ଭବାନୀପାଟଣା: କଳାହାଣ୍ଡି ଜିଲ୍ଲାରୁ ଏକ ବାଘ ଛାଲ ରାକେଟର ପର୍ଦ୍ଦାଫାସ ହୋଇଛି । ଦୁଇ ଦିନର ଚଢ଼ାଉ ପରେ ୯ଟି ବାଘ ଛାଲ ଓ ୭ ଜଣ ବେପାରୀଙ୍କୁ ଗିରଫ କରିଛି ଓ୍ୱାଇଲ୍ଡ ଲାଇଫ୍ କ୍ରାଇମ କଣ୍ଟ୍ରୋଲ ବ୍ୟୁରୋ ଟିମ୍ । ବାଘ ଛାଲ ସହ ବାଘ ଦାନ୍ତ ବି ଜବତ ହୋଇଛି । ବାହାର ରାଜ୍ୟର ଜଣେ ଗ୍ରାହକଙ୍କ ପାଖରୁ ସୁରାକ ମିଳିବା ପରେ ବାଘ ଛାଲ ରାକେଟକୁ ଧରିବା ପାଇଁ ଜାଲ ବିଛା ଯାଇଥିଲା ।
ଛତିଶଗଡ଼ ଓ ଓଡିଶା ବନ ବିଭାଗର ମିଳିତ ଚଢ଼ାଉ ବେଳେ କଳାହାଣ୍ଡି ଜିଲ୍ଲାର ବିଭିନ୍ନ ସ୍ଥାନରୁ ୯ଟି ବାଘ ଛାଲ ଜବତ କରିବା ସହ ୭ ଅଭିଯୁକ୍ତଙ୍କୁ ଗିରଫ କରାଯାଇଛି । ଖରିଆର ବନ ବିଭାଗ ଓ ଏମ୍.ରାମପୁର ବନ ବିଭାଗ ପ୍ରଥମେ ପଲମ ନିକଟରୁ ବାଇକରେ ବାଘ ଦାନ୍ତ ଥିବା ଜାଣିବାକୁ ପାଇଥିଲେ । ଏହି ଘଟଣାରେ ଗିରଫ ଯୁବକଙ୍କୁ ଜେରା ବେଳେ ଖୋଲିଥିଲା ଗୁମର ।
ମଧ୍ୟପ୍ରଦେଶ ଜବଲପୁରର ଓ୍ୱାଇଲ୍ଡ ଲାଇଫ୍ କ୍ରାଇମ କଣ୍ଟ୍ରୋଲ ବ୍ୟୁରୋ ଟିମର ମୁଖ୍ୟ ବିପିନ ଚୌଧୁରୀଙ୍କ ନେତୃତ୍ୱରେ ଚଢ଼ାଉ ହୋଇଛି । ଏହି ରାକେଟରେ ଚେର କେଉଁ ଯାଏ ଲମ୍ବିଛି ? ଆଉ କେଉଁ ସବୁ ରାଜ୍ୟରେ ବାଘ ଛାଲ ବେପାର ଚଳାଇଥିଲେ ? ରାକେଟର କିଏ ମାଷ୍ଟରମାଇଣ୍ଡ ? ଆଉ କେଉଁମାନେ ସଂପୃକ୍ତ ଅଛନ୍ତି ଖୋଳତାଡ ଜାରି ରହିଛି ।
Comments are closed.