ଭୁବନେଶ୍ୱର: ଇଂଲଣ୍ଡର ସାଉଥାମ୍ପଟନରେ ଆଉ କିଛି ଘଂଟା ପରେ ଆରମ୍ଭ ହୋଇଯିବ ୱାର୍ଲ୍ଡ ଟେଷ୍ଟ ଚାମ୍ପିୟନଶିପ କ୍ରିକେଟର ଫାଇନାଲର ମ୍ୟାଚ । ବିଶ୍ୱ କ୍ରିକେଟର ଦୁଇ ଶକ୍ତିଶାଳୀ ଟିମ୍ ଭାରତ ଏବଂ ନ୍ୟୁଜିଲାଣ୍ଡ ଆମ୍ନା ସାମ୍ନା ହେବେ । ନ୍ୟୁଜିଲାଣ୍ଡ ଫର୍ମ ଏବଂ ଆଇସିସି ଇଭେଂଟରେ ଭାରତ ବିପକ୍ଷରେ ଭଲ ପ୍ରଦର୍ଶନ ଯୋଗୁ ସେମାନଙ୍କ ପଲା ମାନସିକସ୍ତରରେ କିଛି ମାତ୍ରାରେ ଭାରୀ ରହିଛି । ବିରାଟ କୋହଲିଙ୍କ ଆଟାକିଂ ଶୈଳୀ ନେତୃତ୍ୱ ଏବଂ କେନ ୱିଲିୟମସନଙ୍କ ଡିଫେନ୍ସିଭ ଷ୍ଟାଇଲ ମଧ୍ୟରେ ବିଜୟ କାହାର ହେବ ସେ ନେଇ ଉତ୍କଣ୍ଠା ରହିଛି ।ରୋହିତ ଶର୍ମା ଏବଂ ଚେତେଶ୍ୱର ପୂଜାରାଙ୍କ ବ୍ୟାଟିଂ ଭାରତକୁ ଫାଇଦାରେ ରଖିବ ବୋଲି ଆଶା କରାଯାଉଛି । ଅପରପକ୍ଷରେ କୋହଲି ୧୨ ଇନିଂସରେ ୨୮୮ ରନ କରି ସେଭଳି ଆଖି ଦୃଶିଆ ଫର୍ମରେ ନାହାନ୍ତି । ରିଷଭ ପନ୍ତ ଏବଂ ରବୀନ୍ଦ୍ର ଜାଡେଜାଙ୍କୁ ଭାରତର ଏକ୍ସ ଫ୍ୟାକ୍ଟର ଭାବେ ବିବେଚନା କରାଯାଉଛି । ବୋଲରଙ୍କ ମଧ୍ୟରେ ଯଶପ୍ରୀତ ବୁମରା ଏବଂ ରବିଚନ୍ଦ୍ରନ ଅଶ୍ୱୀନ ଦଳ ପାଇଁ ଟ୍ରମ୍ପ କାର୍ଡ ସାଜିବେ । ନ୍ୟୁଜିଲାଣ୍ଡର ଟପ ବ୍ୟାଟ୍ସମ୍ୟାନ ୱିଲିୟମସନ, ଟମ ଲାଥାମ ଏବଂ ରସ ଟେଲରଙ୍କ ବିପକ୍ଷରେ ଅଶ୍ୱିନୀଙ୍କ ପ୍ରଦର୍ଶନ ଭଲ ରହିଛି ।ଅପରପକ୍ଷରେ ଯଦି ଏଠାରେ ମେଘୁଆ ପାଗ ରହେ ତାହାହେଲେ ନ୍ୟୁଜିଲାଣ୍ଡର କାୟଲ ଜେମିସନ, ଟ୍ରେଂଟ ବୋଲ୍ଟ ଓ ଟିମ ସୌଥୀ ଭାରତୀୟ ବ୍ୟାଟ୍ସମ୍ୟାନଙ୍କୁ ନିଶ୍ଚିତ ଭାବେ ଅସୁବିଧାରେ ପକାଇବେ । ୱିଲିୟମସନ, ଟମ ଲାଥାମ ଏବଂ ହେନେରୀ ନିକୋଲସଙ୍କୁ ଯଦି ଭାରତୀୟ ବୋଲର ଶସ୍ତାରେ ପ୍ୟାଭିଲିୟନ ଫେରାଇ ଦିଅନ୍ତି ତାହାହେଲେ ଟିମ୍ ଇଣ୍ଡିଆ ମ୍ୟାଚକୁ କବଜା କରିପାରିବ ।ସମ୍ଭାବ୍ୟ ଏକାଦଶ
