ନୂଆଦିଲ୍ଲୀ: ଆମ ଆଦମୀ ପାର୍ଟିର ତୁଙ୍ଗ ନେତା ତଥା ଦିଲ୍ଲୀ ଉପ ମୁଖ୍ୟମନ୍ତ୍ରୀ ମନୀଷ ସିସୋଡିଆଙ୍କ ବିରୋଧରେ କୌଣସି ମନି ଲଣ୍ଡ୍ରିଂ କେସ ରୁଜୁ କରାଯାଇ ନାହିଁ ବୋଲି ଇଡି ପକ୍ଷରୁ ସ୍ପଷ୍ଟ କରାଯାଇଛି । ଏକ୍ସସାଇଜ ସ୍କାମରେ ପଶିଥିବା ମନୀଷଙ୍କୁ ଏଥିନେଇ କିଛି ମାତ୍ରାରେ ଆଶ୍ୱସ୍ତି ମିଳିଛି । ଏଏନଆଇ ରିପୋର୍ଟ ଅନୁସାରେ ଇଡିର ଆଡିଶନାଲ ଡାଇରେକ୍ଟର ସୋନିୟା ନାରଙ୍ଗ ଆପ ନେତାଙ୍କ ବିରୋଧରେ ମନି ଲଣ୍ଡ୍ରିଂ କେସ ରୁଜୁ କରାଯାଇଛି ବୋଲି କହିଥିଲେ । ମାତ୍ର ଅଧ ଘଂଟା ପରେ ସେ ଏହାକୁ ଖଣ୍ଡନ କରିଛନ୍ତି । ୩ ଦିନ ପୂର୍ବେ ଏକ୍ସସାଇଜ ସ୍କାମରେ ସିସୋଡିଆଙ୍କ ବାସଭବନ ସମେତ ୭ ରାଜ୍ୟର ୨୧ ସ୍ଥାନରେ ସିବିଆଇ ଚଢ଼ାଉ କରିଥିଲା । ଯାଂଚ ଏଜେନ୍ସି ସେମାନଙ୍କ ପରିବାର ସଦସ୍ୟଙ୍କ ଫୋନ ଏବଂ ଲ୍ୟାପଟପ ଜବତ କରି ନେଇଥିଲେ । ଏହା ପରେ ମନୀଷଙ୍କ ବିରୋଓରେ ସିବିଆଇ କେସ ରୁଜୁ କରିଥିଲା । ଅପରପକ୍ଷରେ ଆପକୁ ଭାଙ୍ଗିବା ପାଇଁ ବିଜେପି ଉଦ୍ୟମ କରିଥିଲା ବୋଲି ମନୀଷ କହିଛନ୍ତି । ଏବେ ଏହାକୁ ରାଜନୀତି ସରଗରମ ଜୋର ଧରିଛି ।
Comments are closed.