ନୂଆଦିଲ୍ଲୀ: ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ. ପି. ନଡ୍ଡାଙ୍କ ଟ୍ୱିଟର ଆକାଉଣ୍ଟ ହ୍ୟାକ୍ । ଆଜି ସକାଳେ ତାଙ୍କ ଆକାଉଣ୍ଟକୁ କବଜାକୁ ନେଇଥିଲେ ହ୍ୟାକର । ମେସେଜ ବି ପୋଷ୍ଟ ହୋଇଥିଲା । ଯେଉଁଥିରେ ଲେଖାଥିଲା ରୁଷିଆ ଲୋକଙ୍କ ସହ ଠିଆ ହୁଅନ୍ତୁ । କ୍ରିପଟୋ କରେନ୍ସୀ ଦାନକୁ ସ୍ୱୀକାର କର । ଇଂରାଜୀ ସହ ହିନ୍ଦୀରେ ଏହି ପୋଷ୍ଟ କରିଥିଲେ ହ୍ୟାକର ।
ଆଉ ଗୋଟିଏ ଟ୍ୱିଟରେ ହ୍ୟାକର ଲେଖିଥିଲେ, ସରି ମୋର ଆକାଉଣ୍ଟ ହ୍ୟାକ୍ ହୋଇଛି । ମୁଁ ରୁଷିଆକୁ ଦାନ କରିବାକୁ ଚାହୁଁଛି କାରଣ ସେମାନେ ସାହାଯ୍ୟ ଚାହୁଁଛନ୍ତି । ଏହାର କିଛି ସମୟ ପରେ ଜେ. ପି. ନଡ୍ଡାଙ୍କ ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରୁ ସେସବୁ ଡିଲିଟ ହୋଇଥିଲା ।
ଏବେ ତାଙ୍କର ଆକାଉଣ୍ଟ ରିଷ୍ଟୋର ହୋଇଛି । କେମିତି ଓକେଉଁ ପରିସ୍ଥିତି ଆକାଉଣ୍ଟ ହ୍ୟାକ୍ ହେଲା ସେନେଇ ଟ୍ୱିଟର ସହ କଥାବାର୍ତ୍ତା କରିଛନ୍ତି ଜେ. ପି. ନଡ୍ଡା । ଆକାଉଣ୍ଟ ହ୍ୟାକ୍ ହେବା ପୂର୍ବରୁ ସେ ଉତ୍ତରପ୍ରଦେଶରେ ପଞ୍ଚମ ପର୍ୟ୍ୟାୟ ମତଦାନ ସମ୍ପର୍କିତ ଟ୍ୱିଟ୍ କରିଥିଲେ ।
Comments are closed.