କମ୍ପାଲା: ଉଗାଣ୍ଡାରେ ଓସାମା ଆତଙ୍କ ସୃଷ୍ଟି କରିଥିଲା । ୧୯୯୧ରୁ ୨୦୦୫ ମଧ୍ୟରେ ଓସାମା ୮୦ରୁ ଊର୍ଦ୍ଧ୍ୱ ବ୍ୟକ୍ତିଙ୍କୁ ଖାଇଥିଲା । ଆମେ ଆତଙ୍କବାଦୀ ଓସାମା ବିନ ଲାଡେନଙ୍କ କଥା କହୁ ନାହିଁ । ଏହି ଓସାମା ହେଲା ଏକ ବିଶାଳକାୟ କୁମ୍ଭୀର । ହ୍ରଦ କୂଳରେ ଛପି କରି ଏହା ରହିଥାଏ, ଆଉ ସେ ସମୟରେ ଯିଏ ତା ହାବୁଡରେ ପଡିଲା ତାର ବଂଚିବା ଅସମ୍ଭବ । ଆଫ୍ରିକାର ସବୁଠାରୁ ବଡ ହ୍ରଦ ଭିକ୍ଟୋରିଆରେ ରହୁଥିବା ଓସାମା ନୌକା ତଳେ ଶାନ୍ତ ଭାବେ ଯାଉଥାଏ । ଆଉ ଯେଉଁଠାରେ ସୁଯୋଗ ମିଳିଲା……..ସେଠି ଆକ୍ରମଣ କରିବାକୁ ପଛାଏ ନାହିଁ । ବହୁ କଷ୍ଟରେ ଏହି ଚର୍ଚ୍ଚିତ କୁମ୍ଭୀରକୁ ୨୦୦୫ରେ ଧରା ଯାଇଥିଲା । ଏଥିପାଇଁ ବନ୍ୟ ଅଧିକାରୀଙ୍କୁ ୭ ଦିନ ସମୟ ଲାଗିଥିଲା । ଅବଶ୍ୟ ଧରାପଡିବା ପରେ ଏହି କୁମ୍ଭୀରକୁ ମରାଯାଇ ନ ଥିଲା । ଏକ ବ୍ରିଡିଂ ପ୍ରୋଗ୍ରାମରେ ତାକୁ ପଠା ଯାଇଥିଲା । ସେ ଏତେ ବିଶାଳକାୟ (ପାଖାପାଖି ୧୬ ଫୁଟ)ଥିଲା ଯେ, ତାକୁ ସ୍ଥାନୀୟ ବାସିନ୍ଦା ଭାବେ ଅମର ବୋଲି ଭାବି ନେଇଥିଲେ । ବିଶେଷ କରି ଲୁଗାଂଗା ଗ୍ରାମରେ ଆତଙ୍କ ସୃଷ୍ଟି କରିଥିଲା । ଆଜିର ଦିନରେ ଓସାମା ଧରା ପଡିଥିବାରୁ ପୁନର୍ବାର ଏହାର ଆଲୋଚନା ଜୋର ଧରିଛି ।
Comments are closed.