ଉମରିଆ: କୁହାଯାଏ ଯଦି ଜଣେ ନାରୀ କିଛି କରିବା ପାଇଁ ମନସ୍ଥ କରିନିଏ ତାହେଲେ ସେ ତାହା କଳେ ବଳେ କୌଶଳେ କରିକି ହିଁ ଦେଖାଇଥାଏ। ସେ ଗୃହ ହେଉ କି କର୍ମକ୍ଷେତ୍ର ସବୁଠି କିପରି ସନ୍ତୁଳନ ରଖାଯିବ ତାହାର କୌଶଳ ନାରୀଟିକୁ ବେଶ୍ ଜଣା। ସବୁ ବାଧାବିଘ୍ନ ସହ ଲଢ଼ି ସେ ତାର କର୍ତ୍ତବ୍ୟକୁ ସୁଚାରୁରୂପେ ଚଳାଇଥାଏ।ସେହିପରି ନିଜ କର୍ତ୍ତବ୍ୟ ଆଗରେ ନିଜର ଗର୍ଭାବସ୍ଥା ଯନ୍ତ୍ରଣାକୁ ତୁଚ୍ଛ କରିଦେଇଛନ୍ତି ଜଣେ ମହିଳା ଏସପି। ୮ ମାସର ଗର୍ଭବତୀ ଥାଇ ମଧ୍ୟ ନିର୍ବାଚନ ରେ କିପରି କିଛି ଅସୁବିଧା ନହେଉ ସେଥିପାଇଁ ଡ୍ୟୁଟି ମୋଡ୍ ରେ ଉମାରିଆ ଏସପି ନିବେଦିତା ନାଇଡୁ।
ଦେଶ ତଥା ରାଜ୍ୟରେ ଚାଲିଛି ଅନ୍ତିମ ପର୍ଯ୍ୟାୟ ଭୋଟ ଗ୍ରହଣ। ଏଥିରେ ଯେଭଳି କିଛି ଅସୁବିଧା ନହେଉ, ଯେଭଳି କିଛି ହିଂସାକାଣ୍ଡ ନଘଟୁ, ଭୋଟର ବିନା ବାଧାରେ ନିଜର ମତଦାନ କରିପାରିବେ ସେ ପ୍ରତି ପୁରା ତତ୍ପର ନିବେଦିତା। ସେଥିପାଇଁ ସେ ସେ ପେଟରେ ତାଙ୍କର ୮ ମାସର ଛୁଆକୁ ଧରି ନିଜର ଡ୍ୟୁଟି ପୂରଣ କରୁଛନ୍ତି। ନିଜ ଏରିଆର ଗଳିକନ୍ଦି ସବୁ ବୁଲୁଛନ୍ତି। କିଛି ବି ଅଶାନ୍ତିକର ପରିସ୍ଥିତି ଉପୁଜିଲେ ସେ ସଙ୍ଗେ ସଙ୍ଗେ ଯାଇଁ ଘଟଣାସ୍ଥଳରେ ପହଂଚି ଯାଉଛନ୍ତି। ୧୦ ଘଣ୍ଟା ନିଜର ଡ୍ୟୁଟି କରୁଛନ୍ତି। ଏହା ସହିତ ନାଇଟ ପାଟ୍ରୋଲିଂ ବି କରୁଛନ୍ତି । ଅପରାଧୀଙ୍କ ଉପରେ ବି କଡ ନଜର ରଖିଛନ୍ତି ନିବେଦିତା। କାମ ଆଗରେ ସେ ତାଙ୍କର ଗର୍ଭାବସ୍ଥାର ଯନ୍ତ୍ରଣାକୁ ତୁଚ୍ଛ କରିଦେଇଛନ୍ତି।
