ମୁମ୍ବାଇ: ବଲିଉଡର କିଙ୍ଗ ଶାହରୁଖ ଖାନଙ୍କ ‘ଜୱାନ’ ବକ୍ସ ଅଫିସରେ ଧମାଲ ମଚାଇବାକୁ ଯାଉଛି । ‘ଜୱାନ’କୁ ନେଇ ଲୋକଙ୍କ ମଧ୍ୟରେ ଏପରି ଏକ କ୍ରେଜ୍ ତିଆରି ହୋଇଯାଇଛି ଯେ ଫିଲ୍ମକୁ ଅପେକ୍ଷା କରିବା ସେମାନଙ୍କ ପାଇଁ କଷ୍ଟକର ହୋଇପଡିଛି । ବିଦେଶରେ ମଧ୍ୟ ଏହାର ଆଡଭାନ୍ସ ବୁକିଂ ଆରମ୍ଭ ହୋଇଯାଇଛି । ଏବେ ଆଉ ଏକ ଖୁସି ଖବର ସାମ୍ନାକୁ ଆସିଛି । ଫିଲ୍ମ ରିଲିଜ୍ ହେବା ପୂର୍ବରୁ ‘ଜୱାନ’ ଜର୍ମାନୀରେ ଦୁନିଆର ସବୁଠୁ ବଡ ପରଦାରେ ମୁକ୍ତିଲାଭ କରିବ । ଏହି ପରଦାରେ ପ୍ରଦର୍ଶିତ ହୋଇଥିବା ପ୍ରଥମ ଭାରତୀୟ ଚଳଚ୍ଚିତ୍ର ହେବ ‘ଜୱାନ’ ।
ଖବର ଅନୁଯାୟୀ, ଶାହରୁଖ ଖାନଙ୍କ ‘ଜୱାନ’ ଜର୍ମାନୀର ଲିଓନବର୍ଗର ଏକ ବିଶାଳ ସ୍ଥାୟୀ IMAX ପରଦାରେ ଟ୍ରମ୍ପଲାଷ୍ଟରେ ପ୍ରଦର୍ଶିତ ହେବ । IMAX ପରଦା ୧୨୫ ଫୁଟ ଚଉଡା ଏବଂ ୭୨ ଫୁଟ ଉଚ୍ଚ ଅଟେ । ଏହି ବିଶାଳ ପରଦାରେ ଫିଲ୍ମ ପ୍ରଦର୍ଶିତ ହେବା ପରେ ‘ଜୱାନ’ ଷ୍ଟାର ଶାହାରୁଖ ଖାନ୍ ଏକ ଇତିହାସ ରଚିବେ ।
ଉଲ୍ଲେଖନୀୟ ଯେ, ଏହି ସ୍ଥାୟୀ ସିନେମା ପରଦା ୬ ଡିସେମ୍ବର ୨୦୨୨ରେ ସ୍ଥାପିତ ହୋଇଥିଲା ଏବଂ ସର୍ବବୃହତ IMAX ସ୍କ୍ରିନର ପୂର୍ବ ରେକର୍ଡ ଭାଙ୍ଗିଥିଲା । ଟ୍ରମ୍ପଲାଷ୍ଟର ନିର୍ମାଣ ୨୦୨୦ରେ ଆରମ୍ଭ ହୋଇ ଡିସେମ୍ବର ୨୦୨୨ରେ ଶେଷ ହୋଇଥିଲା । ଏହି ପରଦାର ନାମ ଗିନିଜ ବୁକ୍ ଅଫ ୱାର୍ଲ୍ଡରେ ରେକର୍ଡ କରାଯାଇଛି । ୮୧୪.୮ବର୍ଗ ମିଟର କ୍ଷେତ୍ର ବିଶିଷ୍ଟ ସିନେମା ହଲକୁ ସର୍ବ ବୃହତ ସ୍ଥାୟୀ ସିନେମା ହଲ୍ର ଆଖ୍ୟା ପ୍ରଦାନ କରି ସାର୍ଟିଫିକେଟ୍ ଦେଇଛି ଗିନିଜ ବୁକ୍ ଅଫ ୱାର୍ଲ୍ଡ ।
Comments are closed.