ଭୁବନେଶ୍ୱର: ରାଜ୍ୟର ଶିକ୍ଷାନୁଷ୍ଠାନ ଗୁଡ଼ିକରେ ରାଗିଂ ରୋକିବା ପାଇଁ ବୁଧବାର ଉଚ୍ଚଶିକ୍ଷା ବିଭାଗ, ସମସ୍ତ ବିଶ୍ୱବିଦ୍ୟାଳୟର କୁଳପତି ତଥା ଡିଗ୍ରୀ କଲେଜ, ସରକାରୀ ଅନୁଦାନପ୍ରାପ୍ତ ଏବଂ ଅଣ-ଅନୁଦାନପ୍ରାପ୍ତ କଲେଜ ଗୁଡ଼ିକର ଅଧ୍ୟକ୍ଷ ମାନଙ୍କୁ ଚିଠି ଲେଖି ପ୍ରତିରୋଧକ ପଦକ୍ଷେପ ନେବାକୁ କହିଛନ୍ତି।
ଉଚ୍ଚଶିକ୍ଷା ସଚିବ ଶାଶ୍ୱତ ମିଶ୍ର କୁଳପତି ଏବଂ କଲେଜ ଅଧ୍ୟକ୍ଷ ମାନଙ୍କୁ ଚିଠି ଲେଖି ରାଗିଂକୁ ଗୁରୁତର ସହ ନେଇ ମୂଳୋତ୍ପାଟନ କରିବାକୁ କୁହାଯାଇଛି ।
ପ୍ରତ୍ୟେକ ରାଗିଂର ମାମଲା ପାଇଁ ବିଶ୍ୱବିଦ୍ୟାଳୟ ଏବଂ କଲେଜ ଗୁଡ଼ିକ ସ୍ଥାନୀୟ ପୋଲିସ ନିକଟରେ ଏଫଆଇଆର ଦାଖଲ କରିବାକୁ ନିର୍ଦ୍ଦେଶ ଦିଆଯାଇଛି। ରାଗିଂ କିମ୍ବା ଏଥିରେ ସଂପୃକ୍ତ ଛାତ୍ରଛାତ୍ରୀଙ୍କ ଉପରେ କଡ଼ା କାର୍ଯ୍ୟାନୁଷ୍ଠାନ ସହ ଦୋଷୀ ସାବ୍ୟସ୍ତ ଛାତ୍ରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ବିଭାଗ ପକ୍ଷରୁ କୁହାଯାଇଛି।
ଅନ୍ୟାନ୍ୟ ପ୍ରତିରୋଧକ ବ୍ୟବସ୍ଥା ମଧ୍ୟରେ ଛାତ୍ରଛାତ୍ରୀଙ୍କ ଅଭିଭାବକଙ୍କୁ ଏହି ରାଗିଂ ନିଷେଧ ଅଭିଯାନରେ ସାମିଲ କରିବାର ବ୍ୟବସ୍ଥା ରହିଛି । ପ୍ରତ୍ୟେକ ଛାତ୍ରଛାତ୍ରୀ ଏବଂ ତାଙ୍କ ଅଭିଭାବକ ପ୍ରତ୍ୟେକ ଶିକ୍ଷା ବର୍ଷରେ ଦୁଇଟି ନିର୍ଦ୍ଦିଷ୍ଟ ୱେବସାଇଟ୍ – www.antiragging.in ଏବଂ www.amanmovement.org ରେ ଏକ ଅନଲାଇନ୍ ଲିଖିତ ପ୍ରତିଶୃତି (ଅଣ୍ଡରଟେକିଂ) ଦାଖଲ କରିବା ବାଧ୍ୟତାମୂଳକ । ଅନଲାଇନ୍ ଆଣ୍ଟି-ରାଗିଂ ଅଣ୍ଡରଟେକିଂ ଦାଖଲ କରିବାର ପ୍ରକ୍ରିୟା UGC ଦ୍ୱାରା ଏକ ଚିଠିରେ ଜଣାଯାଇଛି ।
ଯଦି ଅନଲାଇନ୍ ଅଣ୍ଡରଟେକିଂ ଦାଖଲ ଜଟିଳ ହୁଏ । ଶିକ୍ଷାନୁଷ୍ଠାନଗୁଡିକ ଛାତ୍ରଛାତ୍ରୀ ଏବଂ ସେମାନଙ୍କ ପିତାମାତା କିମ୍ବା ଅଭିଭାବକମାନଙ୍କ ଠାରୁ ଏକ ନିର୍ଦ୍ଦିଷ୍ଟ ଫର୍ମାଟରେ ଲିଖିତ ଭାବେ ଗ୍ରହଣ କରିପାରିବେ।
