ବଢୁଥିବା ତାପମାତ୍ରାକୁ ଦୃଷ୍ଟିରେ ରଖି କେନ୍ଦ୍ରର ମାର୍ଗଦର୍ଶିକା ଜାରି, ହସ୍ପିଟାଲ ଅଗ୍ନିକାଣ୍ଡ ରୋକିବା ପାଇଁ ପଦକ୍ଷେପ

ନୂଆଦିଲ୍ଲୀ: ଗ୍ରୀଷ୍ମ ଋତୁରେ ତାପମାତ୍ରା ବୃଦ୍ଧି ପାଉଥିବାରୁ ହସ୍ପିଟାଲରେ ନିଆଁ ଲାଗିବା ଏକ ବଡ଼ ଧରଣର ଦୁର୍ଘଟଣା ପାଲଟିଥାଏ। ଏହାକୁ ରୋକିବା ପାଇଁ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଏବଂ ଜାତୀୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ ସମସ୍ତ ରାଜ୍ୟ/କେନ୍ଦ୍ରଶାସିତ ଅଞ୍ଚଳକୁ ଏକ ମିଳିତ ମାର୍ଗଦର୍ଶିକା ଜାରି କରିଛନ୍ତି । ଏଭଳି ବିନାଶକାରୀ ଘଟଣାକୁ ରୋକିବାରେ ସକ୍ରିୟ ପଦକ୍ଷେପ ନେବାକୁ ମାର୍ଗଦର୍ଶିକାରେ ଗୁରୁତ୍ୱାରୋପ କରାଯାଇଛି । ରାଜ୍ୟ ସ୍ୱାସ୍ଥ୍ୟ ବିଭାଗ ଏବଂ ରାଜ୍ୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷଙ୍କୁ ସେମାନଙ୍କ ଅଧୀନରେ ଥିବା ସମସ୍ତ ସ୍ୱୀକୃତିପ୍ରାପ୍ତ ଡାକ୍ତରଖାନାଗୁଡିକ ଯେପରି ସେହି ଦିଗ ଉପରେ ତୁରନ୍ତ ପଦକ୍ଷେପ ଗ୍ରହଣ କରିବେ ତାହା ସୁନିଶ୍ଚିତକରିବା ପାଇଁ ଘନିଷ୍ଠ ସହଯୋଗରେ କାର୍ଯ୍ୟ କରିବାକୁ ନିର୍ଦ୍ଦେଶ ଦିଆଯାଇଛି ।

ସମ୍ପୂର୍ଣ୍ଣ ଯାଞ୍ଚ, ବିଦ୍ୟୁତ ଲୋଡ୍ ଅଡିଟ୍, ଅଗ୍ନି ଏନଓସି ଅନୁପାଳନ ଉପରେ ନଜର ରଖିବାକୁ ନିର୍ଦ୍ଦେଶ ଦିଆଯାଇଛି । ଅଗ୍ନି ନିରାପତ୍ତା ସୁନିଶ୍ଚିତ କରିବା ପାଇଁ ଡାକ୍ତରଖାନାଗୁଡିକ ଦ୍ୱାରା ନିଆଯିବାକୁ ଥିବା ପଦକ୍ଷେପ ଏବଂ ସେଗୁଡ଼ିକର ରୂପରେଖ ପ୍ରଦାନ କରି ସମସ୍ତ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳର ମୁଖ୍ୟ ସଚିବମାନଙ୍କୁ ଏକ ବିସ୍ତୃତ ନିର୍ଦ୍ଦେଶନାମା ପ୍ରଦାନ କରାଯାଇଛି, ଯେଉଁଥିରେ ସମସ୍ତ ସ୍ୱୀକୃତିପ୍ରାପ୍ତ ଡାକ୍ତରଖାନା ମଧ୍ୟରେ ସୂଚନା ପ୍ରସାରଣ କରିବାକୁ ସୁପାରିସ କରାଯାଇଛି ।

ଡାକ୍ତରଖାନା ଏବଂ ଅନ୍ୟ ସ୍ୱାସ୍ଥ୍ୟ କେନ୍ଦ୍ରରେ ଅଗ୍ନିକାଣ୍ଡ ଘଟଣାକୁ ରୋକିବା ପାଇଁ କାର୍ଯ୍ୟକ୍ଷମ ଅଗ୍ନିନିର୍ବାପକ ବ୍ୟବସ୍ଥା, ନିୟମିତ ରକ୍ଷଣାବେକ୍ଷଣ ଏବଂ ପରୀକ୍ଷଣ, ନିୟମିତ ଇଲେକ୍ଟ୍ରିକାଲ୍ ଲୋଡ୍ ଅଡିଟ୍, ଅକ୍ସିଜେନ୍ ନିରାପତ୍ତା, ସ୍ମୋକ୍ ଡିଟେକ୍ଟର ଏବଂ ଫାୟାର ଆଲାର୍ମ ସ୍ଥାପନ, ଦହନଶୀଳ ସାମଗ୍ରୀ ନିୟନ୍ତ୍ରଣ, ବିଦ୍ୟୁତ ନଳୀ ପାଇଁ ଅଣ ଦହନଶୀଳ ସାମଗ୍ରୀ, ଓଭରଲୋଡିଂ ବିଦ୍ୟୁତ ଉତ୍ସରୁ ଦୂରେଇ ରୁହନ୍ତୁ, ୱାଟର ସ୍ପ୍ରିଙ୍କଲର ଏବଂ ହୋସ୍‌ ପାଇପ୍ ସ୍ଥାପନ, ଜାତୀୟ ବିଲ୍ଡିଂ କୋଡ୍ର କଡ଼ାକଡ଼ି ଅନୁପାଳନ, ଅଗ୍ନି ନିରାପତ୍ତା ଏନ୍ଓସି ପାଇବା, କର୍ମଚାରୀ ପ୍ରଶିକ୍ଷଣ ଏବଂ ଅଭ୍ୟାସ, ଉଚ୍ଛେଦ ଯୋଜନା ପରି ଗୁରୁତ୍ୱପୂର୍ଣ୍ଣ ସୁରକ୍ଷା ବ୍ୟବସ୍ଥାଗୁଡ଼ିକର କାର୍ଯ୍ୟକାରିତା ସୁନିଶ୍ଚିତ କରିବା ପାଇଁ ପରବର୍ତ୍ତୀ ପଦକ୍ଷେପର ସମୀକ୍ଷା କରିବାକୁ ରାଜ୍ୟ/କେନ୍ଦ୍ରଶାସିତ ଅଞ୍ଚଳଗୁଡ଼ିକୁ ଅନୁରୋଧ କରାଯାଇଛି।