ଏନସିବିର ପୂର୍ବ ଜୋନାଲ ଅଧିକାରୀ ସମୀରଙ୍କୁ ହତ୍ୟା ଧମକ

ମୁମ୍ବାଇ: ମୁମ୍ବାଇ ଏନସିବିର ପୂର୍ବ ଜୋନାଲ ଅଧିକାରୀ ସମୀର ୱାଙ୍ଖେଡଙ୍କୁ ହତ୍ୟା ଧମକ ମିଳିଛି । ସୋସିଆଲ ମିଡିଆ ମାଧ୍ୟମରେ ଏହି ଧମକ ପାଇବା ପରେ ସେ ସମୀର ଗୋରଗାଁଓ ପୋଲିସ ଷ୍ଟେସନରେ ଏ ନେଇ ଅଭିଯୋଗ କରିଛନ୍ତି । ୧୪ ଅଗଷ୍ଟରେ ମିଳିଥିବା ଏହି ଧମକରେ ଟ୍ୱିଟ କରାଯାଇଥିଲା ତୁମକୋ ପତା ନେହି ତୁମନେ କ୍ୟା କିୟା, ତୁମକୋ ଇସକା ହିସାବ ଦେନା ପଡେଗା । ଏହା ପରେ ଆଉ ଏକ ଟ୍ୱିଟରେ ହମ ତୁମକୋ ଖତମ କର ଦେଙ୍ଗେ ଲେଖା ହୋଇଥିଲା । ନିକଟରେ ସମୀର ମୁସଲମାନ ନୁହେଁ ବୋଲି କୋର୍ଟଙ୍କ ପକ୍ଷରୁ କ୍ଲିନଚିଟ ପ୍ରଦାନ କରାଯାଇଛି । ଏନସିପି ନେତା ନୱାବ ମଲିକ ଆରକ୍ଷଣ ଫାଇଦା ପାଇଁ ନକଲି ଜନ୍ମ ପ୍ରମାଣ ପତ୍ର ପ୍ରସ୍ତୁତ କରିଥିବା ଅଭିଯୋଗ କରିଥିଲେ । ଏହା ପରେ ତଦନ୍ତ ଆରମ୍ଭ ହୋଇଥିଲା । ଆର୍ଯ୍ୟନ ଖାଁ ଡ୍ରଗ୍ସ ମାମଲାରେ ସମୀର ଚର୍ଚ୍ଚାକୁ ଆସିଥିଲେ ।