ପୁରୀ: ପୁରୀ ସଦରଥାନା ଅଧୀନ ନୂଆଗାଁ ନିକଟ ନୂଆନଇ ପଠାରୁ ଅଚିହ୍ନା ମହିଳାଙ୍କ ମୃତଦେହ ଉଦ୍ଧାର ଘଟଣା । ଘଟଣାରେ ପ୍ରତିକ୍ରିୟା ରଖିଛନ୍ତି ସଦର ଏସଡିପିଓ ରବିନାରାୟଣ ଭଞ୍ଜ । କୌଣସି ବନ୍ୟଜନ୍ତୁ ଆକ୍ରମଣ ଯୋଗୁଁ ମହିଳାଙ୍କ ମୃତ୍ୟ ହୋଇଥିବା ପୋଲିସ ସନ୍ଦେହ କରୁଥିବା ବେଳେ, ବନ୍ୟଜନ୍ତୁଙ୍କ କାମୁଡା ଦାଗ ମୃତ ଶରୀରରେ ରହିଥିବା ଏସଡିପିଓ କହିଛନ୍ତି ।
ତେବେ ମୃତ ମହିଳାଙ୍କ ପରିଚୟ ଏଯାବତ ମିଳିନଥିବା ବେଳେ, ଦୁର୍ବୁତ୍ତ ମାନଙ୍କ ଦ୍ବାରା ଦୁଷ୍କର୍ମ କରି ହତ୍ୟା କରାଯାଇଥିବା ଦିଗ ଉପରେ ମଧ୍ୟ ପୋଲିସ ଛାନଭିନ୍ କରୁଥିବା କହିଛନ୍ତି ଏସଡିପିଓ । ଉକ୍ତ ମିହିଳାଙ୍କର ବାମ ହାତଟି ନଥିବା ବେଳେ, ତାଙ୍କ ଗୋଇଠି ଏବଂ ଶରୀରର ଅନେକ ସ୍ଥାନରେ ବନ୍ୟ ଜୀବଜନ୍ତୁଙ୍କର କାମୁଡା ଦାଗ ରଖିଛି । ମହିଳାଙ୍କର ବୟସ ପ୍ରାୟ ୪୦ ରୁ ୪୫ ଭିତରେ ହେବ ବୋଲି ଅନୁମାନ କରାଯାଉଥିବା କହିଛନ୍ତି ଏସଡିପିଓ ।
ସେପଟେ ମୃତ ମହିଳାଙ୍କ ପରିଚୟ ଜାଣିବାକୁ ରାଜ୍ୟର ସମସ୍ତ ଥାନାକୁ ଏ ସଂକ୍ରାନ୍ତରେ ଜଣାଇ ଦିଆଯାଇଛି । ବୋଲି କହିଛନ୍ତି ସଦର ଏସଡିପିଓ ରବିନାରାୟଣ ଭଞ୍ଜ ।
Comments are closed.