ସମସ୍ତ ଅନୁଷ୍ଠାନଗୁଡିକ ପ୍ରତି ତିନି ମାସରେ ଥରେ ଛାତ୍ରଛାତ୍ରୀମାନଙ୍କ ମଧ୍ୟରେ ପାମ୍ପଲେଟ୍ ଏବଂ ଲିଫଲେଟ୍ ବଣ୍ଟନ କରିବେ । ଏଥିରେ ଆଣ୍ଟି-ରାଗିଂ ବାର୍ତ୍ତା ରହିବା ସହିତ ଦଣ୍ଡବିଧାନ ଉଲ୍ଲେଖ ରହିବ । ଏହି ପୁସ୍ତିକା ଏବଂ ଲିଫଲେଟରେ ନ୍ୟାସନାଲ ଆଣ୍ଟି-ରାଗିଂ ହେଲ୍ପଲାଇନ ନମ୍ବର ଏବଂ ଇ-ମେଲ ଆଇଡି ଏବଂ ହଷ୍ଟେଲ ୱାର୍ଡେନ, ହଷ୍ଟେଲ ଅଧୀକ୍ଷକ, ଅନୁଷ୍ଠାନର ମୁଖ୍ୟ ତଥା ଅନୁଷ୍ଠାନର ଗୁରୁତ୍ୱପୂର୍ଣ୍ଣ କାର୍ଯ୍ୟକର୍ତ୍ତା ଏବଂ ଆଣ୍ଟି-ରାଗିଂ ସ୍କ୍ୱାର୍ଡ ସଦସ୍ୟଙ୍କ ମୋବାଇଲ୍ ନମ୍ବର ଏବଂ ଇ-ମେଲ୍ ମଧ୍ୟ ରହିବ। ଉଚିତ।
ଏହି ଟେଲିଫୋନ୍ ନମ୍ବର ଏବଂ ଇ-ମେଲ୍ ଆଇଡିଗୁଡ଼ିକ ମଧ୍ୟ ସଂସ୍ଥାର ବିଭିନ୍ନ ସ୍ଥାନରେ କାନ୍ଥ ଚିତ୍ର କିମ୍ବା ଡିସପ୍ଲେ ବୋର୍ଡ ଆକାରରେ ପ୍ରଦର୍ଶିତ ହେବ । ବିଶେଷ କରି କ୍ୟାମ୍ପସ୍ ବାହାରେ ଅବସ୍ଥିତ ଘରୋଇ ହଷ୍ଟେଲ ଗୁଡିକରେ ଏହି ବାର୍ତ୍ତା ଲଗାଇବାକୁ କୁହାଯାଇଛି ।
ଅନୁଷ୍ଠାନଗୁଡ଼ିକ “ରାଗିଂ ଏବଂ ଆଣ୍ଟି ରାଗିଂ ପଦକ୍ଷେପ ଉପରେ ସଚେତନତା” ଉପରେ ସଚେତନତା କାର୍ଯ୍ୟକ୍ରମ ଏବଂ କର୍ମଶାଳା ଆୟୋଜନ କରିବେ । ଡ୍ରାମା ଏବଂ ଅଡିଓ-ଭିଜୁଆଲ୍ ଇଭେଣ୍ଟ ପରିଚାଳନା କରି ଛାତ୍ରମାନଙ୍କ ମଧ୍ୟରେ ସଚେତନତା ଜାଗରଣ କରିବେ । ଛାତ୍ରମାନଙ୍କ ମଧ୍ୟରେ ସେମାନଙ୍କର ଭାବନାକୁ ବୁଝିବା ଏବଂ ପରସ୍ପର ସହ ସୁସମ୍ପର୍କ ପାଇଁ ପ୍ରୟାସ କରାଯିବ ।
ସଚେତନତା, ତଦାରଖ ଏବଂ ପାଟ୍ରୋଲିଂ କାର୍ଯ୍ୟ ପରିଚାଳନା ପାଇଁ ଅନୁଷ୍ଠାନର ମୁଖ୍ୟଙ୍କ ଦ୍ୱାରା ତିନି ଜଣ ଶିକ୍ଷକଙ୍କୁ ନେଇ ଏକ ଆଣ୍ଟି-ରାଗିଂ ସ୍କ୍ୱାଡ ଗଠନ କରାଯିବ। ସ୍କ୍ୱାଡ ସବୁବେଳେ ସତର୍କ ଏବଂ ସକ୍ରିୟ ରହିବା ଆବଶ୍ୟକ । ସେମାନେ ହଷ୍ଟେଲ ଏବଂ ଅନ୍ୟାନ୍ୟ ରାଗିଂ ସମ୍ବେଦନଶୀଳ ସ୍ଥାନ ଗୁଡ଼ିକରେ ସରପ୍ରାଇଜ ଭିଜିଟ/ପରିଦର୍ଶନ କରିବେ । ଏଥିରେ କ୍ୟାମ୍ପସ ବାହାରେ ଥିବା ଘରୋଇ ହଷ୍ଟେଲ ଏବଂ ଅନୁଷ୍ଠାନ ମଧ୍ୟ ସାମିଲ ।
