ବ୍ରହ୍ମପୁର: ଗଞ୍ଜାମ ଜିଲା କେ.ନୂଆଗାଁ ଥାନା ଅନ୍ତର୍ଗତ ବୋମକେଇ ଗ୍ରାମରେ ପରକୀୟା ପ୍ରୀତିକୁ ନେଇ ହତ୍ୟାକାଣ୍ଡ ଘଟିଛି। ପ୍ରେମିକ ସହ ମିଶି ସ୍ବାମୀଙ୍କୁ ହତ୍ୟା କରିଛନ୍ତି ସ୍ତ୍ରୀ। ପୋଲିସ ଉଭୟଙ୍କୁ ଅଟକ ରଖିଛି। ପଚରାଉଚରା ଚାଲିଛି।
ମିଳିଥିବା ସୂଚନା ଅନୁଯାୟୀ, ଗତ ୧୯ ତାରିଖ ଠାରୁ ବୋମକେଇ ଗ୍ରାମର କୃଷ୍ଣଚନ୍ଦ୍ର ବେହେରା ନିଖୋଜ ହୋଇଯାଇଥଲେ। ଏନେଇ ତାଙ୍କ ସସ୍ମିତା କେ.ନୂଆଗାଁ ଥାନାରେ ୨୦ ତାରିଖରେ ଲିଖିତ ଏତଲା ଦେଇଥିଲେ। ପୋଲିସ ତଦନ୍ତ ଆରମ୍ଭ କରିଥିଲା। ଘରକୁ ଯାଇ ଛାନ୍ଭିନ୍ କରିଥିଲା। ତେବେ ଘରର କେତେକ ସ୍ଥାନରେ ରକ୍ତଛିଟା ପଡ଼ିଥିବା ନେଇ ସାହି ପଡୋଶୀ ଲୋକ ପୋଲିସକୁ ସୂଚନା ଦେଇଥିଲେ। ଏଣୁ କୃଷ୍ଣଚନ୍ଦ୍ରଙ୍କୁ ହତ୍ୟା କରାଯାଇଥିବା ପୋଲିସ ସନ୍ଦେହ କରିଥିଲା। ତାଙ୍କ ସ୍ତ୍ରୀଙ୍କ ମୋବାଇଲ ଫୋନକୁ ନେଇ ଯାଞ୍ଚ କରିଥିଲା। ଖମାରି ଗାଁର ଶଙ୍କର୍ଷଣଙ୍କୁ ବାରମ୍ବାର କଲ୍ କରାଯାଇଥିବା ଜଣାପଡ଼ିଥିଲା। ସନ୍ଦେହରେ ଶଙ୍କର୍ଷଣଙ୍କୁ ପୋଲିସ ଉଠାଇ ନେଇ ତଦନ୍ତ କରିବା ପରେ ଘଟଣାର ପର୍ଦ୍ଦାଫାସ ହୋଇଥିଲା। ଅନ୍ୟପଟେ ଗଜପତି ଜିଲା ଆର.ଉଦୟଗିରି ଥାନା ଲାଞ୍ଜା ଗ୍ରାମ ନିକଟ ମାଙ୍କଡଡିଆଁ ନାଳରେ ଏକ ଗଳିତ ଶବ ମିଳିଥିଲା। ଏକ ଅଖା ଭିତରେ ଶବକୁ ବନ୍ଧା ଯାଇଥିଲା। ତଦନ୍ତ ବେଳେ ତାହା କୃଷ୍ଣଚନ୍ଦ୍ରଙ୍କ ଶବ ବୋଲି ଜଣାପଡ଼ିଥିଲା। ଜବତ ଶବକୁ ବ୍ୟବଚ୍ଛେଦ ପାଇଁ ବ୍ରହ୍ମପୁର ଏମ୍କେସିଜି ମେଡ଼ିକାଲକୁ ପଠାଯାଇଛି। ଅଟକ ସସ୍ମିତା ଏବଂ ଶଙ୍କର୍ଷଣକୁ ଅଧିକ ପଚରାଉଚରା ବେଳେ ହତ୍ୟାକାଣ୍ଡ ଉପରୁ ପରଦା ଉଠିଥିବା ଚିକିଟି ଏସଡିପିଓ କୃଷ୍ଣଚନ୍ଦ୍ର ଭତ୍ରା ପ୍ରକାଶ କରିଛନ୍ତି।
