ବାରିପଦା : ମୟୂରଭଞ୍ଜ ଜିଲ୍ଲାରେ ଜଣେ ଛାତ୍ରୀଙ୍କୁ ଅନ୍ୟ ଏକ ବିଦ୍ୟାଳୟର ନାବାଳକ ଛାତ୍ରର ଦୁଷ୍କର୍ମ ଅଭିଯୋଗ ପରେ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
ଗଣମାଧ୍ୟମକୁ ସୂଚନା ଦେଇ ବାରିପଦା ସଦର ଥାନାର ଆଇଆଇସି ସ୍ୱର୍ଣ୍ଣଲତା ମିଞ୍ଜ କହିଛନ୍ତି, ସରସ୍ୱତୀ ପୂଜା ଦିନ ରାତିରେ ଅନ୍ୟ ଏକ ସ୍କୁଲର ଜଣେ ଦଶମ ଶ୍ରେଣୀ ଛାତ୍ର ଆଶ୍ରମ ସ୍କୁଲର ହଷ୍ଟେଲ୍ ପାଚେରି ଡେଇଁ ଜଣେ ଅଷ୍ଟମ ଛାତ୍ରୀଙ୍କୁ ଶୌଚାଳୟରେ ଦୁଷ୍କର୍ମ କରିଥିଲା ବୋଲି ସମ୍ପୃକ୍ତ ପୀଡିତାଙ୍କ ମାଉସୀ ଥାନାରେ ଅଭିଯୋଗ କରିଛନ୍ତି ।
ଆହୁରି ମଧ୍ୟ “ଏହି ଯୌନ ଶୋଷଣ ଅଭିଯୋଗକୁ ଭିତ୍ତି କରି ଅଭିଯୁକ୍ତଙ୍କ ବିରୋଧରେ ଭାରତୀୟ ପିଙ୍ଗଳ କୋଡ୍ (ଆଇପିସି)ର ୩୪୧, ୩୭୬(ସି) ଏବଂ ୭୦୬ ଧାରା ଅନୁଯାୟୀ କେସ୍ ନଂ-୧୦ ଓ ପୋସ୍କୋ ଆକ୍ଟ ଅନୁଯାୟୀ ଧାରା ୪ରେ ମାମଲା ଦାଏର ହୋଇଛି” ବୋଲି ଆଇଆଇସି ସୂଚନା ଦେଇଛନ୍ତି ।
ତେବେ ପୋଲିସ ଏକ ମାମଲା ରୁଜୁ କରିବା ସହ ପୀଡିତାଙ୍କ ବୟାନ ରେକର୍ଡ କରି ଘଟଣାର ତଦନ୍ତ ଆରମ୍ଭ କରିଛି।
Comments are closed.