ମଧୁମେହ ରୋଗୀଙ୍କ ପାଇଁ ସେମାନଙ୍କର ଖାଦ୍ୟର ଯତ୍ନ ନେବା ଅତ୍ୟନ୍ତ ଜରୁରୀ। ନଚେତ୍ ଯଦି ସାମାନ୍ୟ ଅବହେଳା ହୁଏ ତେବେ ହଠାତ୍ ରକ୍ତରେ ସୁଗାର ଲେବେଲ୍ ବଢିପାରେ। ଆମେ ପ୍ରାୟତଃ ଶୁଣିଛୁ ଯେ ମଧୁମେହ ରୋଗୀଙ୍କ ପାଇଁ ଅନେକ ମସଲା ଉପକାରୀ ହୋଇପାରେ। ଏହି ମସଲା ମଧ୍ୟରୁ ଗୋଟିଏ ହେଉଛି ହଳଦୀ। ହଳଦୀରେ ଅନେକ ଔଷଧୀୟ ଗୁଣ ରହିଛି। ଏହା ଶରୀରର ଉଭୟ ଭିତର ଏବଂ ବାହ୍ୟ ଅଂଶ (ଚର୍ମ) ପାଇଁ ଲାଭଦାୟକ ହୋଇଥାଏ। ତେବେ ଆସନ୍ତୁ ଜାଣିବା ଦୈନନ୍ଦିନ ଖାଦ୍ୟରେ ହଳଦୀକୁ କିପରି ବ୍ୟବହାର କରିବେ….
ଅଁଳା ଏବଂ ହଳଦୀ
ମଧୁମେହ ରୋଗୀଙ୍କ ପାଇଁ ଉଭୟ ହଳଦୀ ଏବଂ ଅଁଳାକୁ ଔଷଧ ଭାବେ ବିବେଚନା କରାଯାଏ। ଅଁଳାରେ ଭିଟାମିନ୍ ସି ଭରପୂର ଥାଏ, ଯାହା କୋଲେଷ୍ଟ୍ରଲ ସ୍ତରକୁ ହ୍ରାସ କରିଥାଏ। ଏହା ବ୍ୟତୀତ ଅଁଳାରେ ଥିବା କ୍ରୋମିୟମ୍ କାର୍ବୋହାଇଡ୍ରେଟ୍ ହଜମ କରିବାରେ ସାହାଯ୍ୟ କରେ। ଯଦି ଆପଣ ଅଁଳା ପାଉଡର ଏବଂ ହଳଦୀ ପାଉଡର ପାଣିରେ ମିଶାଇ ପିଅନ୍ତି, ତେବେ ଲୋ ଗ୍ଲୁକୋଜ୍ ଲେବେଲ ନିୟନ୍ତ୍ରଣ ହେବ।
ଗୋଲମରିଚ ସହ ହଳଦୀ
ହଳଦୀ ଏବଂ ଗୋଲମରିଚର ମିଶ୍ରଣ ମଧୁମେହ ରୋଗୀଙ୍କ ପାଇଁ ଏକ ଅମୃତ ସଦୃଶ। କାରଣ ଏହା ରକ୍ତର ସୁଗାର ଲେବଲକୁ ନିୟନ୍ତ୍ରଣ କରିବାରେ ସାହାଯ୍ୟ କରେ। ଏହି ଦୁଇଟି ମସଲାକୁ ଗରମ କ୍ଷୀର ସହିତ ମିଶାଇ ପାନ କରାଯାଇପାରେ। ଗୋଲମରିଚରେ ପିପେରିନ୍ ନାମକ ତତ୍ତ୍ୱ ମିଳିଛି, ଯାହା ଧମନୀକୁ ସୁସ୍ଥ ରଖେ।
ଡାଳଚିନି ଓ ହଳଦୀ
ହଳଦୀ ଏବଂ ଡାଳଚିନି ପାଉଡରକୁ ନେଇ କ୍ଷୀରରେ ମିଶାଇ ଗରମ କରିବା ପରେ ପିଅନ୍ତୁ। ସ୍ୱାସ୍ଥ୍ୟ ବିଶେଷଜ୍ଞମାନେ ଏହାକୁ ଜଳଖିଆ ସମୟରେ ପିଇବାକୁ ପରାମର୍ଶ ଦିଅନ୍ତି। ଏହା ମାଧ୍ୟମରେ ରକ୍ତରେ ଥିବା ଗ୍ଲୁକୋଜ ସ୍ତରକୁ ନିୟନ୍ତ୍ରଣ କରିବା ସହଜ କରାଏ। ଡାଳଚିନିରେ ଆଣ୍ଟି-ଇନ୍ଫ୍ଲାମେଟୋରୀ ଏବଂ ଆଣ୍ଟି-ଅକ୍ସିଡାଣ୍ଟ ଗୁଣ ମିଳିଥାଏ, ଯାହା ମଧୁମେହ ରୋଗୀଙ୍କ ପାଇଁ ଅତ୍ୟନ୍ତ ଲାଭଦାୟକ।