ଅହମଦାବାଦ: ଭାରତ ୨୮ ଟି ରାଜ୍ୟ ଏବଂ ୮ ଟି କେନ୍ଦ୍ରଶାସିତ ଅଞ୍ଚଳରେ ବିଭକ୍ତ । ପ୍ରତ୍ୟେକ ରାଜ୍ୟରେ ବିଭିନ୍ନ ଜିଲ୍ଲା ଅଛି, କିନ୍ତୁ ଆପଣ ଜାଣନ୍ତି କି ଭାରତର ସବୁଠାରୁ ବଡ ଜିଲ୍ଲା କେଉଁଟା । ସର୍ବ ବୃହତ ହେବା ସହ ଏହି ଜିଲ୍ଲା ଏହାର ସୌନ୍ଦର୍ଯ୍ୟ ପାଇଁ ମଧ୍ୟ ବିଖ୍ୟାତ । ଏଥିସହ ଏହି ଜିଲ୍ଲାର କ୍ଷେତ୍ର ଏତେ ଅଧିକ ଯେ ଭାରତର ଅନେକ ଛୋଟ ଛୋଟ ରାଜ୍ୟ ମଧ୍ୟ ଏଥିରେ ଅନ୍ତର୍ଭୁକ୍ତ ହୋଇପାରିବେ। ତେବେ ଆସନ୍ତୁ ଜାଣିବା ସେହି ଜିଲ୍ଲା ବିଷୟରେ…
ଭାରତର ସବୁଠାରୁ ବଡ ଜିଲ୍ଲା ହେଉଛି ଗୁଜୁରାଟର ‘କଚ୍ଛ’ । ‘କଚ୍ଛ’ ଜିଲ୍ଲା ୪୫,୬୭୪ ବର୍ଗ କିଲୋମିଟର ଉପରେ ବ୍ୟାପିଛି । ଯାହାକି ରାଜ୍ୟର ୨୩.୨୭ ପ୍ରତିଶତ ଅଞ୍ଚଳକୁ କଭର କରିଛି । କଚ୍ଛର ୫୧ ପ୍ରତିଶତ ଲୁଣା ମରୁଭୂମିରେ ପରିପୂର୍ଣ୍ଣ । ଯାହା ଏଠାକୁ ଆସୁଥିବା ବହୁ ପର୍ଯ୍ୟଟକଙ୍କୁ ଆକର୍ଷିତ କରିଥାଏ । ଏହା ବ୍ୟତୀତ ଏହି ଜିଲ୍ଲାର ୩୪.୭୩ ପ୍ରତିଶତ ଅଞ୍ଚଳରେ ଚାଷ କାର୍ଯ୍ୟ କରାଯାଇଥାଏ । ଏହି ଜିଲ୍ଲାର ମୁଖ୍ୟ ଆକର୍ଷଣ ହେଉଛି ଏଠାକାର ମରୁଭୂମି ଅଞ୍ଚଳ । ଏହା ବ୍ୟତୀତ ଏଠାକାର ମାଣ୍ଡଭି ବେଳାଭୂମି ମଧ୍ୟ ପର୍ଯ୍ୟଟକଙ୍କୁ ବହୁ ପରିମାଣରେ ଆକର୍ଷିତ କରିଥାଏ । କଚ୍ଛର ମହାରାଜାଙ୍କ ପ୍ରାଗ ମହଲ, ବାଗ ପ୍ୟାଲେସ୍ ଏବଂ ଆଇନା ମହଲ ମଧ୍ୟ ଏଠାକାର ପ୍ରମୁଖ ଆକର୍ଷଣ ।
ଏପରି ଏକ ସମୟ ଥିଲା ଯେତେବେଳେ କଚ୍ଛ ଜିଲ୍ଲା ନିଜେ ଏକ ରାଜ୍ୟଥିଲା । ବାସ୍ତବରେ ଏହି ଘଟଣା ୧୯୫୦ ମସିହାରେ ଘଟିଥିଲା । ୧୯୫୬ ମସିହାରେ, ଏହା ମୁମ୍ବାଇ ରାଜ୍ୟରେ ଅନ୍ତର୍ଭୁକ୍ତ ହୋଇ ଏକ ଜିଲ୍ଲା ହେଲା । ପରେ ମୁମ୍ବାଇ ଏବଂ ଗୁଜୁରାଟ ଭାଷା ଆଧାରରେ ବିଭକ୍ତ ହେଲା । ଏହିପରି ଭାବରେ କଚ୍ଛ ଗୁଜୁରାଟରେ ମିଶି ଦେଶର ବୃହତ୍ତମ ରାଜ୍ୟ ହେଲା । ୨୬ ଜାନୁଆରୀ ୨୦୦୧ରେ କଚ୍ଛରେ ଘଟିଥିବା ଏକ ଭୂକମ୍ପ ଇତିହାସର ସବୁଠାରୁ ଶକ୍ତିଶାଳୀ ଭୂକମ୍ପ ଥିଲା । ଏହାର କେନ୍ଦ୍ର କଚ୍ଛର ଅଞ୍ଜାରରେ ଥିଲା । ଏହି ଭୂକମ୍ପ ସମଗ୍ର କଚ୍ଛକୁ ଥରାଇ ଦେଇଥିଲା ।
Comments are closed.