କଟକ: ଅଫେରା ରାଇଜରେ ମିହିର ଦାସ । ଜୀବନ ରଙ୍ଗମଞ୍ଚରେ ଅଭିନୟ ସାରି ସେ ବାହୁଡ଼ି ଯାଇଛନ୍ତି । ଆଜି ପଞ୍ଚଭୂତରେ ଲୀନ ହୋଇଛନ୍ତି ଓଡ଼ିଉଡର ଲୋକପ୍ରିୟ ତଥା ବରିଷ୍ଠ ଅଭିନେତା ମିହିର ଦାସ । କଟକ ସତୀଚଉରା ସ୍ଥିତ ଶ୍ମଶାନରେ ରାଷ୍ଟ୍ରୀୟ ମର୍ଯ୍ୟାଦା ସହ ତାଙ୍କର ଅନ୍ତିମ ସଂସ୍କାର ହୋଇଛି । ପୁଅ ଅମ୍ଳାନ ବାପାଙ୍କୁ ମୁଖାଗ୍ନି ଦେଇଥିଲେ । ମିହିର ଦାସଙ୍କ ଅନ୍ତିମ ସଂସ୍କାର ବେଳେ ସତୀଚଉରା ଶ୍ମଶାନଘାଟ ଶୋକର ବୁଡ଼ିଥିଲା । ଲୁହ ଓ କୋହରେ ବିଦାୟ ଜଣାଇଲେ ଶୁଭେଚ୍ଛୁ ଓ ଆତ୍ମୀୟ ।
ନିଜ ପ୍ରିୟ ଅଭିନେତା, ମେଳାପୀ ମଣିଷକୁ ବିଦାୟ ଦେଇଥିଲା ପୁରା ଓଲିଉଡ୍ । ବହୁ ବରିଷ୍ଠ କଳାକାର, ସିନେ ତାରକା, ପ୍ରଯୋଜକ, ନିର୍ଦ୍ଦେଶକ, ରାଜନେତା ମିହିର ଦାସଙ୍କୁ ଜଣାଇଥିଲେ ଅନ୍ତିମ ବିଦାୟ । ଝିପିଝିପି ବର୍ଷା ସତ୍ତ୍ୱେ ଶ୍ମଶାନଘାଟରେ ପହଞ୍ଚିଥିଲେ ସିଦ୍ଧାନ୍ତ ମହାପାତ୍ର, ଉଷସୀ ମିଶ୍ର, ଶ୍ରୀତମ ଦାସ, ବିଧାୟକ ମହମ୍ମଦ ମୋକିମ୍, ପୂର୍ବତନ ସାଂସଦ ପ୍ରସନ୍ନ ପାଟ୍ଟଶାଣୀଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ଓ ସିନେ ଦୁନିଆର ବ୍ୟକ୍ତିକ୍ତ ।
ଗତକାଲି ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ଶେଷ ନିଶ୍ୱାସ ତ୍ୟାଗ କରିଥିଲେ ମିହିର ଦାସ । ତାଙ୍କ ପାର୍ଥିବ ଶରୀରକୁ ଅନ୍ତିମ ଦର୍ଶନ ପାଇଁ କଟକ ସ୍ଥିତ ବାସଭବନରେ ରଖାଯାଇଥିଲା । ଆଜି ସକାଳୁ ଶୋଭାଯାତ୍ରାରେ ନିଆଯାଇଥିଲା ସତୀଚଉରା ଶ୍ମଶାନଘାଟ । ସେଠାରେ ପ୍ରଶାସନ ପକ୍ଷରୁ ତାଙ୍କୁ ଗାର୍ଡ ଅଫ୍ ଅନର ଦିଆଯାଇଥିଲା । ପରେ ନ୍ତିମ ବିଦାୟ ନେଇଥିଲେ ମିହିର ଦାସ ।
ଦୀର୍ଘ ଚାରି ଦଶନ୍ଧି ଧରି ଓଡ଼ିଆ ଫିଲ୍ମ ଦୁନିଆରେ ଅଭିନୟର ଛାପ ଛାଡିଥିଲେ ମିହିର ଦାସ । ଜଣେ ଭର୍ସାଟାଇଲ୍ ଅଭିନେତା ଥିଲେ । ହିରୋ, ଆଣ୍ଟି ହିରୋ, କମେଡି, ବାପା, ଭାଇ ଆଦି ଭୂମିକାରେ ସେ ନିଖୁଣ ଅଭିନୟ କରି ପାରୁଥିଲେ । ଜଣେ ସାଦାସିଧା ଓ ଅତ୍ୟନ୍ତ ମେଳାପି ମଣିଷ ଥିଲେ । ତାଙ୍କ ଅବର୍ତ୍ତମାନରେ କାନ୍ଦୁଛି ଓଲିଉଡ୍ । ଓଡ଼ିଶା କଳା ଦୁନିଆ ସ୍ତବ୍ଧ ହୋଇଯାଇଛି ।
BREAKING NEWS
- ଯୁକ୍ତ ଦୁଇ ଛାତ୍ରୀଙ୍କୁ ଗଣଦୁଷ୍କର୍ମ, ନିଶା ଦେଇ କରିଥିଲେ ଅଚେତ
- ବନକଲାଗି ନୀତି ପାଇଁ ୬ ଘଣ୍ଟା ଶ୍ରୀଜିଉଙ୍କ ଦର୍ଶନ ବନ୍ଦ
- ମେ ଚତୁର୍ଥ ସପ୍ତାହରେ ମାଟ୍ରିକ ରେଜଲ୍ଟ, ହ୍ୱାଟସ୍ଆପ୍ରେ ପରୀକ୍ଷାର୍ଥୀ ପାଇବେ ଫଳ
- ଆଜି କଳାହାଣ୍ଡି ଆସୁଛନ୍ତି କେନ୍ଦ୍ରମନ୍ତ୍ରୀ ରାଜନାଥ, ଦଳୀୟ କର୍ମୀଙ୍କୁ ଦେବେ ଗୁରୁମନ୍ତ୍ର
- କିଶୋରୀଙ୍କ ସୁରକ୍ଷା ଚିନ୍ତା : ଛାତ୍ରୀମାନେ ପାଇଲେ ଭଲ ଓ ଖରାପ ସ୍ପର୍ଶ ବିଷୟରେ ଶିକ୍ଷା
- ରୁଦ୍ରଙ୍କ ବିରୋଧରେ ଲଢିବେ କି ତାଙ୍କ ସ୍ତ୍ରୀ ?
- ସଙ୍କଟରେ ହରିୟାଣାର ବିଜେପି ସରକାର, ସମର୍ଥନ ପ୍ରତ୍ୟାହାର କଲେ ୩ ସ୍ବାଧୀନ ବିଧାୟକ
- ଦୀପିକାଙ୍କ ସହ ବିବାହର ସମସ୍ତ ଫଟୋ ଡିଲିଟ କଲେ ରଣବୀର
- ତାତିରେ ଲାଗିଲା ବ୍ରେକ୍; ୩୫ ଡିଗ୍ରୀ ତଳେ ରାଜ୍ୟରେ ୨୦ ସହର
- ଷ୍ଟେଜରେ ନଖ କାଟିଲେ ଅରିଜିତ ସିଂ