ପୁରୀ: ବିଭିନ୍ନ ସ୍ଥାନରୁ ଦାଦାବଟି ଆଦାୟ ଅଭିଯୋଗରେ ପୋଲିସ ତିନି ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି।
ପ୍ରଥମ ମାମଲାରେ ଅଭିଶେକ ପ୍ରଧାନ ପୁରୀ ସହର କୁମ୍ଭାରପଡ଼ା ଥାନା ଅନ୍ତର୍ଗତ ରେଡକ୍ରସ ରୋଡରେ ଜଣେ ଦୋକାନୀଙ୍କୁ ଛୁରି ଦେଖାଇ ଭୟଭୀତ କରିବା ସହ ଦାଦାବଟି ମାଗିଥିବା ଅଭିଯୋଗ ହୋଇଛି। ବ୍ୟବସାୟୀ ଜଣକ ଏହି ଦାବିକୁ ନ ମାନିବାରୁ ଅଭିଶେକ ତାଙ୍କୁ ଜୀବନରୁ ମାରିଦେବାକୁ ଧମକ ଦେଇଥିଲେ। ବ୍ୟବସାୟୀଙ୍କ ଅଭିଯୋଗ ପରେ ପୁଲିସ ଅଭିଶେକଙ୍କୁ ଗିରଫ କରିଛି।
ଦ୍ୱିତୀୟ ମାମଲାରେ ବାସେଳିସାହି ଓ ତାଳବଣିଆ ଥାନା ଅନ୍ତର୍ଗତ ଗଡନ୍ତି ଛକଠାରେ ତିରୁପତି ନାୟକ ଓ ରାଜା ଦାସ ପର୍ଯ୍ୟଟକ ଓ ଦୋକାନୀଙ୍କଠାରୁ ଟଙ୍କା ଆଦାୟ କରୁଥିଲେ। ଦାଦାବଟି ଆଦାୟ ନେଇ ଅଭିଯୋଗ ପାଇବା ପରେ ପୁଲିସ ତିରୁପତି ନାୟକ ଓ ରାଜା ଦାଶଙ୍କୁ ଠାବ କରି ଗିରଫ କରିଛି। ଗିରଫ ତିନି ଜଣଙ୍କୁ ମଙ୍ଗଳବାର କୋର୍ଟ ଚାଲାଣ କରାଯାଇଛି।
Comments are closed.