ଭୁବନେଶ୍ୱର: ମୁଣ୍ଡଳି ବ୍ୟାରେଜରୁ ଡେଇଁ ପଡିଲେ ଛାତ୍ରୀ । ଏ ଯାଏ ଯୁବତୀଙ୍କର ପତା ମିଳିନି । ଗତକାଲି ରାତିରେ ମୁଣ୍ଡଳି ବ୍ୟାରେଜ ଉପରେ ସ୍କୁଟି ରଖି ଯୁବତୀ ଜଣକ ପାଣିକୁ ଡେଇଁ ପଡିଛନ୍ତି। ପୋଲିସ୍ ଖୋଜାଖୋଜି କରୁଛି। ସମ୍ପୃକ୍ତ ଯୁବତୀ ଭୁବନେଶ୍ୱର ସୁନ୍ଦରପଦା ଅଞ୍ଚଳରଏବଂ ତାଙ୍କ ନାଁ ଐଶ୍ୱର୍ଯ୍ୟା ପରିଜା ବୋଲି ଜଣାପଡ଼ିଛି। ସେ ଏକ ଘରୋଇ କଲେଜର ଛାତ୍ରୀ।
ଐଶ୍ୱର୍ଯ୍ୟାଙ୍କ ବାପା, ମା ପହଞ୍ଚି ଝିଅର ସ୍କୁଟିକୁ ଚିହ୍ନଟ କରିଛନ୍ତି। ସ୍କୁଟି ବ୍ୟାରେଜ ଉପରକୁ କେମିତି ଆସିଲା ସେ ସମ୍ପର୍କରେ ଯଦିଓ ସ୍ପଷ୍ଟ ଜଣା ପଡିନି ତେବେ ସ୍କୁଟି ରଖି ଐଶ୍ୱର୍ଯ୍ୟା ପାଣିକୁ ଡେଇଁ ପଡିଥିବା ଅନୁମାନ କରାଯାଉଛି । ସେ ବ୍ୟାରେଜ ଉପରେ ସ୍କୁଟି ରଖି ପାଣିକୁ ଡେଇଁଛନ୍ତି ନା କେଉଁଆଡ଼େ ଚାଲି ଯାଇଛନ୍ତି ସେ ନେଇ ପୋଲିସ ତଦନ୍ତ କରୁଛି ।
Comments are closed.