ଅନୁଷ୍ଠାନର ମୁଖ୍ୟ, ଛାତ୍ରଛାତ୍ରୀ, ଅଭିଭାବକ କିମ୍ବା ଅନୁଷ୍ଠାନର କୌଣସି ବି କର୍ମଚାରୀଙ୍କ ଠାରୁ ଆସୁଥିବା ଅଭିଯୋଗକୁ ତଦନ୍ତ କରି ରିପୋର୍ଟ ଦାଖଲ କରିବେ ।
ରାଗିଂରେ ଜଡ଼ିତ ହୋଇଥିବା ଅଭିଯୁକ୍ତ ଛାତ୍ରମାନଙ୍କୁ ନିଜ ପକ୍ଷ ରଖିବାକୁ ପର୍ଯ୍ୟାପ୍ତ ସୁଯୋଗ ଦିଆଯିବ । ଆଣ୍ଟି-ରାଗିଂ ସ୍କ୍ୱାଡର ଅନୁସନ୍ଧାନ ରିପୋର୍ଟ ପାଇବା ପରେ ଅନୁଷ୍ଠାନର ମୁଖ୍ୟ UGC ନିୟମାବଳୀ ଅନୁଯାୟୀ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବେ। ଶିକ୍ଷାବର୍ଷର ପ୍ରଥମ ତିନିମାସ ମଧ୍ୟରେ ପ୍ରତି ଚତୁର୍ଥାଂଶରେ ନୂଆ ଛାତ୍ରଛାତ୍ରୀ ମାନଙ୍କ ମଧ୍ୟରେ ଏକ ସର୍ଭେ କରିବେ । ଅନୁଷ୍ଠାନ ପ୍ରକୃତରେ ରାଗିଂ ମୁକ୍ତ କି ନାହିଁ ଯାଞ୍ଚ ନିହାତି କରାଯିବ ।
କୌଣସି ଶିକ୍ଷାନୁଷ୍ଠାନ ରାଗିଂ ରିପୋର୍ଟ ହୋଇଥିବା ଘଟଣାକୁ ବରଦାସ୍ତ କରିବେ ନାହିଁ । UGC ନିୟମାବଳୀ ଅନୁଯାୟୀ ରାଗିଂ ଏବଂ / କିମ୍ବା ରାଗିଂରେ ଦୋଷୀ ସାବ୍ୟସ୍ତ ଛାତ୍ରଛାତ୍ରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବେ । ଏହି ମାମଲା ପାଇଁ ଭାରତୀୟ ଦଣ୍ଡବିଧି ସଂହିତା (ଆଇପିସି) ର ଉପଯୁକ୍ତ ଦଣ୍ଡବିଧାନ ଅନୁଯାୟୀ ସ୍ଥାନୀୟ ପୋଲିସ ନିକଟରେ ପ୍ରଥମ ସୂଚନା ରିପୋର୍ଟ (FIR) ଦାଖଲ କରିବେ ।
ଚିଠିରେ ବିଶେଷ ଗୁରୁତ୍ୱ ଦିଆଯାଇଛି ଯେ ରାଗିଂ ମାମଲାରେ, ଶିକ୍ଷାନୁଷ୍ଠାନମାନେ ଦୋଷୀ ସାବ୍ୟସ୍ତ ଛାତ୍ରଛାତ୍ରୀ ଏବଂ ପୀଡିତାଙ୍କ ମଧ୍ୟରେ ଆପୋଷ ବୁଝାମଣା କରିବାକୁ ଚେଷ୍ଟା କରିବା ଉଚିତ୍ ନୁହେଁ। ଏହା ରାଗିଂ ପ୍ରତିରୋଧକ ନିୟମ ପ୍ରତି ସମ୍ବେଦନଶୀଳ ହେବା ସହ ଅନୁଷ୍ଠାନ ପ୍ରତି କ୍ଷତିକାରକ ବନିବ ।