ଉପରାଷ୍ଟ୍ରପତି ନିର୍ବାଚନରୁ ଦୂରେଇ ରହିବ ଟିଏମସି

କୋଲକାତା: ଆଗାମୀ ଉପରାଷ୍ଟ୍ରପତି ନିର୍ବାଚନରୁ ଦୂରେଇ ରହିବ ଟିଏମସି । ଦଳର ମୁଖ୍ୟ ମମତା ବାନାର୍ଜୀଙ୍କ ଉପସ୍ଥିତିରେ ସାଂସଦମାନଙ୍କୁ ନେଇ ଆୟୋଜିତ ଏହି ବୈଠକରେ ଉପରୋକ୍ତ ନିଷ୍ପତି ନିଆଯାଇଛି । ଟିଏମସି କିମ୍ବା ମମତାଙ୍କ ସହ କୌଣସି ଆଲୋଚନା ନ କରାଯାଇ ବିରୋଧୀ ମେଂଟ  ମାର୍ଗେଟ ଆଲଭାଙ୍କୁ ଉପରାଷ୍ଟ୍ରପତି ପ୍ରାର୍ଥୀ ଭାବେ ଘୋଷଣା କରିଛି। ସେଥିପାଇଁ ଆମେ ଏଥିରୁ ଦୂରେଇ ରହିବୁ ବୋଲ ଟିଏମସି ପକ୍ଷରୁ କୁହାଯାଇଛି । ଆଲଭାଙ୍କ ବିପକ୍ଷରେ ଏନଡିଏ ପଶ୍ଚିମବଙ୍ଗର ପୂର୍ବତନ ରାଜ୍ୟପାଳ ଜଗଦୀପ ଧନଖରଙ୍କୁ ପ୍ରାର୍ଥୀ କରିଛି । ଆଲଭାଙ୍କ ସହ ମମତାଙ୍କ ଭଲ ସମ୍ପର୍କ ଥିଲେ ମଧ୍ୟ ସେ କଂଗ୍ରେସ ଏବଂ ଏନସିପି ପଦକ୍ଷେପରେ ଅସନ୍ତୁଷ୍ଟ ହୋଇ ପଡିଛନ୍ତି । ଟିଏମସିଙ୍କ ଅନୁପସ୍ଥିତି ପରୋକ୍ଷରେ ଏନଡିଏକୁ ଫାଇଦାରେ ରଖିବ ବୋଲି ଅନୁମାନ କରାଯାଉଛି ।