ନୂଆଦିଲ୍ଲୀ: ଭାରତରେ ଦେଶୀ ମଦକୁ ଇଣ୍ଡିଆ ମେଡ୍ କମର୍ଶିୟଲ୍ ଲିକର୍ (IMCL) କୁହାଯାଏ। ଏହି ମଦ ଗ୍ରାମୀଣ ଏବଂ ଶହରୀ ଗରୀବ ଜନସଂଖ୍ୟା ମଧ୍ୟରେ ବହୁତ ଲୋକପ୍ରିୟ। ଏହା ଗହମ, ଚାଉଳ, ଜଉ କିମ୍ବା ଅନ୍ୟ କୃଷି ଉତ୍ପାଦଗୁଡ଼ିକରୁ ତିଆରି ହୋଇଥାଏ ଏବଂ ଏଥିର ଆଲକୋହଲ୍ ସ୍ତର ୨୫% ରୁ ୪୨.୫% ପର୍ଯ୍ୟନ୍ତ ରହେ। ଏହାର ମୂଲ୍ୟ କମ୍ ହୋଇଥାଏ, କାରଣ ସରକାର ଏଥିରେ କମ୍ ଟ୍ୟାକ୍ସ୍ ଲଗାନ୍ତି।
ଦେଶୀ ମଦ ପୋଲିଥିନ୍’ର ପ୍ୟାକେଟ୍ କିମ୍ବା ପ୍ଲାସ୍ଟିକ୍ ବୋତଲ୍’ରେ ମିଳେ। ଏହା ଦେଶର ବିଭିନ୍ନ ଅଞ୍ଚଳରେ ବିଭିନ୍ନ ନାମରେ ଜଣାଯାଏ। ଭାରତରେ ବିକ୍ରି ହେଉଥିବା ମଦର ପ୍ରାୟ ଦୁଇ ତୃତୀୟାଂଶ ଭାଗ ଦେଶୀ ମଦ ହୋଇଥାଏ। ଭାରତରେ ଦେଶୀ ମଦର ପ୍ରାୟ ୨୪୨ ମିଲିୟନ୍ କେସ୍ ବିକ୍ରି ହୁଏ, ଯାହା ଦେଶର ମଦ ବ୍ୟବସାୟର ୩୦% ରୁ ଅଧିକ ଅଂଶ। କିନ୍ତୁ ଦେଶୀ ମଦ ପିଇବା ଶରୀର ପାଇଁ କ୍ଷତିକାରକ ହୋଇଥାଏ, କାରଣ ଏହା ଗୋଟିଏରୁ ଅଧିକ ଥର ଡିଷ୍ଟିଲ୍ ହୋଇନଥାଏ।
ଅନେକଙ୍କୁ ମଧ୍ୟ ପ୍ରଶ୍ନ ଆସିଥାଏ ଯେ ଭାରତ ଭଳି କ’ଣ ଆମେରିକାରେ ଦେଶୀ ମଦ ବିକ୍ରୟ ହୁଏ କି? ଏହାର ଉତ୍ତର ନାହିଁ। ଆମେରିକାରେ ‘ଦେଶୀ ମଦ’ ପରି କୌଣସି କନ୍ସେପ୍ଟ୍ ନାହିଁ, କିନ୍ତୁ ସେଠାରେ ‘ମୁନସାଇନ’ ନାମକ ପାରମ୍ପରିକ ମଦ ରହିଛି, ଯାହା ଭାରତର ଅବୈଧ ଦେଶୀ ମଦ ସହ ସମାନ। ହେଲେ ମୁନସାଇନକୁ ଅବୈଧ ରୂପେ ତିଆରି କରାଯାାଇଥାଏ। ଏହା ମକ୍କା, ଗହମ କିମ୍ବା ଚିନିରୁ ତିଆରି ହୋଇଥାଏ ଏବଂ ଏଥିରେ ଆଲକୋହଲ୍’ର ପରିମାଣ ୪୦% ରୁ ୬୦% ପର୍ଯ୍ୟନ୍ତ ରହିଥାଏ।
Comments are closed.