ଲକ୍ଷ୍ନୌ: ଉତ୍ତର ପ୍ରଦେଶର ସମ୍ଭଲରେ ଗୋଟିଏ ପରିବାରର ୩ଭାଇଙ୍କ ଆତ୍ମହତ୍ୟା ଉଦ୍ୟମ । ଅଲଗା ଅଲଗା ସ୍ଥାନରୁ ୨ଜଣଙ୍କ ମୃତଦେହ ଉଦ୍ଧାର ହୋଇଥିବା ବେଳେ ଅନ୍ୟ ଜଣଙ୍କ ଅବସ୍ଥା ସଂକଟାପନ୍ନ ରହିଛି । ଧନାରୀ ଥାନା ଔରଙ୍ଗାବାଦ ଗାଁର ଏହି ଘଟଣା ସମସ୍ତଙ୍କୁ ସ୍ତବ୍ଧ କରିଦେଇଛି ।
ଔରଙ୍ଗାବାଦ ଗାଁର ୧୯ବର୍ଷୀୟ ପାନ ସିଂହ ନିକଟସ୍ଥ ଜଙ୍ଗଲ ଯାଇ ସେଠାରେ ଆତ୍ମହତ୍ୟା କରିଥିଲେ । ପରିବାର ଲୋକ ଏହି ଖବର ପାଇବା ପରେ ଜଙ୍ଗଲରେ ପହଞ୍ଚି ମୃତଦେହ ଉଦ୍ଧାର କରିଥିଲେ । ଏହି ଖବର ପାଇବା ପରେ ପାନ ସିଂହଙ୍କ ମଝିଆ ଭାଇ ବ୍ରିଜେଶ ଘର ଭିତରେ ରଶି ଲଗାଇ ଆତ୍ମହତ୍ୟା ଉଦ୍ୟମ କରିଥିଲେ । ଏତିକିବେଳେ ପରିବାର ଲୋକ ପହଞ୍ଚି ତାଙ୍କୁ ଉଦ୍ଧାର କରିବା ସହ ଡାକ୍ତରଖାନାରେ ଭର୍ତ୍ତି କରିଥିଲେ । ଦୁଇ ଭାଇ ଆତ୍ମହତ୍ୟା ଉଦ୍ୟମ ପରେ ଜଣଙ୍କର ମୃତ୍ୟୁ ଖବର ପାଇଥିଲେ ପଞ୍ଜାବରେ ଥିବା ସବୁଠାରୁ ବଡ ଭାଇ ମୁନେଶ । ଏହି ଖବର ପାଇ ସେ ପଞ୍ଜାବରୁ ଟ୍ରେନ ଯୋଗେ ଗାଁକୁ ଫେରୁଥିଲେ । ମାତ୍ର ଧନାରୀ ରେଲୱେ ଷ୍ଟେସନ ନିକଟରେ ଥିବା ଏକ ଖୁଣ୍ଟରେ ସେ ମଧ୍ୟ ଫାଶୀ ଲଗାଇ ଝୁଲି ପଡିଥିଲେ । ଖବର ପାଇ ସଂପର୍କୀୟ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହ ପୋଲିସକୁ ନଜଣାଇ ଅନ୍ତିମ ସଂସ୍କାର କରିଥିବା ଜଣାପଡିଛି । ମୁନେଶ ଆତ୍ମହତ୍ୟା ପୂର୍ବରୁ ନିଜ ହାତରେ ଏକ ସୁଇସାଇଡ ନୋଟ ଲେଖିଥିଲେ । ସେ ଲେଖିଥିଲେ, ‘ଆମ ଦୁଇ ଭାଇଙ୍କ ଆତ୍ମାକୁ ଶାନ୍ତି ମିଳୁ, ଆମ ପରିବାରର ସମ୍ମାନ ରହୁ’ ।
Comments are closed.