ମୁମ୍ବାଇ: ଷ୍ଟାର୍ ପ୍ଲସ୍ରେ ପ୍ରସାରିତ ଲୋକପ୍ରିୟ ଟେଲି ସୋ ‘ଗୁମ୍ ହେ କିସି କେ ପ୍ୟାର୍ ମୈ’ ଦର୍ଶକ ମନୋରଞ୍ଜନ ତାଲିକାରେ ପ୍ରଥମ ସ୍ଥାନରେ ରହିଛି। ଷ୍ଟାର୍ ପ୍ଲସ୍ରେ ପ୍ରସାରିତ ହିଟ୍ ସୋ ‘ଅନୁପମା’କୁ ପଛରେ ପକାଇ ରେଟିଂ ଚାର୍ଟରେ ଶୀର୍ଷ ସ୍ଥାନ ଅଧିକାର କରିଛି ‘ଗୁମ୍ ହେ କିସି କେ ପ୍ୟାର୍ ମୈ’। ଏହି ଶୋ ଗତ ସପ୍ତାହରେ ଦ୍ୱିତୀୟ ସର୍ବାଧିକ ଦେଖାଯାଇଥିବା ଶୋ ଥିଲା।
ବିଏଆର୍ସି ଦ୍ବାରା ପ୍ରକାଶିତ ତଥ୍ୟ ଅନୁଯାୟୀ, ୮.୭ ନିୟୁତ ଇମ୍ପ୍ରେସନ୍ ସହିତ ଗୁମ୍ ହେ କିସି କେ ପ୍ୟାର୍ ମୈ ସର୍ବାଧିକ ଦେଖାଯାଇଥିବା ସୋ ହୋଇପାରିଛି। ନୀଲ ଭଟ୍ଟ ଏବଂ ଆୟେଶା ସିଂଙ୍କ ଅଭିନୀତ ଏହି ସୋକୁ ଦର୍ଶକ ବେଶ୍ ପସନ୍ଦ କରୁଥିବା ଦେଖିବାକୁ ମିଳିଛି। ସମ୍ପ୍ରତି ସୋରେ ସଇ (ଆୟେଶା) ବିରାଟ (ନୀଲ୍ ଭଟ୍ଟ)ଙ୍କ ଜୀବନରେ ଫେରିଛନ୍ତି। ସୋର ଏହି ସିକ୍ବେନ୍ସକୁ ଦର୍ଶକ ଅଧିକ ପସନ୍ଦ କରୁଥିବା ଦେଖିବାକୁ ମିଳିଛି।
ତେବେ ରେଟିଂ ଚାର୍ଟରେ ଗତ କିଛି ମାସ ଧରି ଶୀର୍ଷରେ ରହିଆସୁଥିବା ସୋ ଅନୁପମା ଏବେ ଦ୍ବିତୀୟ ସ୍ଥାନକୁ ଖସି ଆସିଛି। ୭.୬ ନିୟୁତ ଇମ୍ପ୍ରେସନ୍ ସହିତ ଏହି ସୋ ସପ୍ତାହର ଦ୍ୱିତୀୟ ସର୍ବାଧିକ ଦେଖାଯାଇଥିବା ଶୋ ହୋଇଛି।
Comments are closed.