ଭୁବନେଶ୍ୱର : ରାଜଧାନୀରେ ଏବେ ଦିନକୁ ଦିନ ଅପମୃତ୍ୟୁ ଓ ହତ୍ୟା ଘଟଣା ବୃଦ୍ଧି ପାଇବାରେ ଲାଗିଛି । ମଙ୍ଗଳବାର ସକାଳେ ନୟାପଲ୍ଲୀର ଆଇ.ଆର.ସି ଭିଲେଜ ହାଇସ୍କୁଲ ପରିସରରେ ଥିବା ଖେଳପଡ଼ିଆରୁ ପୋଲିସ ଏକ ମୃତଦେହ ଉଦ୍ଧାର କରିଛି ।
ମିଳିଥିବା ସୂଚନାରୁ ପ୍ରକାଶ, ପ୍ରଥମେ କିଛି ସ୍ଥାନୀୟ ଲୋକେ ହାଇସ୍କୁଲ ପରିସରରେ ଥିବା ଖେଳପଡ଼ିଆରେ ମୃତଦେହ ପଡ଼ିଥିବାର ଦେଖି ପୋଲିସକୁ ତୁରନ୍ତ ଜଣାଇଥିଲେ ।
ଘଟଣା ସମ୍ପର୍କରେ ଖବରପାଇ ନୟାପଲ୍ଲୀ ଥାନା ପୋଲିସ ସଙ୍ଗେ ସଙ୍ଗେ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିଥିଲେ । ପୋଲସ ସାଇଣ୍ଟିଫିକ୍ ଟିମ୍ ର ବିଶେଷଜ୍ଞ ଘଟଣାସ୍ଥଳରେ ଛାନଭିନ କରିବା ସହିତ ତଦନ୍ତ ଜାରି ରଖିଛନ୍ତି ।
ତେବେ ମୃତଦେହକୁ ଏପର୍ଯ୍ୟନ୍ତ ଚିହ୍ନଟ କରାଯାଇପାରିନାହିଁ ବୋଲି ନୟାପଲ୍ଲୀ ଥାନା ପକ୍ଷରୁ ଜଣାଯାଇଛି । ମୃତଦେହ ନିକଟରୁ ଏକ ଭଙ୍ଗା ମୋବାଇଲ୍ ଫୋନ ପୋଲିସ ଜବତ କରିଛି ।
ମୃତଦେହର ଏକାଧିକ ସ୍ଥାନରେ ଧାରୁଆ ଅସ୍ତ୍ର ଦ୍ୱାରା କ୍ଷତ ହୋଇଥିବା ସ୍ଥାନୀୟ ଲୋକେ କହିଛନ୍ତି । ତେବେ କୌଣସି ଦୁର୍ବୃତ୍ତ ହତ୍ୟା କରି ଏହି ବ୍ୟକ୍ତିଙ୍କୁ ଏଠାରେ ପକାଇ ଦେଇଥିବାର ସନ୍ଦେହ କରୁଛନ୍ତି ସ୍ଥାନୀୟ ଲୋକେ ଏବଂ ପୋଲସ ।
Comments are closed.