ରାଉରକେଲା : ପତ୍ନୀ ଓ ଶ୍ବଶୁର ଘର ଲୋକଙ୍କ ନିର୍ଯାତନା ସହି ନପାରି ଯୁବକଙ୍କ ଆତ୍ମହତ୍ୟା ଅଭିଯୋଗ । ରାଉରକେଲା ସ୍ବାମୀ ବିବେକାନନ୍ଦପାଲି ବସ୍ତିରେ ଘଟିଛି ଏଭଳି ଘଟଣା । ମୃତ୍ୟୁ ପୂର୍ବରୁ ଏଭଳି ଖୁଲାସା କରିଥିଲେ ଯୁବକ । ଅଭିଯୋଗ ଅନୁସାରେ ବିକାଶଙ୍କ ପତ୍ନୀ ଓ ଶ୍ବଶୁର ଘର ଲୋକ ତାଙ୍କ ବିରୋଧରେ ମିଛ ନିର୍ଯାତନା ଅଭିଯୋଗ ଆଣିଥିଲେ । ଏନେଇ ଥାନାରେ ମାମଲା ହେବା ସହିତ ସ୍ତ୍ରୀ ତାଙ୍କ ବାପଘରକୁ ଚାଲି ଯାଇଥିଲେ । ତେବେ ନିଜ ଝିଅକୁ ଦେଖିବାକୁ ବିକାଶ ଯାଇଥିବା ବେଳେ ଶ୍ବଶୁର ଘର ଲୋକ ଝିଅକୁ ଦେଖାଇ ଦେଇନଥିଲେ । ଓଲଟି ପୁଣି ଥାନାରେ ନିର୍ଯାତନା ମାମଲା ରୁଜୁ କରିଥିଲେ । ଏନେଇ ପୋଲିସ ପକ୍ଷରୁ ତାଙ୍କୁ ଥାନାକୁ ଡକାଯାଇଥିଲା । ସେଠାରେ ଜଣେ ପୋଲିସ କର୍ମଚାରୀ ବିକାଶଙ୍କୁ ମାଡ଼ ମାରିଥିଲେ । ଅପମାନ ସହିନପାରି ବିକାଶ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ମୃତଦେହକୁ ଉଦ୍ଧାର କରି ତଦନ୍ତ ଜାରି ରଖିଛି ପୋଲିସ ।
Comments are closed.