ବେଜିଂ: ପୁଣି ଚୀନର ଉହାନ ସହରକୁ ଫେରିଛି ମହାମରୀ କରୋନା। ପ୍ରାୟ ଏକ ବର୍ଷର ବ୍ୟବଧାନ ପରେ ଉହାନକୁ ପୁଣି ଫେରିଛି କରୋନା। ଏ ନେଇ ଚୀନ୍ କର୍ତ୍ତୃପକ୍ଷ ଉହାନ ସହରର ସମସ୍ତ ନାଗରିକଙ୍କର କରୋନା ଯାଞ୍ଚ କରିବାକୁ ନିଷ୍ପତ୍ତି ନେଇଛନ୍ତି।
ମଙ୍ଗଳବାର ଉହାନର କର୍ତ୍ତୃପକ୍ଷ ଏ ନେଇ ସୂଚନା ଦେଇଛନ୍ତି। କରୋନାର ଉତ୍ପତ୍ତି ସ୍ଥଳ କୁହାଯାଉଥିବା ଉହାନ ସହରରେ ଏକ ବର୍ଷର ବ୍ୟବଧାନ ପରେ ପ୍ରଥମ ସ୍ଥାନୀୟ ସଂକ୍ରମଣ ରିପୋର୍ଟ ହେବା ପରେ ସରକାରଙ୍କ ଚିନ୍ତା ବଢିଯାଇଛି।
ଚାଇନାର କର୍ତ୍ତୃପକ୍ଷ କରୋନା ପାଇଁ ସମଗ୍ର ଉହାନ ଜନସଂଖ୍ୟାଙ୍କ କରୋନା ଟେଷ୍ଟ କରିବାକୁ ନିଷ୍ପତ୍ତି ନେଇଛନ୍ତି। ମଙ୍ଗଳବାର ଦିନ ଏକ ସାମ୍ବାଦିକ ସମ୍ମିଳନୀରେ ଉହାନର ବରିଷ୍ଠ ଅଧିକାରୀ ଲି ତାଓ କହିଛନ୍ତି ଯେ ସହରରେ “ଶୀଘ୍ର ସମସ୍ତ ବାସିନ୍ଦାଙ୍କ ବିସ୍ତୃତ ନ୍ୟୁକ୍ଲିୟିକ୍ ଏସିଡ୍ ପରୀକ୍ଷା ଆରମ୍ଭ କରୁଛି”। ମଙ୍ଗଳବାର ଦିନ ଚାଇନାରେ ୬୧ ଟି ଘରୋଇ ମାମଲା ରିପୋର୍ଟ ହୋଇଛି।