ପାଟନା: ବିହାର ବିଧାନ ପରିଷଦରେ ବିଜେପି ସବୁଠାରୁ ବଡ ପାର୍ଟି ହୋଇଛି । ଅପରପକ୍ଷରେ ବିହାରରେ ମହାଗଠବନ୍ଧନକୁ ଶକ୍ତ ଝଟକା ଲାଗିଛି । ୭୫ ସଦସ୍ୟ ବିଶିଷ୍ଟ ବିଧାନ ପରିଷଦରେ ବିଜେପି ୨୪ ଏବଂ ଜନତା ଦଳ ୟୁନାଇଟେଡ ୨୩ ସିଟ ପାଇଛନ୍ତି । ଗୁରୁବାର ବିହାର ବିଧାନ ପରିଷଦର ୫ଟି ଆସନର ଫଳ ପ୍ରକାଶ ପାଇଥିଲା । ଏଥିରେ ବିଜେପି ଗୟା ଶିକ୍ଷକ ଓ ସ୍ନାତକ ନିର୍ବାଚନ କ୍ଷେତ୍ରରେ ୨ଟି ସିଟରେ ବିଜୟ ହୋଇଛି । କୋସି ଓ ସାରଣ ସ୍ନାତକ କ୍ଷେତ୍ରରେ ମହାଗଠବନ୍ଧନ ବିଜୟ ହୋଇଛନ୍ତି । ସାରଣ ଶିକ୍ଷକ ଆସନରେ ସିପିଆଇକୁ ପ୍ରାର୍ଥୀଙ୍କୁ ନିର୍ଦ୍ଦଳୀୟ ପ୍ରାର୍ଥୀ ପରାସ୍ତ କରି ସମସ୍ତଙ୍କୁ ଚକିତ କରିଛନ୍ତି । ଏହି ପ୍ରାର୍ଥୀଙ୍କୁ ପ୍ରଶାନ୍ତ କିଶୋର ସମର୍ଥନ କରିଥିଲେ ।
ଏହି ନିର୍ବାଚନର ଫଳାଫଳ ମହାଗଠବନ୍ଧନକୁ ଚିନ୍ତାରେ ପକାଇ ଦେଇଛି । ବିଜେପିର ଗୋଟିଏ ଆସନ ଲାଭ ହୋଇଥିବା ବେଳେ ମହାଗଠବନ୍ଧନ ପଛୁଆ ରହିଯାଇଛି । ଏହି ନିର୍ବାଚନ ଫଳାଫଳର ପ୍ରଭାବ ଆଗାମୀ ଦିନରେ ଆମକୁ ଆହୁରି ମଜଭୁତ କରିବ ବୋଲି ବିଜେପି ପକ୍ଷରୁ କୁହାଯାଇଛି ।
Comments are closed.