ଅମିତାଭଙ୍କ ବଙ୍ଗଳା ସମେତ ମୁମ୍ବାଇର ୩ ପ୍ରମୁଖ ରେଳ ଷ୍ଟେସନ ଉପରେ ବୋମା ମାଡ ଧମକ

ମୁମ୍ବାଇ: ମୁମ୍ବାଇର ୩ଟି ରେଳ ଷ୍ଟେସନ ଏବଂ ଅମିତାଭ ବଚ୍ଚନଙ୍କ ବଙ୍ଗଳା ଉପରେ ବୋମା ବିସ୍ଫୋରଣ ବିଷୟରେ ସୂଚନା ମିଳିବା ପରେ ମୁମ୍ବାଇ ପୋଲିସ ଭୟଭୀତ ହୋଇପଡିଥିଲା। କେହି ଜଣେ ବ୍ୟକ୍ତି ଫୋନ କରି ଏ ସଂକ୍ରାନ୍ତରେ ମୁମ୍ବାଇ ପୋଲିସକୁ ସୂଚନା ଦେବା ପରେ ହଇଚଇ ସୃଷ୍ଡି ହୋଇଛି। ବର୍ତ୍ତମାନ ମୁମ୍ବାଇର ତିନୋଟି ପ୍ରମୁଖ ରେଳ ଷ୍ଟେସନରେ ଏବଂ ଅଭିନେତା ଅମିତାଭ ବଚ୍ଚନଙ୍କ ବଙ୍ଗଳାରେ ବୋମା ଲଗାଯିବା ସମ୍ପର୍କରେ ସୂଚନା ପାଇବା ପରେ ସୁରକ୍ଷାକୁ ଅଧିକ ଜୋରଦାର କରାଯାଇଛି।

ଏହି ସ୍ଥାନରେ ବୋମା ଲଗାଇବା ସମ୍ପର୍କରେ ପୋଲିସ ଏକ କଲ ପାଇଥିଲା। ତେବେ ଏପର୍ଯ୍ୟନ୍ତ ଯାଞ୍ଚ ବେଳେ କୌଣସି ସନ୍ଦେହଜନକ ସନ୍ଧାନ ମିଳିନାହିଁ ବୋଲି ମୁମ୍ବାଇ ପୋଲିସ ଅଧିକାରୀ କହିଛନ୍ତି।

ଶୁକ୍ରବାର ରାତିରେ ମୁମ୍ବାଇ ପୋଲିସର ମୁଖ୍ୟ ନିୟନ୍ତ୍ରଣ କକ୍ଷକୁ ଏକ କଲ ଆସିଥିଲା ​​ଯେଉଁଥିରେ କଲ୍ କରୁଥିବା ବ୍ୟକ୍ତି କହିଛନ୍ତି ଯେ ଛତ୍ରପତି ଶିବାଜୀ ମହାରାଜ ଟର୍ମିନାସ (ସିଏସଏମଟି), ବାଇକୁଲ୍ଲା, ଦାଦର ରେଳ ଷ୍ଟେସନ ଏବଂ ଜୁହୁରେ ଅଭିନେତା ଅମିତାଭ ବଚ୍ଚନଙ୍କ ବଙ୍ଗଳାରେ ବୋମା ଖଞ୍ଜାଯାଇଛି।

ଏହାପରେ ପୋଲିସ ଏହି ସ୍ଥାନରେ ପହଞ୍ଚି ସର୍ଚ୍ଚ ଅପରେସନ ଆରମ୍ଭ କରିଥିବା ଜଣାପଡ଼ିଛି। ସେ କହିଛନ୍ତି ଯେ ଏପର୍ଯ୍ୟନ୍ତ ଏହି ସ୍ଥାନଗୁଡିକରେ କୌଣସି ସନ୍ଦେହଜନକ ସନ୍ଧାନ ମିଳି ନାହିଁ କିନ୍ତୁ ସେଠାରେ ବହୁ ସଂଖ୍ୟକ ପୋଲିସ କର୍ମଚାରୀ ନିୟୋଜିତ ହୋଇଛନ୍ତି।

ଶନିବାର ମୁମ୍ବାଇ ପୋଲିସର କ୍ରାଇମ ବ୍ରାଞ୍ଚର କ୍ରାଇମ ଇଣ୍ଟେଲିଜେନ୍ସ ୟୁନିଟ୍ (ସିଆଇୟୁ) ଦ୍ବାରା ସହରର ଚାରିଟି ସ୍ଥାନରେ ହୋଇଥିବା ବୋମା ମାଡ ଧମକ ଘଟଣାରେ ଦୁଇ ଜଣଙ୍କୁ ଗିରଫ କରାଯାଇଥିବା ସୂଚନା ମିଳିଛି।