ମୁମ୍ବାଇ : ବଲିଉଡ ଅଭିନେତା ଭିକି କୌଶଲ ତାଙ୍କର ଆଗାମୀ ଫିଲ୍ମ ‘ଦ ଗ୍ରେଟ ଇଣ୍ଡିଆନ ଫ୍ୟାମିଲି’ ନେଇ ଚର୍ଚ୍ଚାରେ ଅଛନ୍ତି । ମଙ୍ଗଳବାର ଏହି ଫିଲ୍ମର ଟ୍ରେଲର ମଧ୍ୟ ରିଲିଜ ହୋଇଯାଇଛି । ଏହାକୁ ଦର୍ଶକ ଖୁବ୍ ପସନ୍ଦ କରିଛନ୍ତି । ଏହା ଏକ ଜବରଦସ୍ତ କମେଡି ଫିଲ୍ମ ଏହାର ଟ୍ରେଲରକୁ ଦେଖିବା ପରେ ସ୍ପଷ୍ଟ ଭାବରେ ବୁଝାପଡୁଛି । ଏଥିରେ ଭିକି କୌଶଲ ଲୋକଙ୍କୁ ବହୁତ ହସାଇଛନ୍ତି । ଏହାସହିତ ଏହାର ଏକ ଭିଡିଓ ସୋସିଆଲ ମିଡିଆରେ ମଧ୍ୟ ଭାଇରାଲ ହୋଇଛି । ଆସନ୍ତା ୨୨ ତାରିଖରେ ଫିଲ୍ମଟି ରିଲିଜ୍ ହେବ ।
ଭିକି କହିଛନ୍ତି ଯେ, ଏହି ଫିଲ୍ମଟି ଏକ ଛୋଟ ସହରର କାହାଣୀକୁ ନେଇ ନିର୍ମିତ ହୋଇଛି । ଏହା ସମସ୍ତଙ୍କ ହୃଦୟକୁ ସ୍ପର୍ଶ ଛୁଇଁବ । ଏହା ହେଉଛି ଅବିସ୍ମରଣୀୟ ବନ୍ଧନର କାହାଣୀ , ଯାହା ପରିବାର ସଦସ୍ୟ ପରସ୍ପର ମଧ୍ୟରେ ସେୟାର କରିଥାନ୍ତି । ପରିସ୍ଥିତି କିପରି ସେହି ବନ୍ଧନକୁ ଗୁରୁତର ଭାବରେ ପରୀକ୍ଷା କରିପାରିବ ଏବଂ ଏକ ଭାରତୀୟ ପରିବାରର ପ୍ରତ୍ୟେକ ସଦସ୍ୟଙ୍କ ମଧ୍ୟରେ ଭାବପ୍ରବଣତା କେତେ ଶକ୍ତିଶାଳୀ । ଯେତେବେଳେ କଠିନ ପରିସ୍ଥିତି ଆସେ ସେତେବେଳେ ମିଳିତ ପରିବାର ଏକ ଶକ୍ତି ଭାବେ ଉଭା ହୋଇଥାନ୍ତି ତାହା ଏହି ଫିଲ୍ମରେ ଚିତ୍ରଣ କରାଯାଇଛି ।
ଫିଲ୍ମ ‘ଦ ଗ୍ରେଟ ଇଣ୍ଡିଆନ ଫ୍ୟାମିଲି’ରେ ବିଜୟ କୃଷ୍ଣ ଆଚାର୍ଯ୍ୟ ନିର୍ଦ୍ଦେଶନା ଦେଇଛନ୍ତି । ଏଥିରେ ଭିକିଙ୍କ ନାୟିକା ସାଜିଛନ୍ତି ଅଭିନେତ୍ରୀ ମାନୁଷୀ ଚ୍ଛିଲର । ଏହି ଫିଲ୍ମରେ ମନୋଜ ପାହୱା, ସାଦିଆ ସିଦ୍ଦିକି, ଅଲକା ଆମିନ, କୁମୁଦ ମିଶ୍ର, ସୃଷ୍ଟି ଦୀକ୍ଷିତ, ଆଶୁତୋଷ ଉଜ୍ଜଲ, ଭୁବନ ଆରୋରା, ଭାରତୀ ପେରୱାନୀଙ୍କୁ ଅଭିନୟ କରିଛନ୍ତି ।
Comments are closed.