ମୋହାଲୀ: ଏଠାରେ ଅନୁଷ୍ଠିତ ଇଣ୍ଡିଆନ ପ୍ରିମିୟର ଲିଗର ଏକ ମ୍ୟାଚରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ୨୪ ରନରେ ପଞ୍ଜାବ କିଙ୍ଗସକୁ ପରାସ୍ତ କରିଛି । ପ୍ରଥମେ ବ୍ୟାଟିଂ କରି ବାଙ୍ଗାଲୋର ବିରାଟ କୋହଲି ଓ ଫାପ ଡୁ ପ୍ଲେସିଙ୍କ ଅର୍ଦ୍ଧଶତକ ବଳରେ ୨୦ ଓଭରରେ ୪ ୱିକେଟ ବିନିମୟରେ ୧୭୪ ରନ କରିଥିଲା । କୋହଲି ୫୯ ଓ ଡୁ ପ୍ଲେସି ୮୪ ରନର ବିସ୍ଫୋରକ ଇନିଂସ ଖେଳିଥିଲେ । ପଞ୍ଜାବ ପକ୍ଷରୁ ହରପ୍ରୀତ ବ୍ରାର ୨ଟି ୱିକେଟ ନେଇଥିଲେ । ୧୭୫ ରନର ବିଜୟ ଲକ୍ଷ୍ୟକୁ ପିଛା କରି ପଞ୍ଜାବ ୧୮.୨ ଓଭରରେ ୧୫୦ ରନ କରି ଅଲଆଉଟ ହୋଇ ଯାଇଥିଲା । ପ୍ରବିସିମ୍ରରନ ସିଂ ୪୬ ଓ ଜିତେଶ ଶର୍ମା ୪୧ ରନ କରିଥିଲେ । ଅନ୍ୟ ବ୍ୟାଟ୍ସମ୍ୟାନମାନେ ଭଲ ପ୍ରଦର୍ଶନ କରିପାରି ନ ଥିଲେ ।
ବାଙ୍ଗାଲୋର ପକ୍ଷରୁ ମହମ୍ମଦ ସିରାଜ ୪ଟି ୱିକେଟ ଅକ୍ତିଆର କରି ଦଳର ବିଜୟରେ ମୂଖ୍ୟ ଭୂମିକା ଗ୍ରହଣ କରିଥିଲେ । ୱାନିନ୍ଦୁ ହରସଙ୍ଗା ଡିସିଲଭା ୨ଟି ୱିକେଟ ନେଇଥିଲେ । ଟସ ଜିତି ପଞ୍ଜାବ ପ୍ରଥମେ ଫିଲ୍ଡିଂ କରିବା ପାଇଁ ନିଷ୍ପତି ନେଇଥିଲା । ପ୍ରଭାବୀ ବୋଲିଂ ପ୍ରଦର୍ଶନ ପାଇଁ ସିରାଜ ମ୍ୟାନ ଅଫ ଦି ମ୍ୟାଚ ବିବେଚିତ ହୋଇଥିଲେ । ବିଜୟ ସହ ବାଙ୍ଗାଲୋର ପଂଏଟ ୬ ହୋଇଥିବା ବେଳେ ପରାଜୟ ସତ୍ୱେ ପଞ୍ଜାବ ମଧ୍ୟ ୬ ପଂଏଟରେ ରହିଛି ।
Comments are closed.