ଆମେ କହୁଛୁ ମଧ୍ୟପ୍ରଦେଶ ଉମରିଆର ଏସପି ନିବେଦିତା ନାଇଡୁ କଥା, ୮ ମାସର ଗର୍ଭବତୀ ହୋଇ ମଧ୍ୟ ସେ ନିର୍ବାଚନ ଡ୍ୟୁଟିରେ ନିୟୋଜିତ ଅଛନ୍ତି। ଖାଲି ସେତିକି ନୁହେଁ ସ୍ଵାମୀଙ୍କର ପୋଷ୍ଟିଙ୍ଗ ଅନାୟ ଜାଗାରେ ହୋଇଥିବାରୁ ଘରେ ୩ ବର୍ଷର ଝିଅର ବି ଖିଆଲ ରଖିଛନ୍ତି ନିଜେ ନିବେଦିତା। ଟିକେ ବି ଥକୁନାହାନ୍ତି କି ବସୁନାହାନ୍ତି। ଡ୍ୟୁଟିରେ ପୁରା ଆକ୍ଟିଭ। ତେବେ ମାତୃତ୍ୟକାଳୀନ ଛୁଟି ଥାଇ ମଧ୍ୟ ସେ କିନ୍ତୁ ନିଜର ଦେଶ ପ୍ରତି କର୍ତ୍ତବ୍ୟକୁ ବାଛିଛନ୍ତି। ଯାହାକୁ ସବୁ ମହଲରୁ ପ୍ରଶଂସା କରାଯାଇଛି। ଏହା ସହିତ ନିବେଦିତା ଏଭଳି ଅଦମ୍ୟ ସାହସ ଆଜି ଅନେକଙ୍କ ପାଇଁ ପ୍ରେରଣା ପାଲଟିଛି।
BREAKING NEWS
- ଖୁବଶୀଘ୍ର ୧୦ ହଜାର ନିଯୁକ୍ତି ଦେବ ଏସବିଆଇ
- ଝାଡଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ଚମ୍ପାଇ ସୋରେନ ଅସୁସ୍ଥ, ହସ୍ପିଟାଲରେ ଭର୍ତ୍ତି
- ରାଜ୍ୟଗୋଷ୍ଠୀ ପାୱାରଲିଫ୍ଟିଂ ଚାମ୍ପିୟନଶିପ: ସ୍ୱର୍ଣ୍ଣ ଓ ରୌପ୍ୟ ପଦକ ଜିତିଲେ ଓଡ଼ିଶା କେନ୍ଦ୍ରୀୟ ବିଶ୍ୱବିଦ୍ୟାଳୟର ଛାତ୍ର
- ରାଜ୍ୟସ୍ତରୀୟ ହକି ଚାମ୍ପିୟନଶିପ: ସୁନ୍ଦରଗଡ ଚାମ୍ପିୟନ
- ଆଇଓଏର ତ୍ରୁଟିପୂର୍ଣ୍ଣ ସ୍ପନଶରଶିପ ଚୁକ୍ତି ଯୋଗୁ କ୍ଷତି ହୋଇଛି କୋଟି କୋଟି ଟଙ୍କା
- ପାଣି ବୋତଲକୁ ଦେଖି ଆଶ୍ଚର୍ଯ୍ୟ ହେଲେ କଲେକ୍ଟର, ନେଲେ ଆକ୍ସନ
- କୋରିଓଗ୍ରାଫର୍ଙ୍କୁ ଝଟ୍କା: ଫେରାଇ ନିଆଗଲା ଜାତୀୟ ପୁରସ୍କାର
- ବାୟୁସେନାର ଏୟାର ଶୋ’ ଦେଖିବା ବେଳେ ଅଘଟଣ, ୪ ମୃତ
- ପ୍ରଥମ ଟି୨୦ରେ ବାଂଲାଦେଶକୁ ସହଜରେ ହରାଇଲା ଟିମ ଇଣ୍ଡିଆ
- କଟକରେ ଅଟୋ ଚାଳକଙ୍କ ବେକ କାଟିଲେ ମଦ୍ୟପ
Comments are closed.