ଭୁବନେଶ୍ୱର: ମଞ୍ଚେଶ୍ୱର ଥାନା ପାଣ୍ଡରା ଅଞ୍ଚଳରେ ଏକ ନିର୍ମାଣଧୀନ ପାଇଖାନା ଟାଙ୍କିର ଫଲସ୍ ଖସି ପଡିବାରୁ ୩ ଜଣ ଶ୍ରମିକ ପ୍ରାଣ ହରାଇଛନ୍ତି ।
ମୃତ ଶ୍ରମିକ ମାନେ ପଶ୍ଚିମବଙ୍ଗ ମେଦିନପୁର ଅଞ୍ଚଳର ସାମୀରନ ମୁନିଆ, ବାସୁଦେବ ମଣ୍ଡଳ, ବିଗୁରାମ ମଣ୍ଡଳ ବୋଲି ଜଣାପଡିଛି ।
ମିଳିଥିବା ସୂଚନା ଅନୁଯାୟୀ, ଶ୍ରମିକମାନେ ଟାଙ୍କି ଭିତରେ ପଶି କାମ କରୁଥିବାବେଳେ ଟାଙ୍କି ଫଲସର ଏକ ଅଂଶ ଗଳି ପଡିଥିଲା । ଯାହାଫଳରେ ଏହି ୩ ଜଣ ଶ୍ରମିକ ଶ୍ୱାସରୁଦ୍ଧ ହୋଇ ପ୍ରାଣ ହରାଇଥିବା ମୁଖ୍ୟ ଅଗ୍ନିଶମ ଅଧିକାରୀ ସୁକାନ୍ତ ସେଠୀ କହିଛନ୍ତି ।
ସୂଚନା ପାଇ ପୋଲିସ ଓ ଅଗ୍ନିଶମ କର୍ମଚାରୀ ଘଟଣା ସ୍ଥଳରେ ପହଞ୍ଚି ମୃତ ଦେହ ଗୁଡିକୁ ଉଦ୍ଧାର କରିଛନ୍ତି । ପୋଲିସ ମୃତଦେହ ଗୁଡିକୁ ଶବ ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛି ।