ଭୋଟ୍ ପାଇଁ ଟଙ୍କା ବାଣ୍ଟିବାରେ ନିୟୋଜିତ ମିଶନ ଶକ୍ତିର ମହିଳା, ଅଭିଯୋଗ ଆଣିଲା ବିଜେପି

ଭୁବନେଶ୍ୱର: ଭୋଟ୍ ପାଇଁ ଶାସକ ଦଳର ନେତାଙ୍କ ସପକ୍ଷରେ ଟଙ୍କା ବାଣ୍ଟୁଛନ୍ତି ମିଶନ ଶକ୍ତିର ମହିଳା ସଦସ୍ୟ। ବିରୋଧୀ ବିଜେପି ଏପରି ଅଭିଯୋଗ ଆଣିଛି। ଏ ନେଇ ନିମପଡ଼ା ବିଧାନସଭା ଆସନର ବିଜେପି ବିଧାୟକ ପ୍ରାର୍ଥୀ ପ୍ରଭାତୀ ପରିଡ଼ା ବିଡିଓଙ୍କ ନିକଟରେ ଲିଖିତ ଅଭିଯୋଗ କରିବା ସହ ତଦନ୍ତ କରି ତିନି ଜଣଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି।

ଚତୁର୍ଥ ପର୍ଯ୍ୟାୟ ନିର୍ବାଚନରେ ଭୋଟରଙ୍କୁ ପ୍ରଭାବିତ କରିବା ପାଇଁ ପୁରୀ ଜିଲ୍ଲା ଗୋପ ବ୍ଲକ ଅନ୍ତର୍ଗତ ନୂଆ ଖୋଲାମରା ପଞ୍ଚାୟତରେ ଏସ୍ଏଚଜି ମହିଳାଙ୍କୁ ଟଙ୍କା ଓ ଶାଢ଼ି ବଣ୍ଟାଯାଉଥିବା ଅଭିଯୋଗ ହୋଇଛି। ଓଡ଼ିଶା ମିଶନ ଶକ୍ତି ବିଭାଗ ଅଧୀନରେ କାର୍ଯ୍ୟରତ କମ୍ୟୁନିଟି ରିସୋର୍ସ ପର୍ସନ (ସିଆରପି) ମାଷ୍ଟର ବୁକ୍କିପର (ଏମ୍ ବିକେ) ଓ ଜିପିଏଲ୍ଏଫ୍ ସଭାପତି ଏହି କାମରେ ନିୟୋଜିତ ଥିବା ବେଳେ ସେମାନଙ୍କୁ ମହିଳା ବିଜେପି କର୍ମୀମାନେ ଧରିଥିବା ସୂଚନା ମିଳିଛି। ଏମାନେ ହେଲେ ଏମବିକେ ଜୟନ୍ତୀ ସାହୁ, ସିଆରପି କାବେରୀ ମହାରଣା ଓ ଜିପିଏଲଏଫ ସଭାପତି ସବିତା ଖଣ୍ଡୁଆଳ। ପୋଲିସ ଏ ବାବଦରେ ଖବର ପାଇବା ପରେ ଘଟଣାସ୍ଥଳରେ ପହଁଚିଥିଲା ଏବଂ ଟଙ୍କା ଭର୍ତ୍ତି ବ୍ୟାଗ ଜବତ କରିଥିବା ଜଣାପଡ଼ିଛି।

ଆଜି ସକାଳେ ଜିଓପି ବ୍ଲକ ଅନ୍ତର୍ଗତ ନୂଆ ଖୋଲମରା ପଞ୍ଚାୟତରେ ଏମବିକେ ଜୟନ୍ତୀ ସାହୁ, ସିଆରପି କାବେରୀ ମହାରଣା, ଜିପିଏଲଏଫ ସଭାପତି ସବିତା ଖଣ୍ଡୁଲ ଓ ସମ୍ପାଦକ ସ୍ୱପ୍ନା ପାଣି ଟଙ୍କା ବଣ୍ଟନର ଭିଡିଓ ପାଇଥିଲି। ତାଙ୍କ ପାଖରେ ୫୦୦ ଟଙ୍କିଆ ନୋଟର ୫ଟି ବଣ୍ଡଲ ଓ କିଛି ଶାଢ଼ି ଥିଲା। ଭୋଟରଙ୍କୁ ପ୍ରଭାବିତ କରିବା ପାଇଁ ସେମାନେ ଟଙ୍କା ଓ ଶାଢ଼ି ବାଣ୍ଟୁଥିଲେ। ପ୍ରମାଣ ସ୍ୱରୂପ ଆମ ପାଖରେ ଭିଡିଓ ଏବଂ ଫଟୋ ରହିଛି ଘଟଣା ସମ୍ପର୍କରେ ଜିଓପି ବିଡିଓଙ୍କୁ ଅବଗତ କରାଯାଇଛି ବୋଲି ପ୍ରଭାତୀ ପରିଡା କହିଛନ୍ତି।

#ନିମାପଡ଼ାରେ_ବିଜେଡି_ମିଶନ_ଶକ୍ତିକୁ_ଟଙ୍କା_ବାଣ୍ଟିବାରେ_ଲଗାଇଛି
ନିମାପଡ଼ା-ଗୋପ ନିର୍ବାଚନ ମଣ୍ଡଳୀ ଅନ୍ତର୍ଗତ ନୂଆଖୋଲମରା ପଞ୍ଚାୟତରେ ବିଜୁ ଜନତା ଦଳ ମିଶନ ଶକ୍ତିର #MVK ଓ #CRP ଙ୍କ ମାଧ୍ୟମରେ ୨.୫୦ ଲକ୍ଷ ଟଙ୍କା ବାଣ୍ଟିଥିବା ସମୟରେ ପୋଲିସ୍ ଜବତ କରିଛି। pic.twitter.com/RhYgwD02Su

— Prabhati Parida(Modi ka Parivar) (@Pravatipridabjp) May 27, 2024