ଖୁବ ଶୀଘ୍ର ଗଗନୟାନ ମିଶନର ପରୀକ୍ଷା ଆରମ୍ଭ କରିବ ଇସ୍ରୋ, ଭାରତୀୟ ନୌସେନାର ରହିଛି ଗୁରୁତ୍ୱପୂର୍ଣ୍ଣ ଭୂମିକା

ହାଇଦ୍ରାବାଦ: ଚନ୍ଦ୍ର-ସୁର୍ଯ୍ୟ ପରେ ଏବେ ଗଗନୟାନ ମିଶନର ପରୀକ୍ଷା ଆରମ୍ଭ କରିବ ଇସ୍ରୋ। ଗଗନୟାନ ମିଶନ ପାଇଁ ମାନବବିହୀନ ଫ୍ଲାଇଟ ଟେଷ୍ଟ କରିବ ଇସ୍ରୋ। ଏଥିପାଇଁ ପ୍ରସ୍ତୁତି ଚାଲିଛି। ଫ୍ଲାଇଟ ଟେଷ୍ଟ ଭେହିକଲ ଆବୋର୍ଟ ମିଶନ-୧ ପାଇଁ ଇସ୍ରୋ ଜୋରଦାର ପ୍ରସ୍ତୁତି ଚଳାଇଛି। ତେବେ ଆବୋର୍ଟ ବିମାନ ପରୀକ୍ଷା ଗଗନୟାନ ମିଶନ ପାଇଁ ଭାରତୀୟ ନୌସେନାର ଗୁରୁତ୍ୱପୂର୍ଣ୍ଣ ଭୂମିକା ରହିଛି। ଇସ୍ରୋ କହିଛି ଭାରତୀୟ ନୌସେନାର ଏକ ଜାହାଜ ଏବଂ ଡାଇଭିଂ ଟିମ ବ୍ୟବହାର କରି ବଙ୍ଗୋପସାଗରରେ ଅବତରଣ କରିବା ପରେ କ୍ରୁ ମଡ୍ୟୁଲକୁ ଉଦ୍ଧାର କରାଯିବ।

ଏହି କ୍ରୁ ମଡ୍ୟୁଲ ସହିତ ଏହି ପରୀକ୍ଷଣ ଯାନ ମିଶନ ସାମଗ୍ରିକ ଗଗନୟାନ ପ୍ରକଳ୍ପ ପାଇଁ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ। କାରଣ ଫ୍ଲାଇଟ ପରୀକ୍ଷଣ ପାଇଁ ପ୍ରାୟ ଏକ ସମ୍ପୂର୍ଣ୍ଣ ସିଷ୍ଟମ ଏକୀଭୂତ ହୋଇଛି। ଏହି ପରୀକ୍ଷଣ ବିମାନର ସଫଳତା ଅବଶିଷ୍ଟ ଯୋଗ୍ୟତା ପରୀକ୍ଷଣ ଏବଂ ଭାରତୀୟ ମହାକାଶଚାରୀଙ୍କ ସହିତ ପ୍ରଥମ ଗଗନୟାନ ମିଶନ ସହିତ ଭବିଷ୍ୟତରେ ମାନବ ବିହୀନ ମିଶନ ପାଇଁ ଏକ ପ୍ଲାଟଫର୍ମ ସ୍ଥାପନ କରିବ। ମଣିଷକୁ ମହାକାଶକୁ ପଠାଇବା ଏବଂ ସେମାନଙ୍କୁ ନିରାପଦରେ ଫେରାଇ ଆଣିବା ପାଇଁ ଗଗନୟାନ ପ୍ରକଳ୍ପ ଲକ୍ଷ୍ୟ ରଖିଛି।

ଗଗନୟାନ ମିଶନ ପାଇଁ ମାନବିହୀନ ଫ୍ଲାଇଟ ଟେଷ୍ଟ ଭେହିକଲ ଆର୍ବୋଟ ମିଶନ-୧ ପାଇଁ କ୍ରିଉ ଏସକେପ ସିଷ୍ଟମ ପାରଦର୍ଶିତାର ପ୍ରଦର୍ଶନ କରାଯିବ। ଗଗନୟାନ ଅଭିଯାନରେ ମହାକାଶକୁ ମଣିଷ ପଠାଯିବ। ପୂର୍ବରୁ ୨୦୨୨ରେ ଏହି ମିଶନ ହେବାର ଥିଲା। ଏବେ ୨୦୨୫ରେ ଆରମ୍ଭ ପାଇଁ ଲକ୍ଷ୍ୟ ରଖିଛି ଇସ୍ରୋ। ମହାକାଶକୁ ମଣିଷ ପଠାଯିବା ପୂର୍ବରୁ ଦୁଇଟି ମାନବବିହୀନ ଅଭିଯାନ କରାଯିବ। କ୍ରୁକୁ ପୃଥିବୀର ପ୍ରାୟ ୪୦୦ କିଲୋମିଟରର ଏକ ବୃତ୍ତାକାର କକ୍ଷପଥକୁ ୧ ରୁ ୩ ଦିନିଆ ମିଶନ ପରେ ନିରାପଦରେ ପୃଥିବୀକୁ ଫେରାଇ ଆଣିବ। ଭାରତର ପ୍ରଥମ ମାନବ ବିହରନ ମହାକାଶ ଆବୋର୍ଟ ଉଡ଼ାଣ ପ୍ରକଳ୍ପର ପରୀକ୍ଷା ଚଳିତ ମାସ ଶେଷରେ ହେବାର ସମ୍ଭାବନା ରହିଛି।