍କୁ ଉଦ୍ଧାର କରି ଓଡ଼ିଶା ପଠାଇଥିଲା।
ଆହୁରି ମଧ୍ୟ ଗତକାଲି ରାତିରେ ଶ୍ରମିକମାନେ ଟ୍ରେନ୍ ଯୋଗେ ରାୟଗଡ଼ାରେ ଆସି ପହଞ୍ଚିଥିଲେ ଏବଂ ସେଠାରୁ ବଲାଙ୍ଗୀର ଜିଲ୍ଲାକୁ ପଠାଯିବ ଶ୍ରମ କଲ୍ୟାଣ ଅଧିକାରୀଙ୍କ ପକ୍ଷରୁ ସୂଚନା ମିଳିଛି ।
Comments are closed.