କଟକ: ତିର୍ତ୍ତୋଲର ବିଜେଡି ବିଧାୟକ ବିଜୟ ଶଙ୍କର ଦାସଙ୍କ ପାଇଁ ଅଡୁଆ ପରିସ୍ଥିତି ସୃଷ୍ଟି ହୋଇଛି। ପ୍ରତ୍ୟୁଷା ନନ୍ଦଙ୍କ ସହ ବିବାହ ପଞ୍ଜିକରଣ ପାଇଁ ତାଙ୍କ ଆବେଦନକୁ କଟକ ଜିଲ୍ଲା ସବ୍ ରେଜିଷ୍ଟ୍ରାର (ଡିଏସ୍ଆର) କାର୍ଯ୍ୟାଳୟ ପକ୍ଷରୁ ଖାରଜ କରି ଦିଆଯାଇଛି।
ଡିଏସ୍ଆର୍ ଏହି ଆବେଦନରେ ତ୍ରୁଟି ଦେଖିଥିବା କୁହାଯାଇଛି। ଯେଉଁଥିରେ ପ୍ରତ୍ୟୁଷାଙ୍କୁ ଅବିବାହିତ ବୋଲି ଉଲ୍ଲେଖ କରାଯାଇଥିବା ବେଳେ ସେ ପ୍ରକୃତରେ ଜଣେ ଛାଡ଼ପତ୍ର ପ୍ରାପ୍ତ ମହିଳା। ତେବେ ଏ ସମ୍ପର୍କରେ ବିଧାୟକ ବିଜୟ ଶଙ୍କର ଦାସଙ୍କ ପ୍ରତିକ୍ରିୟା ମିଳିପାରିନାହିଁ।
ଗତ ମାସରେ ବିଜୟ ଶଙ୍କର ଦାସଙ୍କ ପୂର୍ବତନ ପ୍ରେମିକା ସୋମାଲିକା ଦାଶ ତାଙ୍କ ବିବାହ ଆବେଦନ ଉପରେ ଏକ ଆପତ୍ତି ଦାଖଲ କରି କହିଥିଲେ ଯେ ସେ ବିଶ୍ୱାସଘାତକ ଏବଂ ଯୌନ ଉତ୍ପୀଡ଼ନର ଶିକାର ହୋଇଛନ୍ତି। ସେ ମଧ୍ୟ ତାଙ୍କ ଅଭିଯୋଗ ସପକ୍ଷରେ ପ୍ରମାଣ ଦାଖଲ କରିଥିଲେ।
ପୂର୍ବରୁ ସୋମାଲିକା ବିଧାୟକଙ୍କ ବିରୋଧରେ ଦୁଷ୍କର୍ମ ଓ ଅନ୍ୟାନ୍ୟ ଅଭିଯୋଗ ଆଣି ଦୁଇଟି ମାମଲା ରୁଜୁ କରିଥିଲେ। ତେବେ ଉଭୟ ମାମଲାରେ ବିଜୟ ଶଙ୍କର ଦାସଙ୍କୁ ପୁଲିସ ସମନ କରିନାହିଁ।
ସୋମାଲିକା କହିଛନ୍ତି ଯେ, ସେ ଯେଉଁ ନିର୍ଯାତନା ସହିଛନ୍ତି ସେଥିପାଇଁ ସେ ନ୍ୟାୟ ମାଗୁଛନ୍ତି। ବିଧାୟକ ନିଜ କାର୍ଯ୍ୟ ପାଇଁ ଉତ୍ତରଦାୟୀ ନଥିବାରୁ ସେ ନିରାଶ ହୋଇଛନ୍ତି।
Comments are closed.