ନୂଆଦିଲ୍ଲୀ : ଶିକ୍ଷକଙ୍କ ଉନ୍ମୁତକାଣ୍ଡ । ପଣିକିଆ ନ ଡାକିବାରୁ ଛାତ୍ର ହାତରେ ଡ୍ରିଲ ମେସିନ୍ ଚଳାଇଦେଲେ ଶିକ୍ଷକ । ଏଭଳି ଅମାନବୀୟ ଦୃଶ୍ୟ ଉତ୍ତରପ୍ରଦେଶର କାନପୁର ଜିଲ୍ଲା ପ୍ରେମନଗରରେ ଥିବା ଉଚ୍ଚପ୍ରାଥମିକ ବିଦ୍ୟାଳୟରେ ଦେଖିବାକୁ ମିଳିଛି । ଜଣେ ଶିକ୍ଷକ କିଭଳି ଛାତ୍ରଙ୍କୁ ଦଣ୍ଡ ଦେବା ସମୟରେ ଏଭଳି କାଣ୍ଡ ଭିଆଇଛନ୍ତି ।
ଛାତ୍ର ଜଣକ କହିବା ଅନୁଯାୟୀ, ଶିକ୍ଷକ ତାଙ୍କୁ ୨ ପଣକିଆ ପଚାରିଥିଲେ । ହେଲେ ସେ କହିପାରିନଥିଲେ । ଏହି କଥାରେ ଉତ୍କ୍ଷିପ୍ତ ଶିକ୍ଷକ ଜଣକ ପାଖରେ ଥିବା ଡ୍ରିଲ ମେସିନ ଆଣି ଛାତ୍ର ହାତରେ ଚଳାଇ ଦେଇଥିଲେ । ତେବେ ପାଖରେ ଥିବା ଆଉ ଜଣେ ଛାତ୍ର ଡ୍ରିଲ ମେସିନର ସୁଇଚ୍କୁ ତୁରନ୍ତ ବନ୍ଦ କରିଦେଇଥିଲା । ଫଳରେ ପୀଡିତ ଛାତ୍ର ଜଣକ ଅଳ୍ପକେ ବର୍ତ୍ତି ଯାଇଥିଲେ । ଘଟଣା ପରେ ପୀଡିତ ଛାତ୍ରଙ୍କ ପରିବାର ଲୋକେ ସ୍କୁଲରେ ପହଞ୍ଚି ପାଟିତୁଣ୍ଡ କରିଥିଲେ ।
ପୁଲିସ ରିପୋର୍ଟ ଅନୁଯାୟୀ, ଛାତ୍ରର ବାମ ହାତରେ ଆଘାତ ଲାଗିଛି। ତା’ର ଚିକିତ୍ସା କରାଯାଇ ଘରକୁ ପଠାଯାଇଛି। ଘଟଣା ସ୍ଥଳରେ ଜିଲ୍ଲା ଶିକ୍ଷା ଅଧିକାରୀ ପହଞ୍ଚି ଘଟଣା ତଦନ୍ତ କରିବା ସହ ଦୋଷୀ ଶିକ୍ଷକଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି ସେ କହିଛନ୍ତି।
Comments are closed.