ନୂଆଦିଲ୍ଲୀ: ଉଭୟ ଛୋଟ ଓ ବଡ଼ ପରଦା ତଥା ଓ ମଞ୍ଚ ଅଭିନେତା ଶ୍ରୀରାମ ଲାଗୁଙ୍କର ମଙ୍ଗଳବାର ପୁନେଠାରେ ପରଲୋକ ହୋଇଯାଇଛି। ମୃତ୍ୟୁ ବେଳକୁ ତାଙ୍କୁ ୯୨ ବର୍ଷ ହୋଇଥିଲା।
ଶ୍ରୀରାମ ଦୀର୍ଘଦିନ ଧରି ଅସୁସ୍ଥ ଥିଲେ । ତାଙ୍କ ବିୟୋଗରେ ଚଳଚ୍ଚିତ୍ର ଜଗତରେ ଏକ ଅପୂରଣୀୟ କ୍ଷତି ଘଟିଛି।
Dr. Shreeram Lagoo personified versatility and brilliance. Through the years, he enthralled audiences with outstanding performances. His work will be remembered for years to come. Anguished by his demise. Condolences to his admirers. Om Shanti.
— Narendra Modi (@narendramodi) December 18, 2019
ପେସାରେ ଜଣେ ଡାକ୍ତର ଥିବା ସ୍ବର୍ଗତ ଲାଗୁ ନିଶାରେ ଥିଲେ ଜଣେ ପ୍ରଖ୍ୟାତ ଅଭିନେତା । ଅଭିନୟ ସାଙ୍ଗକୁ ସମାଜ ସେବା କ୍ଷେତ୍ରରେ ତାଙ୍କର ଉଲ୍ଲେଖନୀୟ ଅବଦାନ ପାଇଁ ସେ ବିଭିନ୍ନ ସଂଗଠନ ପକ୍ଷରୁ ସମ୍ବର୍ଦ୍ଧିତ ହୋଇଛନ୍ତି ।
ଏହି ବର୍ଷୀୟାନ ଅଭିନେତା ୧୦୦ରୁ ଊର୍ଦ୍ଧ୍ବ ହିନ୍ଦୀ ଓ ମରାଠୀ ଚଳଚ୍ଚିତ୍ରରେ ନିଜ ଅଭିନୟର ଯାଦୁ ଦେଖାଇଛନ୍ତି । ଏହାସହ ସେ ୪୦ରୁ ଊର୍ଦ୍ଧ୍ବ ନାଟକରେ ମାଧ୍ୟ ନିଜ ଅଭିନୟର ପରାକାଷ୍ଠା ଦେଖାଇଛନ୍ତି । ଆହୁରି ମଧ୍ୟ ୨୦ରୁ ଊର୍ଦ୍ଧ୍ବ ମରାଠୀ ନାଟକର ସେ ନିର୍ଦ୍ଦେଶନା ଭାର ମଧ୍ୟ ସମ୍ଭାଳିଛନ୍ତି ।
Maharashtra Governor Bhagat Singh Koshyari has expressed condolences on the demise of veteran actor and director Dr Shriram Lagoo. “Dr. Shriram Lagoo was one of the most respected actor-directors in theater
and films. He had immortalized many characters with his intense acting.— Governor of Maharashtra (@maha_governor) December 17, 2019
ସ୍ବର୍ଗତ ଲାଗୁଙ୍କ ବିୟୋଗରେ ପ୍ରଧାନମନ୍ତ୍ରୀ ମୋଦି, ମହାରାଷ୍ଟ୍ରର ରାଜ୍ୟପାଳ ଭଗତ ସିଂ କୋଶ୍ୟାରୀ, କେନ୍ଦ୍ରମନ୍ତ୍ରୀ ପ୍ରକାଶ ଜାଭଡେକର ଓ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବଂ ବହୁ ଚଳଚ୍ଚିତ୍ର ବ୍ୟକ୍ତିତ୍ବ ଗଭୀର ଶୋକ ପ୍ରକାଶ କରିଛନ୍ତି।