ହାଇଦ୍ରାବାଦ: ସାଧାରଣତଃ ଅଧିକାଂଶ ଲୋକ ନିଜ ବିବାହକୁ ସ୍ୱତନ୍ତ୍ର କରିବାକୁ ଚାହାଁନ୍ତି । ଏହାକୁ ସ୍ମରଣୀୟ କରିବା ପାଇଁ ବିଭିନ୍ନ ଉପାୟ ଆପଣାଇଥାନ୍ତି । ସେ ସାଜ୍ଜସଜ୍ଜା ହେଉ ବା ମେକ୍ଅପ୍, ବା ଭୋଜି ସବୁକିଛି ନୂଆ କରିବାକୁ ଚାହାଁନ୍ତି ସସସ୍ତେ । ଏବେ ବିବାହ ପୂର୍ବରୁ ପ୍ରି-ୱେଡ଼ିଂ ଫଟୋ ସୁଟ୍କୁ ବେଶୀ ଗୁରୁତ୍ୱ ଦିଆଯାଉଛି । କିଏ ଖେଳ ପଡ଼ିଆ ବା ପାହାଡ଼,ପାର୍କରେ ଫଟୋ ସୁଟ୍ କରୁଥିବାବେଳେ ଆଉ କିଏ ଅଟୋରିକ୍ସାରେ ବି ଫଟୋ ସୁଟ୍ କରୁଛନ୍ତି । ଏବେ ହାଇଦ୍ରାବାଦର ଏକ ପ୍ରେମୀଯୁଗଳଙ୍କ ପ୍ରି-ୱେଡ଼ିଂ ଫଟୋ ସୁଟ୍ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେବାରେ ଲାଗିଛି । ତାହା ପୁଣି ଖାକି ବର୍ଦ୍ଦିରେ ଫଟୋସୁଟ୍ କରାଯାଇଥିବା ଦେଖିବାକୁ ମିଳିଛି ।
ଭିଡିଓରେ ଦେଖିବାକୁ ମିଳୁଛି ଯେ, ଦୁଇଜଣ ପୋଲିସ ଅଧିକାରୀ ପୋଲିସ ଗାଡ଼ିରୁ ଓହ୍ଲାଇ ପୋଲିସ ଷ୍ଟେସନକୁ ଏଣ୍ଟ୍ରି କରୁଛନ୍ତି । ଶରୀରରେ ରହିଛି ପୋଲିସ ବର୍ଦ୍ଦି । ଫିଲ୍ମ ଷ୍ଟାଇଲ୍ରେ ଉଭୟ ଗାଡ଼ିରୁ ଓହ୍ଲାଉଥିବା ଭିଡିଓରେ ଦେଖିବାକୁ ମିଳୁଛି । ମ୍ୟୁଜିକ୍ ସାଙ୍ଗକୁ ଉଭୟଙ୍କ ଏଣ୍ଟ୍ରି ଖୁବ୍ ଆକର୍ଷଣୀୟ ମଧ୍ୟ ରହିଛି । ଭିଡିଓରେ ନଜର ଅସୁଥିବା ଏହି ଦୁଇ ପ୍ରେମୀ ଯୁଗଳ ବାସ୍ତବରେ ହାଇଦ୍ରାବାଦର ଦୁଇ ପୋଲିସ ଅଧିକାରୀ । ଏହି ଭିଡ଼ିଓ ଭାଇରାଲ ହେବା ପରେ ଅନେକ ଏହାକୁ ନାପସନ୍ଦ କରିଛନ୍ତି ।
ଏହାକୁ ଜଣେ ପୋଲିସ ଅଧିକାରୀ ନିନ୍ଦା କରିବା ସହ ସେ ଲେଖିଛନ୍ତି, ଏହା କ୍ଷମତାର ଅପବ୍ୟବହାର କରାଯାଇଛି । ଆଇପିଏସ୍ ଅଧିକାରୀ ସିଭି ଆନନ୍ଦ ଏହି ଭିଡିଓକୁ ସୁଟ୍ କରିଥିବା ଦମ୍ପତିଙ୍କ ପାଇଁ ଏକ ପରାମର୍ଶ ଦେଇଛନ୍ତି । ସେ କହିଛନ୍ତି, ଦମ୍ପତିଙ୍କ ଉତ୍ସାହ ଏବଂ ସେମାନଙ୍କ ୟୁନିଫର୍ମ ପ୍ରତି ଭଲପାଇବା ପ୍ରଶଂସନୀୟ । ହେଲେ ଭିଡିଓଟି ପ୍ରିୱେଡ଼ିଂ ପାଇଁ ପ୍ରସ୍ତୁତ ହେବା ଲଜ୍ଜାଜନକ ।
Comments are closed.