ନୂଆଦିଲ୍ଲୀ: କଂଗ୍ରେସର ବରିଷ୍ଠ ନେତା ଦିଗବିଜୟ ସିଂ ସର୍ଜିକାଲ ଷ୍ଟ୍ରାଇକ ଉପରେ ପ୍ରଶ୍ନ ଉଠାଇବା ପରେ ଏହାକୁ ନେଇ ପୁଣିଥରେ ବିବାଦ ତେଜିଛି। ଦିଗବିଜୟ ସିଂ ସର୍ଜିକାଲ ଷ୍ଟ୍ରାଇକର ପ୍ରମାଣ ମାଗି ସରକାର ମିଛ କହୁଛନ୍ତି ବୋଲି ଅଭିଯୋଗ କରିଛନ୍ତି। ବିଜେପି ମଧ୍ୟ କଡା ଜବାବ ଦେଇଛି। ରାହୁଲ ଗାନ୍ଧୀଙ୍କ ଭାରତ ଯୋଡ ଯାତ୍ରା ଜରିଆରେ ଦିଗବିଜୟ ଯେଉଁ ବୟାନ ଦେଇଛନ୍ତି ତାହା ସେନାକୁ କଂଗ୍ରେସ ଅପମାନିତ କରିଛି ବୋଲି ଶାସକ ଦଳ କହିଛି।
କଂଗ୍ରେସର ଭାରତ ଯୋଡ ଯାତ୍ରା ବର୍ତ୍ତମାନ ଜମ୍ମୁ କଶ୍ମୀରରେ ଅଛି। ଯେଉଁଠାରେ ସୋମବାର ଏକ ସାଧାରଣ ସଭାକୁ ସମ୍ବୋଧିତ କରିବାବେଳେ ଦିଗବିଜୟ ସିଂ ଅଭିଯୋଗ କରିଛନ୍ତି ଯେ ଶ୍ରୀନଗରରୁ ଦିଲ୍ଲୀକୁ ସିଆରପିଏଫ ଯବାନଙ୍କୁ ବିମାନ ଜରିଆରେ ଆଣିବାକୁ ସରକାର ସିଆରପିଏଫର ଅନୁରୋଧରେ ରାଜି ହୋଇନଥିଲେ। ତେଣୁ ୨୦୧୯ରେ ପୁଲୱାମାରେ ଆତଙ୍କବାଦୀ ଆକ୍ରମଣରେ ୪୦ ଯବାନ ପ୍ରାଣ ହରାଇଥିଲେ।
ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କହିଛନ୍ତି ଯେ ମୋଦୀ ସରକାର ସର୍ଜିକାଲ ଷ୍ଟ୍ରାଇକ୍ ବିଷୟରେ କହୁଛନ୍ତି। ସେମାନେ ଅନେକ ଲୋକଙ୍କୁ ହତ୍ୟା କରିବା ବିଷୟରେ ଆଲୋଚନା କରୁଛନ୍ତି। କିନ୍ତୁ ଏହାର କୌଣସି ପ୍ରମାଣ ଦେଇ ନାହାଁନ୍ତି। ମିଛ କଥା କହି ସେମାନେ ଶାସନ କରୁଛନ୍ତି। ଏପର୍ଯ୍ୟନ୍ତ ପୁଲୱାମା ଉପରେ କୌଣସି ରିପୋର୍ଟ ସଂସଦରେ ରଖାଯାଇ ନାହିଁ ବୋଲି ସେ ପ୍ରଶ୍ନ କରିଛନ୍ତି।
ଦିଗବିଜୟ ସିଂଙ୍କ ଏହି ବିବୃତ୍ତି ପରେ ବଡ ରାଜନୈତିକ ବିବାଦ ସୃଷ୍ଟି ହୋଇଛି । ହେଲେ କଂଗ୍ରେସ ଏହି ବିବାଦରୁ ନିଜକୁ ଦୂରେଇ ରଖିଛି। ଦଳ କହିଛି, ଏହା ଦିଗବିଜୟଙ୍କ ନିଜର ମତ ଏବଂ ଦଳର ଆଭିମୁଖ୍ୟ ପ୍ରତିଫଳିତ କରୁନାହିଁ। କଂଗ୍ରେସ ନେତା ଜୟରାମ ରମେଶ କହିଛନ୍ତି ଯେ ଦିଗବିଜୟ ସିଂଙ୍କ ମନ୍ତବ୍ୟ ତାଙ୍କର ବ୍ୟକ୍ତିଗତ ମତ ଏବଂ ଦଳ ଏହାକୁ ସମର୍ଥନ କରୁନାହିଁ।
ଭାରତୀୟ ଜନତା ପାର୍ଟି କହିଛି ଯେ କଂଗ୍ରେସ ବର୍ତ୍ତମାନ ଆମର ପ୍ରତିରକ୍ଷା ବାହିନୀର ବୀରତ୍ୱ ଉପରେ ପ୍ରଶ୍ନ କରୁଛି। ବିଜେପି ମୁଖପାତ୍ର ଗୌରବ ଭାଟିଆ କହିଛନ୍ତି ଯେ କଂଗ୍ରେସ ଆମର ପ୍ରତିରକ୍ଷା ବାହିନୀର ବୀରତ୍ୱ ଉପରେ ପ୍ରଶ୍ନ କରୁଛି, ଯେଉଁମାନେ ଆମକୁ ସୁରକ୍ଷା ଦେଉଛନ୍ତି ସେମାନଙ୍କ ଉପରେ ସେମାନେ ବିଶ୍ୱାସ କରନ୍ତି ନାହିଁ।
ପ୍ରଧାନମନ୍ତ୍ରୀ ମୋଦୀଙ୍କ ପ୍ରତି ସେମାନଙ୍କର ଘୃଣାଭାବ ଥିବାରୁ ରାହୁଲ ଗାନ୍ଧୀ ଏବଂ ଦିଗବିଜୟ ସିଂଙ୍କ ଦେଶପ୍ରେମ ଆଉ କାହାକୁ ଅଛପା ନାହିଁ।
Comments are closed.