ଝିଅ ଆଖି ଆଗରେ ମାକୁ ଟାଣିନେଲା କୁମ୍ଭୀର । ଝିଅ ଚାହିଁ ରହିଥିଲା କିଛି କରିପାରିଲା ନାହିଁ । କେନ୍ଦ୍ରାପଡା ଜିଲ୍ଲା କୋଳଡିହା ପଂଚାୟତ ଓଁଲାଡିହ ଗାଁରେ ଏଭଳି ଦୁଃଖଦ ଘଟଣା ଘଟିଛି । ଖରସ୍ରୋତା ନଦୀକୁ ସଂଯୋଗ କରୁଥିବା ପାନିଆଯୋରରୁ ଝିଅ ଆଖି ଆଗରେ ମାକୁ କୁମ୍ଭୀର ଟାଣି ନେଇଛି । କୁମ୍ଭୀର ମାକୁ ଟାଣିନେବା ପରେ ଝିଅ ଜୋରରେ ଚିତ୍କାର କରି ଗ୍ରାମବାସୀଙ୍କୁ ଡାକ ପକାଇଥିଲା । ଏହାପରେ ସ୍ଥାନୀୟ ଲୋକେ ଖୋଜାଖୋଜି ଆରମ୍ଭ କରିଥିଲେ । ଦୀର୍ଘ ସମୟ ହେଲା ଖୋଜାଖୋଜି ଚାଲିଥିଲେ ମଧ୍ୟ ମାକୁ ଲୋକେ ପାଇନାହାଁନ୍ତି । ବର୍ଷାଦିନ ଆରମ୍ଭ ନହେଉଣୁ କୁମ୍ଭୀର ମାନେ ନଦୀରେ ସେମାନଙ୍କ ଆତଙ୍କ ଦେଖାଇବା ଆରମ୍ଭ କରିଛନ୍ତି । ତେବେ ନଦୀକୂଳିଆ ଗ୍ରାମବାସୀଙ୍କୁ କୁମ୍ଭୀର ପ୍ରତି ସଚେତନ ହୋଇ ଚଳିବା ପାଇଁ ପ୍ରଶାସନ ତରଫରୁ ଅନୁରୋଧ କରାଯାଇଛି ।
Comments are closed.