ଜୋହାନ୍ସବର୍ଗ: ଏଠାରେ ଅନୁଷ୍ଠିତ ପ୍ରଥମ ଦିନିକିଆ କ୍ରିକେଟ ମ୍ୟାଚରେ ଭାରତ ୮ ୱିକେଟରେ ଶୋଚନୀୟ ଭାବେ ଦକ୍ଷିଣ ଆଫ୍ରିକାକୁ ପରାସ୍ତ କରିଛି । ପ୍ରଥମେ ବ୍ୟାଟିଂ କରି ଦକ୍ଷିଣ ଆଫ୍ରିକା ଭାରତୀୟ ବୋଲରଙ୍କ ଉଚିତ ମୁକାବିଲା କରି ନ ପାରି ୨୭.୩ ଓଭରରେ ୧୧୬ ରନ କରି ଅଲଆଉଟ ହୋଇ ଯାଇଥିଲା । ଟୋନୀ ଡେ ଜୋରାଜି ୨୮ ଓ ଆଣ୍ଡିଲେ ଫେଲୁୱାକାୟା ୩୩ ରନ କରିଥିଲେ । ଅର୍ଶଦୀପ ସିଂ ଘାତକ ବୋଲିଂ କରି ୫ଟି ୱିକେଟ ହାସଲ କରିଥିଲେ । ଆଭେଶ ଖାଁ ୪ଟି ଏବଂ କୁଲଦୀପ ଯାଦବ ଗୋଟିଏ ୱିକେଟ ନେଇଥିଲେ । ଜବାବରେ ୧୧୭ ରନର ଲକ୍ଷ୍ୟକୁ ଟିମ ଇଣ୍ଡିଆ ୨ ୱିକେଟ ହରାଇ ମାତ୍ର ୧୬.୪ ଓଭରରେ ବିଜୟ ଲକ୍ଷ୍ୟ ହାସଲ କରି ନେଇଥିଲା । ସାଇ ସୁଦର୍ଶନ ୫୫ ଓ ଶେୟାଶ ଆୟାର ୫୨ ରନ ସଂଗ୍ରହ କରିଥିଲେ ।
ସୁଦର୍ଶନଙ୍କ ଏହା ପଦାର୍ପଣ ଆନ୍ତର୍ଜାତୀୟ ଦିନିକିଆ ଥିଲା । ଦକ୍ଷିଣ ଆଫ୍ରିକା ତରଫରୁ ୱିଆନ ମୁଲଦର ଓ ଆଣ୍ଡିଲେ ଗୋଟିଏ ଲେଖାଁଏ ୱିକେଟ ନେଇଥିଲେ । ଦିନିକିଆ ସିରିଜରେ ଓଭରାଲ ୩ଟି ମ୍ୟାଚ ଖେଳାଯିବ । ବିଜୟ ସହ ଭାରତ ଏଥିରେ ୧-୦ର ଗୁରୁତ୍ୱପୂର୍ଣ୍ଣ ଅଗ୍ରଣୀ ହାସଲ କରିନେଇଛି ।
Comments are closed.