ବରିପଦା: ମଙ୍ଗଳବାର ଆଉ ଏକ ଦୁର୍ଘଟଣା ଘଟିଛି। ମୟୂରଭଞ୍ଜ ଜିଲ୍ଲାର ରଙ୍ଗାମାଟିଆ ଛକରେ ଏକ ଯାତ୍ରୀବାହୀ ବସ୍ ଓଲଟି ପଡ଼ିବା ପରେ ୧୫ ରୁ ଅଧିକ ଯାତ୍ରୀ ଆହତ ହୋଇଛନ୍ତି। ଘରୋଇ ବସଟି ବାଲେଶ୍ବର ଜିଲ୍ଲାର ଚନ୍ଦନଶ୍ୱରରୁ ବରିପଦା ଅଭିମୁଖେ ଯାଉଥିବା ବେଳେ ଏହି ଦୁର୍ଘଟଣା ଘଟିଛି।
ସୂତ୍ରରୁ ପ୍ରକାଶ ଯେ ବସଟି ଭାରସାମ୍ୟ ହରାଇ ଓଲଟି ପଡିଥିଲା। ଯେତେବେଳେ ଡ୍ରାଇଭର ଜଣେ ବାଇକ ଆରୋହୀଙ୍କୁ ବଞ୍ଚାଇବାକୁ ଚେଷ୍ଟା କରିଥିଲେ। ରଙ୍ଗାମାଟିଆ ଛକରେ ଏପରି ଏକ ସ୍ଥିତିର ସାମ୍ନା କରିବାରୁ ଦୁର୍ଘଟଣା ଘଟିଛି।
ସମସ୍ତ ଆହତ ଯାତ୍ରୀଙ୍କୁ ବରିପଦାସ୍ଥିତ ମେଡିକାଲ କଲେଜ ଏବଂ ହସ୍ପିଟାଲରେ ଭର୍ତ୍ତି କରାଯାଇଛି। କିଛି ଲୋକଙ୍କ ଅବସ୍ଥା ଗୁରୁତର ଥିବା ଜଣାପଡିଛି।
ଗତକାଲି ଦିଗପହଣ୍ଡିର ଦୁର୍ଘଟଣା ସମସ୍ତଙ୍କ ମନରେ ଉଜ୍ଜୀବତ ହୋଇ ରହିଥିବା ବେଳେ ପୁଣି ଏକ ଦୁର୍ଘଟଣା ସମସ୍ତଙ୍କୁ ହତବାକ କରି ଦେଇଛି।
Comments are closed.