ନୂଆଦିଲ୍ଲୀ: ଗୁଗୁଲର ମାଲିକାନାରେ ଥିବା ୟୁଟ୍ୟୁବରେ ‘ୟୁଟ୍ୟୁବ ଷ୍ଟୋରିଜ’ ନାମରେ ପରିଚିତ ଏହି ଫିଚର ବନ୍ଦ ହୋଇଯିବ। ୟୁଟ୍ୟୁବ ଏହି ଘୋଷଣା କରିଛି। ସର୍ଟସ, କମ୍ୟୁନିଟି ପୋଷ୍ଟ ଏବଂ ଲାଇଭ୍ ଭିଡିଓ ଭଳି ଅନ୍ୟ ଜରୁରୀ ଫିଚର ଉପରେ ଅଧିକ ଗୁରୁତ୍ୱ ଦେବ ବୋଲି କମ୍ପାନୀ କହିଛି।
ଗୁରୁବାର ଏକ ବ୍ଲଗ ପୋଷ୍ଟରେ ୟୁଟ୍ୟୁବ ପକ୍ଷରୁ କୁହାଯାଇଛି ଯେ ଏଣିକି ୟୁଟ୍ୟୁବର ଆଉ ନୂଆ ଷ୍ଟୋରିଜ ତିଆରି କରିପାରିବେ ନାହିଁ। ଏହାବ୍ୟତୀତ, ବର୍ତ୍ତମାନର ଯେକୌଣସି ଷ୍ଟୋରିଜ ସେମାନଙ୍କର ଅରିଜିନାଲ ସେୟାରିଂ ତାରିଖର ସାତ ଦିନ ପରେ ଡିଲିଟ୍ ହୋଇଯିବ। ଯେଉଁ ୟୁଟ୍ୟୁବର ମାନେ ଷ୍ଟୋରିଜ ତିଆରି କରୁଛନ୍ତି ସେମାନଙ୍କ ପାଇଁ ୟୁଟ୍ୟୁବ ଆଗୁଆ ସତର୍କ ସୂଚନା ଜାରି କରିଛି। ଜୁନ 26ରୁ ‘ୟୁଟ୍ୟୁବ ଷ୍ଟୋରିଜ’ ଫିଚର ବନ୍ଦ ହେବାକୁ ଯାଉଛି।
ୟୁଟ୍ୟୁବ ବିଶେଷ କରି ସର୍ଟସ ସର୍ଟ ଭିଡିଓ କଣ୍ଟେଣ୍ଟ ଜରିଆରେ ନୂଆ ଦର୍ଶକଙ୍କ ନିକଟରେ ପହଞ୍ଚିବା ପାଇଁ ଏକ ଭଲ ବିକଳ୍ପ ବୋଲି ତିଆରି ହୋଇଛି। ଉଭୟ ସର୍ଟସ ଏବଂ ଷ୍ଟୋରି ଜରିଆରେ ଅନେକ ୟୁଟ୍ଯୁବର ଅଧିକ ସବସ୍କ୍ରାଇବ ବା ଦର୍ଶକ ସଂଖ୍ୟା ଅଭିବୃଦ୍ଧି ହାସଲ କରିଛନ୍ତି। ସର୍ଟସ ପ୍ରଭାବୀ ଢଙ୍ଗରେ ଦର୍ଶକଙ୍କୁ ଯୋଡ଼ିପାରିବ ଏବଂ ସବସ୍କ୍ରିପସନ ଅଧିକ ବଢ଼ାଇପାରିବ।
ଗୁଗୁଲ ପକ୍ଷରୁ ସ୍ପଷ୍ଟ କରାଯାଇଛି ଯେ, ୟୁଟ୍ୟୁବରେ ଭିଡିଓ ଥିବା ଆକାଉଣ୍ଟକୁ ଡିଲିଟ୍ କରାଯିବ ନାହିଁ। ଏହି ସ୍ପଷ୍ଟୀକରଣଟି ଏକ ପୂର୍ବ ଘୋଷଣା ପରେ ଆସିଛି ଯେଉଁଥିରେ କୁହାୟାଇଛି ଯେ ନିଷ୍କ୍ରିୟ ଆକାଉଣ୍ଟ ଏବଂ ସେଗୁଡ଼ିକର ବିଷୟବସ୍ତୁକୁ ଡିଲିଟ୍ କରାଯିବ ଯଦି ସେଗୁଡ଼ିକ ଅତି କମରେ ଦୁଇ ବର୍ଷ ଯାଏ ବ୍ୟବହାର କରାଯାଇ ନାହିଁ ।
ମୋଟ ଉପରେ, ୟୁଟ୍ୟୁବ ଷ୍ଟୋରିଜକୁ ବନ୍ଦ କରିବାର ୟୁଟ୍ୟୁବର ନିଷ୍ପତ୍ତି ଏହାର ଅନ୍ୟାନ୍ୟ ଫିଚର ପ୍ରତି ରଣନୈତିକ ପରିବର୍ତ୍ତନକୁ ପ୍ରତିଫଳିତ କରୁଛି।
Comments are closed.