ଭାରତ: ରୋହିତ ଶର୍ମା, ଶୁଭମନ ଗିଲ, ଚେତେଶ୍ୱର ପୂଜାରା, ବିରାଟ କୋହଲି (ଅଧିନାୟକ), ଅଜିଙ୍କ୍ୟ ରାହାନେ, ରିଷଭ ପନ୍ତ, ରବୀନ୍ଦ୍ର ଜାଡେଜା, ରବିଚନ୍ଦ୍ରନ ଅଶ୍ୱୀ. ମହମ୍ମଦ ସାମି, ଈଶାନ୍ତ ଶର୍ମା, ଯଶପ୍ରୀତ ବୁମରା ।
ନ୍ୟୁଜିଲାଣ୍ଡ: ଡେଭନ କନୱେ, ଟମ ଲାଥାମ, କେନ ୱିଲିୟମସନ (ଅଧିନାୟକ), ରସ ଟେଲର, ହେନେରୀ ନିକୋଲ, ବିଜେ ୱାଟଲିଂ, କଲିନ ଡେ ଗ୍ରାଣ୍ଡହୋମ, କାୟଲ ଜେିମସନ, ଟିମ ସୌଥୀ, ମାଟ୍ଟ ହେନେରୀ, ଟ୍ରେଂଟ ବୋଲଟ ।
BREAKING NEWS
- ନବୀନଙ୍କ ଯୋଡ଼ି ଶଙ୍ଖକୁ ଧର୍ମେନ୍ଦ୍ରଙ୍କ କାଉଣ୍ଟର, କହିଲେ ଯୋଡ଼ି ଫୁଲ ବହୁତ ଭଲ
- ଆଇପିଏଲ ପ୍ରଦର୍ଶନ ନୁହେଁ, ୱେଷ୍ଟଇଣ୍ଡିଜ ପିଚକୁ ଦେଖି ଦଳ ଚୟନ କରାଯିବ
- ଡବଲ ଇଞ୍ଜିନ ବନାମ ନବୀନ ଇଞ୍ଜିନ୍: କାହାକୁ ଭରସା କରିବେ ଓଡ଼ିଶାବାସୀ?
- କାହିଁକି ସରୁନି ଟିକେଟ୍ ଘୋଷଣା?
- ସାଇବର ସେଲ୍ଙ୍କ ସମନ ପରେ ପ୍ରତିକ୍ରିୟା ରଖିଲେ ତମନ୍ନା
- ପାରଳାରେ ବିଗ୍ ଫାଇଟ୍
- ନୀଳଗିରି ବିଧାନସଭା: ଆନୁଗତ୍ୟ ନା ଆମଦାନୀ ନେତା କାହାକୁ ଭରସା କରିବ ବିଜେଡି?
- ତାରାଙ୍କ ଗଡରେ ଟଫ୍ ଫାଇଟ୍
- ସୂର୍ଯ୍ୟଙ୍କ ପରେ ଦିଗପହଣ୍ଡି ଲଢେଇ
- ଓଡ଼ିଶାରେ ଗ୍ରୀଷ୍ମ ପ୍ରବାହ ଜାରି: ବାରିପଦାରେ ସର୍ବାଧିକ ତାପମାତ୍ରା ୪୪.୮ ଡିଗ୍ରୀ ରେକର୍ଡ