ଏସ୍‌ଡିଜେଏମ୍ କୋର୍ଟରେ ହାଜର ହେଲେ ତପସ୍ୱିନୀ

ବ୍ରହ୍ମପୁର :ବ୍ରହ୍ମପୁର ଶ୍ୱଶୁର ଘର ସାମ୍ନାରେ ବୋହୂ ତପସ୍ୱିନୀ ଧାରଣା ଦେବା ଘଟଣା । ଆଜି ପୁଣି ଥରେ କୋର୍ଟରେ ପହଁଚିଛନ୍ତି ବୋହୂ ସପସ୍ୱିନୀ । ସ୍ୱାମୀ ସୁମିତ ସାହୁ ଓ ଶ୍ୱଶୁର ପ୍ରମୋଦ ସାହୁ ମଧ୍ୟ ବ୍ରହ୍ମପୁର ଏସଡିଜେଏମ୍ କୋର୍ଟରେ ପହଁଞ୍ଚିଛନ୍ତି । ନିଜର ହକ୍ ପାଇଁ ୯ ଦିନ ହେବ ଧାରଣାରେ ବସିଥିଲେ ତପସ୍ୱିନୀ । ଶ୍ୱଶୁର ଘରକୁ ପ୍ରବେଶ ନେଇ ଏସଡିଜେଏମ କୋର୍ଟରେ ଆବେଦନ କରିଥିଲେ ତପସ୍ୱିନୀ । ହେଲେ ସ୍ୱାମୀ ସୁମିତ ତାଙ୍କୁ ଗ୍ରହଣ କରିବେ କି ନାହିଁ ତାହା ଏଯାଏଁ ଫଇସଲା ହେଇନାହିଁ । ତେବେ ତପସ୍ୱିନୀଙ୍କ ମାମଲା ଆଜି କୋର୍ଟରେ ସମାଧାନ ହେବ ବୋଲି ଆଶା କରାଯାଉଛି ।ଆଜି ଏହି ମାମଲାର ଶୁଣାଣି କରିବେ ଏସଡିଜେଏମ୍ କୋର୍ଟ । ତେବେ ମାମଲାର ଶୁଣାଣି ପରେ ତପସ୍ୱିନୀଙ୍କ ଧାରଣାର ପୂର୍ଣ୍ଣଚ୍ଛେଦ ପଡିବ ବୋଲି ଆଶା କରାଯାଉଛି । ତପସ୍ୱିନୀଙ୍କ ସୁରକ୍ଷା ଓ ନ୍ୟାୟ ଦାବିରେ ଏସଡିଜେଏମ୍ କୋର୍ଟରେ ଆବେଦନ କରିଥିଲା ମହିଳା ସୁରକ୍ଷା କମିଟି ।