cricket betting: କ୍ରିକେଟରେ ସଟ୍ଟା ଲଗାଇବା ପାଇଁ ନେଲେ ଋଣ…ହାରିବା ପରେ ଯୁବକଙ୍କ ଆତ୍ମହତ୍ୟା

ହାଇଦ୍ରାବାଦ: ଜୁଆ ନିଶା ଯେକୌଣସି ବ୍ୟକ୍ତିକୁ ନଷ୍ଟ କରିଦିଏ । ଆମେ ସମାଜରେ ପ୍ରାୟତଃ ଏପରି ଖବର ଶୁଣିଥାଉ। ତେଲେଙ୍ଗାନାର ସାଙ୍ଗାରେଡ୍ଡି ଜିଲ୍ଲାରୁ ଏପରି ଏକ ଘଟଣା ସାମ୍ନାକୁ ଆସିଛି, ଯେଉଁଠାରେ ଜଣେ ଯୁବକ ଏକ ହୋଟେଲରେ ଆତ୍ମହତ୍ୟା କରିଛନ୍ତି। ସାଙ୍ଗାରେଡ୍ଡି ଜିଲ୍ଲା(Sangareddy)ର ରାମଚନ୍ଦ୍ରପୁରମ ପୋଲିସ ଷ୍ଟେସନ ସୀମା ଅନ୍ତର୍ଗତ ବିରଙ୍ଗୁଡା କମାନ ନିକଟରେ ଥିବା ଏକ ହୋଟେଲରେ ଜଣେ ୩୦ବର୍ଷୀୟ ଯୁବକ ଆତ୍ମହତ୍ୟା କରିଛନ୍ତି। ଅଖିଲ ରବିବାର ହୋଟେଲରେ ଏକ ରୁମ୍ ବୁକ୍ କରିଥିଲେ।

ତାଙ୍କ ରୁମରେ ପହଞ୍ଚିବା ପରେ, ସେ ତାଙ୍କ ବାପାଙ୍କୁ ଫୋନ୍ କରି କହିଲେ ଯେ ସେ ଆତ୍ମହତ୍ୟା କରିବାକୁ ଯାଉଛନ୍ତି। ତାଙ୍କ ବାପା ତାଙ୍କୁ ପଚାରିବାରୁ, ସେ କହିଲେ ଯେ ସେ ଆର୍ଥିକ ସମସ୍ୟାରେ ଅଛନ୍ତି ଏବଂ ଆଉ କୌଣସି ଉପାୟ ନାହିଁ। ତା’ପରେ ସେ ହୋଟେଲ ରୁମରେ ଫାଶୀ ଲଗାଇ ଆତ୍ମହତ୍ୟା କଲେ। ତାଙ୍କ ବାପା ପୁଣି ଥରେ ଯେତେବେଳେ ଫୋନ୍ କଲେ, ଫୋନ୍ ରିସିଭ କରିନଥିଲେ। ଭୟଭୀତ ହୋଇ ସେ ତୁରନ୍ତ ପୋଲିସକୁ ଖବର ଦେଲେ। ପୋଲିସ ହୋଟେଲରେ ପହଞ୍ଚିବା ପରେ, ଦେଖିଥିଲେ ରୁମ୍ ଭିତରୁ ବନ୍ଦ ଥିଲା। କବାଟ ଭାଙ୍ଗି ଦେଖିବା ପରେ ଅଖିଲଙ୍କ ମୃତଦେହ ଫ୍ୟାନରେ ଫାଶୀ ଲଗାଇ ଦେଇଛନ୍ତି

ତଦନ୍ତରୁ ଜଣାପଡ଼ିଲା ଯେ ଅଖିଳ କ୍ରିକେଟ ମ୍ୟାଚ୍‌ରେ ସଟ୍ଟା ଲଗାଇବା ପାଇଁ ଋଣ ନେଇଥିଲେ, କିନ୍ତୁ ଠକେଇ ଯୋଗୁଁ ତାଙ୍କର ସମସ୍ତ ଟଙ୍କା ହରାଇ ଦେଇଥିଲେ। ଆର୍ଥିକ ଅନଟନ ଏବଂ ମାନସିକ ଚାପ ତାଙ୍କୁ ଏହି କଠୋର ପଦକ୍ଷେପ ନେବାକୁ ବାଧ୍ୟ କରିଥିଲା।

ରାମଚନ୍ଦ୍ରପୁରମ ପୋଲିସ ଷ୍ଟେସନ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ଅଖିଳ କିପରି କାହାଠାରୁ ଟଙ୍କା ନେଇଥିଲେ ଏବଂ କିପରି ଠକେଇ ହୋଇଥିଲା ତାହା ତଦନ୍ତ କରୁଛି। ମୃତକଙ୍କୁ କିଏ ହଇରାଣ କରୁଥିଲା ତାହା ମଧ୍ୟ ତଦନ୍ତ କରୁଛି।