ପାରାଦୀପ: କଳିଙ୍ଗ ବାଲିଯାତ୍ରା ମହୋତ୍ସବରେ ଆର୍ସଲର ମିତ୍ତଲ ନିପ୍ପନ୍ ଷ୍ଟିଲ୍ ଇଣ୍ଡିଆ (ଏଏମ୍/ଏନ୍ଏସ୍ ଇଣ୍ଡିଆ) ପାରାଦୀପର ବିଜୁ ମଇଦାନରେ ଏକ ଷ୍ଟଲ୍ ସମସ୍ତଙ୍କୁ ଆକର୍ଷିତ କରିଥିଲା।
ଜଗତସିଂହପୁର ଅତିରିକ୍ତ ଜିଲ୍ଲାପାଳ ସମ୍ବିତ କୁମାର ରାଉତ ଏବଂ ପାରାଦୀପ ଅତିରିକ୍ତ ଜିଲ୍ଲାପାଳ ନିରଞ୍ଜନ ବେହେରା ମିଳିତ ଭାବେ ଏହି ଷ୍ଟଲକୁ ଉଦଘାଟନ କରିଥିଲେ। ଏହି ଅବସରରେ ପାରାଦୀପ ପୌରପାଳିକା ଅଧ୍ୟକ୍ଷ ବସନ୍ତ ବିଶ୍ୱାଳ ଏବଂ ପାରାଦୀପ ପୌରପାଳିକାର କାର୍ଯ୍ୟନିର୍ବାହୀ ଅଧିକାରୀ ଅଭିଷେକ ପଣ୍ଡା ଉପସ୍ଥିତ ଥିଲେ।
ସ୍ଥାନୀୟ ମହିଳାମାନଙ୍କୁ ଆତ୍ମନିର୍ଭରଶୀଳ କରିବା ପାଇଁ ଏହାର ସିଏସ୍ଆର୍ ପଦକ୍ଷେପର ଏକ ଅଂଶ ଭାବରେ ଏଏମ୍ / ଏନ୍ଏସ୍ ଇଣ୍ଡିଆ ବିଭିନ୍ନ ସ୍ୱୟଂ ସହାୟକ ଗୋଷ୍ଠୀ (ଏସ୍ଏଚଜି) ମାନଙ୍କୁ ସେମାନଙ୍କର ହସ୍ତତନ୍ତ ଉତ୍ପାଦ ପ୍ରଦର୍ଶନ ଏବଂ ବିକ୍ରୟ ପାଇଁ ଏକ ମଞ୍ଚ ପ୍ରଦାନ କରିଥିଲା। ଏହି ଷ୍ଟଲରେ ଆପ୍ଲିକ୍ ଆର୍ଟ (ଚନ୍ଦୁଆ), ମିଲେଟ୍ ଭିତ୍ତିକ ଖାଦ୍ୟ, ଟେରାକୋଟା ମାଟିପାତ୍ର, ପ୍ରକ୍ରିୟାକୃତ ଶୁଖିଲା ଖାଦ୍ୟ ଏବଂ ହାତ ତିଆରି ଖେଳଣା ସହିତ ବିଭିନ୍ନ ପ୍ରକାରର ସାମଗ୍ରୀ ପ୍ରଦର୍ଶିତ ହୋଇଥିଲା, ଯାହା ବହୁ ସଂଖ୍ୟକ ପର୍ଯ୍ୟଟକଙ୍କୁ ଆକର୍ଷିତ କରିଥିଲା।
ନୂଆଗଡ଼ର ଜାଗୃତି ଭେରାଇଟି ପ୍ରଡ୍ୟୁସର୍ସ ଗ୍ରୁପ୍, ବାଲଡିଆର ନୀଳମାଧବ ଏବଂ କୋହିନୂର ଉତ୍ପାଦକ ଗୋଷ୍ଠୀ, ଚକ୍ରଧରପୁରର ମା ମଙ୍ଗଳା ଏସଏଚଜି, ବରେଇର ମା ବଜ୍ରବୁଧି ଉତ୍ପାଦକ ଗୋଷ୍ଠୀ ଏବଂ ଭୁତମୁଣ୍ଡାଇର ତ୍ରାହି ଅଚ୍ୟୁତ ଏସଏଚଜି ସଦସ୍ୟ ମାନେ ଏହି ଷ୍ଟଲରେ ନିଜ ଉତ୍ପାଦ ପ୍ରଦର୍ଶନ କରିଥିଲେ। ମହୋତ୍ସବର ସମସ୍ତ ଦିନରେ ଏଏମ୍/ଏନ୍ଏସ୍ ଇଣ୍ଡିଆ ଷ୍ଟଲ୍ ଉତ୍ସାହୀ ପରିଦର୍ଶକଙ୍କୁ ଆକର୍ଷିତ କରିଥିଲା ଯେଉଁମାନେ କେବଳ ହସ୍ତତନ୍ତ ଉତ୍ପାଦ କିଣିନଥିଲେ ବରଂ କମ୍ପାନୀର ସିଏସ୍ଆର୍, ବିଶେଷକରି ସ୍ୱୟଂ ସହାୟକ ଗୋଷ୍ଠୀ (ଏସ୍ଏଚଜି) ମାଧ୍ୟମରେ ସ୍ଥାନୀୟ ମହିଳାମାନଙ୍କୁ ସଶକ୍ତ କରିବାରେ ଏହାର ପ୍ରଭାବଶାଳୀ ପ୍ରୟାସକୁ ପ୍ରଶଂସା କରିଥିଲେ।
ଏହି ଅବସରରେ ଏଏମ୍/ଏନ୍ଏସ୍ ଇଣ୍ଡିଆ ଓଡ଼ିଶା ଅପରେସନ୍ସ ମୁଖ୍ୟ ୟୁଏସଆର ରାଜୁ କହିଛନ୍ତି, “ଓଡ଼ିଶାର ସାଂସ୍କୃତିକ ଐତିହ୍ୟ ସହିତ ଆମର ସମ୍ପର୍କ ଏହି ଅଞ୍ଚଳ ପ୍ରତି ଆମର ଦୀର୍ଘମିଆଦୀ ପ୍ରତିବଦ୍ଧତାକୁ ପ୍ରତିଫଳିତ କରୁଛି। ଏହି ଉତ୍ସବ ମାଧ୍ୟମରେ ଆମେ ସାମାଜିକ ଉତ୍ଥାନ, ବିଶେଷକରି ମହିଳା ସଶକ୍ତିକରଣ ଏବଂ ରାଜ୍ୟର ସାମଗ୍ରିକ ବିକାଶ ପ୍ରତି ଆମର ପ୍ରତିବଦ୍ଧତାକୁ ପୁନଃସ୍ଥାପନ କରୁଛୁ।
Comments are closed.