ଅନୁବାଦ କବିତା : ତୁମକୁ ଭଲପାଇ

ଜୀବନାନ୍ଦନ ଦାଶ ( ୧୮୯୯ - ୧୯୫୪) ଆଧୁନିକ ବଂଶକ କବିତାର ଜଣେ ପ୍ରଥମ ପୀଢ଼ିର ତଥା ପ୍ରଥମ ଶ୍ରେଣୀର କବି। ବରିସାଲରେ (ବର୍ତ୍ତମାନ ବାଂଲାଦେଶରେ ) ଜନ୍ମିତ ଏହି କବି ସେଠାରେ ପ୍ରାରମ୍ଭିକ ଶିକ୍ଷା ପରେ କୋଲକାତା ପ୍ରେସିଡେନ୍ସି କଲେଜରେ ଇଂରାଜୀ ସାହିତ୍ୟରେ ସ୍ନାତକ ଓ କୋଲକାତା ବିଶ୍ୱ ବିଦ୍ୟାଳୟରୁ ସ୍ନାତକୋତ୍ତର ଶିକ୍ଷା ପରେ ଅଧ୍ୟାପନା କରୁଥିଲେ।ଅଳ୍ପଦିନ ପାଇଁ କୋଲକାତାର ଏକ ଦୋୖନିକ ସାମ୍ବାଦପତ୍ରର ସାହିତ୍ୟ ବିଭାଗର ସମ୍ପାଦନା ମଧ୍ୟ କରିଛନ୍ତି। ତାଙ୍କର ଅକାଳ ମୃତ୍ୟୁ ପୂର୍ବରୁ ୬ଟି କବିତା ଗ୍ରନ୍ଥ ପ୍ରକାଶିତ ହୋଇଥିଲା। ପରେ ଅଧିକ କିଛି ବହି, କିଛି ଉପନ୍ୟାସ ଓ ପ୍ରବନ୍ଧ ବହି ପ୍ରକାଶ ପାଇଛି। ୧୯୫୪ ମସିହାରେ "ଜୀବନାନନ୍ଦ ଜାଶେର" ଶ୍ରେଷ୍ଠ କବିତା ପୁସ୍ତକ ଭାବେ ଓ ବଙ୍ଗଳା ସାହିତ୍ୟର ପ୍ରଥମ ପୁସ୍ତକ ଭାବେ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ପାଇଥିଲା। ୧୯୫୪ ମସିହା ଅକ୍ଟୋବର ମାସରେ ଏକ ଟ୍ରାମ ଦୁର୍ଘଟଣାର ଶିକାର ହୋଇ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା। ଆଧୁନିକ ବଙ୍ଗଳା କବିତାରେ ତାଙ୍କ ସ୍ଥାନ ଆମ ଓଡ଼ିଆ କବିତାର ସଚ୍ଚିଦାନନ୍ଦ ରାଉତରାୟଙ୍କ ସ୍ଥାନ ସହିତ ତୁଳନୀୟ। ତାଙ୍କ ରଚିତ "ବନଲତା ସେନ " ଏକ ବହୁ ପଠିତ , ବହୁ ଚର୍ଚ୍ଚିତ , ବହୁ ଆଦୃତ ଏକ ରୋମାଣ୍ଟିକ କବିତା ।