ନୂଆଦିଲ୍ଲୀ: ଆର୍ଟିଫିସିଆଲ ଇଣ୍ଟେଲିଜେନ୍ସ (AI) ଏବେ କେବଳ ଛୋଟ ଅଫିସ କାମରେ ସୀମିତ ହୋଇ ରହିବ ନାହିଁ । ଏହା ସମଗ୍ର ଶିଳ୍ପର ଦିଗ ବଦଳାଉଛି। ନିକଟରେ ପ୍ରକାଶିତ ରିପୋର୍ଟ ଦାବି କରିଛି ଯେ ଆଗାମୀ ୫ ବର୍ଷ ମଧ୍ୟରେ ବିଶ୍ୱବ୍ୟାପୀ ପ୍ରାୟ ୪୦ ପ୍ରତିଶତ ଚାକିରି ଉପରେ AIର ପ୍ରଭାବ ପଡ଼ିବ। କେତେକ ଚାକିରି ଧୀରେ ଧୀରେ ବଦଳିବ, ଆଉ କେତେକ ସମ୍ପୂର୍ଣ୍ଣ ରୂପେ ବିଲୁପ୍ତ ହୋଇପାରେ। ବିଶେଷ କରି ମହିଳାଙ୍କ ସମ୍ବନ୍ଧୀୟ ଚାକିରିଗୁଡ଼ିକ ଉପରେ ଏହାର ଅଧିକ ପ୍ରଭାବ ପଡ଼ିବାର ଆଶଙ୍କା ରହିଛି। ତଥାପି, ବିଶେଷଜ୍ଞମାନେ କହିଛନ୍ତି ଯେ ଏହି ପରିବର୍ତ୍ତନ ନୂଆ ଚାକିରିର ସୁଯୋଗ ମଧ୍ୟ ସୃଷ୍ଟି କରିପାରେ।
AI ବଦଳାଇବ ଶିଳ୍ପର ଚିତ୍ର
ସଂଯୁକ୍ତ ରାଷ୍ଟ୍ର ବାଣିଜ୍ୟ ଓ ବିକାଶ ସମ୍ମେଳନ (UNCTAD) ଅନୁସାରେ, AIକୁ ଗ୍ରହଣ କରିବାର ଗତି ଖୁବ୍ ତୀବ୍ର ହେଉଛି। McKinseyର ରିପୋର୍ଟ ଅନୁଯାୟୀ, ଅଟୋମେସନ ଯୋଗୁ ଚାକିରି କ୍ଷେତ୍ରରେ ବଡ଼ ପରିବର୍ତ୍ତନ ଆସିପାରେ। ଏହା ନିର୍ଭର କରୁଛି କମ୍ପାନୀଗୁଡ଼ିକ କେତେ ଶୀଘ୍ର AI ଟୁଲ୍ସକୁ ଗ୍ରହଣ କରୁଛନ୍ତି ।
ଏହି ୮ଟି ଚାକିରି ଉପରେ ପଡ଼ିବ ପ୍ରଭାବ
- ମାନବ ସମ୍ବଳ (HR): CV ହେଉ ବା ଇଣ୍ଟରଭ୍ୟୁ ଡାଟା ବିଶ୍ଳେଷଣ, AI ଏବେ ଏସବୁ ଉପରେ କାମ କରୁଛି। IBM ଭଳି କମ୍ପାନୀ କିଛି HR କର୍ମଚାରୀଙ୍କ ସ୍ଥାନରେ AIକୁ କାମରେ ଲଗାଇ ସାରିଛି।
- ଡ୍ରାଇଭର ଓ ଡେଲିଭରି କର୍ମୀ: ସେଲଫ-ଡ୍ରାଇଭିଂ ଟେକ୍ନୋଲୋଜି ଦ୍ରୁତ ଗତିରେ ଆଗେଇଛି। ଭାରତରେ ଏଥିପାଇଁ ନୀତି ଓ ଭିତ୍ତିଭୂମି ଏବେ ପ୍ରସ୍ତୁତ ନାହିଁ, କିନ୍ତୁ ବିଶ୍ୱବ୍ୟାପୀ ଏହି କ୍ଷେତ୍ର ଦ୍ରୁତଗତିରେ ଅଟୋମେଟ ହେଉଛି।
- ଏଣ୍ଟ୍ରି-ଲେଭେଲ କୋଡର: ନୋ-କୋଡ ଓ ଲୋ-କୋଡ ଟୁଲ୍ସ ଯୋଗୁ ଆରମ୍ଭ ହେଉଥିବା ପ୍ରୋଗ୍ରାମିଂ ଚାକିରି ଉପରେ ପ୍ରଭାବ ପକାଇବ। Google ଓ OpenAI ଭଳି କମ୍ପାନୀ AI ମାଧ୍ୟମରେ ସାଧାରଣ କୋଡିଂକୁ ଅଟୋମେଟ କରୁଛନ୍ତି।
- ସାଇବର ସିକ୍ୟୁରିଟି ବିଶ୍ଳେଷକ: AI ଏବେ ହ୍ୟାକିଂ ଓ ସାଇବର ପ୍ରତିରକ୍ଷା ଦୁଇଟି କ୍ଷେତ୍ରରେ ବ୍ୟବହୃତ ହେଉଛି। ମାନବୀୟ ଭୂମିକା ଏହି କ୍ଷେତ୍ରରେ କମୁଛି।
- ବିକ୍ରୟ ପ୍ରତିନିଧି (ସେଲ୍ସ ରିପ୍ରେଜେଣ୍ଟେଟିଭ): Klarna ଭଳି କମ୍ପାନୀ AI ଆସିଷ୍ଟାଣ୍ଟ ମାଧ୍ୟମରେ କୋଟି କୋଟି ଗ୍ରାହକ ସମ୍ପର୍କ ପରିଚାଳନା କରୁଛି, ଯାହା ଶହ ଶହ କର୍ମଚାରୀଙ୍କ ସ୍ଥାନ ନେଇଛି।
- ରିଟେଲ ଓ ରେଷ୍ଟୁରାଣ୍ଟ କର୍ମଚାରୀ: ଅନେକ ମେଟ୍ରୋ ସହରରେ ରୋବୋଟ ଓ୍ୱେଟର ଓ ସେଲଫ-ଚେକଆଉଟ ସିଷ୍ଟମ ଆସିସାରିଛି। McDonald’s ଓ Decathlon ଭଳି ବ୍ରାଣ୍ଡ ଏହାକୁ ଦ୍ରୁତଗତିରେ ଗ୍ରହଣ କରୁଛନ୍ତି।
- ଅଫିସ ଲେଖକ: ଇମେଲ, ରିପୋର୍ଟ, ଓ ବୈଠକ ନୋଟ୍ସ ଭଳି ଲେଖା କାମ ଏବେ AI କରୁଛି। Zoom ଭଳି ପ୍ଲାଟଫର୍ମରେ CEOମାନେ AI ଭାବେ ଉପସ୍ଥିତ ହେଉଛନ୍ତି।
- ମାର୍କେଟିଂ ପେସାଦାର: ସୋସିଆଲ ମିଡିଆ ପୋଷ୍ଟ, ବିଜ୍ଞାପନ ଡିଜାଇନ, ଓ ଡାଟା ବିଶ୍ଳେଷଣ ଏବେ AI ମିନିଟରେ କରୁଛି, ଯେଉଁଥିରେ ପୂର୍ବରୁ ସମ୍ପୂର୍ଣ୍ଣ ଟିମ୍ ଲାଗୁଥିଲା।
Comments are closed.