ମୁମ୍ବାଇ: ସଚିନ ତେନ୍ଦୁଲକରଙ୍କ ଝିଅ ସାରା ତେନ୍ଦୁଲକର ଓ ଶୁଭମନ ଗିଲଙ୍କ ସମ୍ପର୍କକୁ ନେଇ ବିଭିନ୍ନ ଖବର ପ୍ରକାଶ ପାଉଛି । ନ୍ୟୁଜିଲାଣ୍ଡ ବିପକ୍ଷ ସେମିଫାଇନାଲ ମ୍ୟାଚ ପୂର୍ବରୁ ସାରାଙ୍କୁ ନିର୍ଦ୍ଦେଶକ ବିଧୂ ବିନୋଦ ଚୋପ୍ରାଙ୍କ ଘରେ ଦେଖିବାକୁ ମିଳିଥିଲା । ରିପୋର୍ଟ ଅନୁସାରେ ସାରା ସେଠାକୁ ଶୁଭମନ ଗିଲଙ୍କୁ ଭେଟିବାକୁ ଆସିଥିଲେ । ଅବଶ୍ୟ ଏହା ସ୍ପଷ୍ଟ ହୋଇ ପାରିନି ଯେ, ବିଧୂଙ୍କ ଘରେ ଗିଲ ଥିଲେ କି ନାହିଁ । ଗିଲ ନିକଟରେ ରିଲିଜ ହୋଇଥିବା ବିଧୂଙ୍କ ଫିଲ୍ମକୁ ଭୂୟସୀ ପ୍ରଶଂସା କରିଥିଲେ । ବିଧୂ ସେଥିପାଇଁ ସାରା ଏବଂ ଗିଲଙ୍କୁ ତାଙ୍କ ଘରକୁ ନିମନ୍ତ୍ରଣ କରିଥିବା ଉକ୍ତ ରିପୋର୍ଟରେ ଉଲ୍ଲେଖ କରାଯାଇଛି । ଅପରପକ୍ଷରେ ସାରା ଖୁବ ଶୀଘ୍ର ଫିଲ୍ମରେ ଏଂଟ୍ରି ନେବାକୁ ଯାଉଛନ୍ତି । ସେଥିପାଇଁ ବିଧୂଙ୍କ ଘରକୁ ଯାଇଥିବା ଅନୁମାନ କରାଯାଉଛି ।
ସାରା ଲଣ୍ଡନ ୟୁନିଭର୍ସଟିରେ ମେଡିସିନ ଉପରେ କୋର୍ସ କରିଛନ୍ତି । କିଛି ଦିନ ତଳେ ଶାହୀଦ କାପୁରଙ୍କ ସେ ଫିଲ୍ମ କରିବାକୁ ଯାଉଛନ୍ତି ବୋଲି ଖବର ପ୍ରକାଶ ପାଇଥିଲା ମାତ୍ର ସଚିନ ଏହାକୁ ଖଣ୍ଡନ କରିଥିଲେ । ଜିଓ ୱାର୍ଲ୍ଡ ପ୍ଲାଜା ଓପନିଂରେ ମଧ୍ୟ ସାରା ଏବଂ ଗିଲଙ୍କୁ ଏକତ୍ର ଦେଖିବାକୁ ମିଳିଥିଲା । ଚଳିତ ବିଶ୍ୱକପରେ ଭାରତ-ଶ୍ରୀଲଙ୍କା ମ୍ୟାଚ ଅବସରରେ ସାରା ଷ୍ଟାଡିୟମରେ ଉପସ୍ଥିତ ରହି ଖେଳ ଉପଭୋଗ କରୁଥିବା ଦେଖିବାକୁ ମିଳିଥିଲା ।
Comments are closed.