ଶଙ୍କର୍ଷଣ ଏବଂ ସସ୍ମିତା ଉଭୟେ ଭିଷ୍ମଗିରି କଲେଜରେ ପଢୁଥିବା ବେଳେ ପ୍ରେମ ସଂପର୍କ ସୃଷ୍ଟି ହୋଇଥିଲା। ଜାତି ଭିନ୍ନ ହୋଇଥିବା ଯୋଗୁ ବିବାହ ସମ୍ଭବ ହୋଇନଥିଲା। ଗତ ୯ ମାସ ପୂର୍ବେ କୃଷ୍ଣଚନ୍ଦ୍ରଙ୍କ ସହିତ ସସ୍ମିତାଙ୍କ ବିବାହ ହୋଇଥିଲା। ବିବାହ ପରେ ମଧ୍ୟ ଶଙ୍କର୍ଷଣଙ୍କ ସହ ସସ୍ମିତା ସଂପର୍କ ରଖୁଥିଲେ। କୃଷ୍ଣଚନ୍ଦ୍ର ଜାଣିବା ପରେ ସସ୍ମିତାଙ୍କୁ ତାଗିଦ୍ କରିଥିଲେ। ଏଣୁ ତାଙ୍କୁ ରାସ୍ତାରୁ ହଟାଇ ଦେବା ପାଇଁ ସସ୍ମିତା ଏବଂ କୃଷ୍ଣଚନ୍ଦ୍ର ଯୋଜନା କରିଥିଲେ। ପୂର୍ବ ଯୋଜନା ଅନୁଯାୟୀ, ଗତ ୧୯ ତାରିଖରେ କୃଷ୍ଣଚନ୍ଦ୍ର ଘରେ ପହଞ୍ଚିବା ପରେ ଶଙ୍କର୍ଷଣ ଛୁରୀରେ ତାଙ୍କୁ ବାରମ୍ବାର ଆକ୍ରମଣ କରିଥିଲେ। ତାଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଯାଇଥିଲା। ପ୍ରମାଣ ନଷ୍ଟ କରିବା ଉଦ୍ଦେଶ୍ୟରେ ମୃତଦେହକୁ ଏକ ଅଖାରେ ଭର୍ତ୍ତି କରି କାରରେ ନେଇ ମାଙ୍କଡଡିଆଁ ନାଳରେ ଫିଙ୍ଗି ଦେଇଥିଲେ। କେ.ନୂଆଗାଁ ପୋଲିସ ଏକ ହତ୍ୟା ମାମଲା ରୁଜୁ କରି ତଦନ୍ତ ଚଳାଇଥିବା ବେଳେ ସସ୍ମିତା ଏବଂ ଶଙ୍କର୍ଷଣଙ୍କୁ ଅଟକ ରଖି ପଚରାଉଚରା କରୁଛି।
BREAKING NEWS
- ଶାନ୍ତିପୂର୍ଣ୍ଣ ଭାବରେ ସରିଲା ଚତୁର୍ଥ ପର୍ଯ୍ୟାୟ ମତଦାନ, ବଙ୍ଗଳାରେ ସର୍ବାଧିକ ଭୋଟିଂ
- ଖରାଦିନେ ଖାଆନ୍ତୁ ତାଳସଜ, ମିଳିବ ଅନେକ ଫାଇଦା
- ସିବିଏସଇ ଦଶମ ଓ ଦ୍ଵାଦଶ ପରୀକ୍ଷାରେ ଶତ ପ୍ରତିଶତ ସଫଳତା ହାସଲ କରିଛି ବିଜେଇଏମ୍-୨
- ବିଜେଡି ନେତ୍ରୀ ଅପୂର୍ବା ଅପରୁପାଙ୍କ କାରରୁ ୧୦ ଲକ୍ଷରୁ ଅଧିକ ଟଙ୍କା ଜବତ
- ବ୍ରହ୍ମପୁରରେ ବିଜେପିର ସାଂସଦ ପ୍ରାର୍ଥୀ ପ୍ରଦୀପ ପାଣିଗ୍ରାହୀଙ୍କୁ ଆକ୍ରମଣ ଅଭିଯୋଗ
- ଚାଲିଗଲେ ବିହାରର ‘ମୋଦୀ’, ଶୋକ ପ୍ରକାଶ କଲେ ପ୍ରଧାନମନ୍ତ୍ରୀଙ୍କ ସମେତ ବରିଷ୍ଠ ନେତା
- ରାହୁଲଙ୍କ ଘଟଣାରେ ସଞ୍ଜୀବ ଗୋୟନକାଙ୍କୁ ଟାର୍ଗେଟ କଲେ ସେହ୍ୱାଗ
- ସରିଲା ପ୍ରଥମ ପର୍ଯ୍ୟାୟ ନିର୍ବାଚନ; ସନ୍ଧ୍ୟା ୫ଟା ସୁଦ୍ଧା ୬୨.୩୧ ପ୍ରତିଶତ ମତଦାନ
- ଭୁଲରେ ଗହମ ବଦଳରେ ଅଳଙ୍କାର ପୁର୍ଣ୍ଣ ପୁଟୁଳୀ କରିଦେଲେ ଭଗବାନଙ୍କୁ ଅର୍ପଣ
- ବୁର୍ଖା ଟେକି ମହିଳାଙ୍କ ପରିଚୟ ଯାଞ୍ଚ କରି ଅଡୁଆରେ ବିଜେପି ପ୍ରାର୍ଥୀ, ଥାନାରେ ମାମଲା ରୁଜୁ